ചെകുത്താൻ വേണോ കടലിൽ മുങ്ങി ചാവാണോ ... അമേരിക്ക കൺഫ്യൂഷനിൽ ആണ്...

ലോകത്തിലെ ഏറ്റവും നല്ല വ്യക്തി തങ്ങളുടെ പ്രസിഡന്റ് ആവണം എന്ന് ചിന്തിക്കുന്ന കക്ഷികളാണ് അമേരിക്കക്കാർ. അതിലൊരു തെറ്റുമില്ല. അമേരിക്കൻ ജനത അത് അർഹിക്കുന്നുണ്ട് എന്നാണ് എന്റെ വിശ്വാസം.

അവിടുത്തെ ഭരണകൂടത്തിന്റ്റെ നയങ്ങളെ നഖശിഖാന്തം എതിർക്കുന്ന മറ്റ് രാജ്യക്കാർ, പക്ഷേ ജീവിതത്തിൽ ഒരു പ്രാവശ്യമെങ്കിലും ആ നാട് സന്ദര്‍ശിച്ചു കഴിഞ്ഞാൽ ആ രാജ്യത്തിന്‍റെയും, സർവ്വോപരി അമേരിക്കൻ ജനതയുടേയും ആരാധകരായി മാറുമത്രെ ..  (തോമസ് ഐസക്കിനെ ഉദ്ദേശിച്ച് പറഞ്ഞതല്ല) അത്ര നല്ല പെരുമാറ്റമാണ് അവിടുത്തെ സാധാരണ ജനതയുടേത്. ഞാൻ അവിടെ പോയിട്ടില്ല, ((കടുത്ത ആഗ്രഹമുണ്ടെങ്കിലും.... ഇപ്പറഞ്ഞത്, അമേരിക്കയിലുള്ള സുഹൃത്തുക്കളുടെ ശ്രദ്ധക്ക്)) എന്നാൽ അമേരിക്ക സന്ദർശിച്ച, അവിടെ കുടിയേറിയ ഒട്ടനവധി ആൾക്കാർ എന്നോട് പറഞ്ഞതിൽ നിന്നുള്ള അറിവാണ്.

ഇതൊക്കെ ആണങ്കിലും, ആ നാട്ടിലെ ഭരണകൂടം ലോകത്തെ കാണുന്നത്, സ്വന്തം അഭീഷ്ടങ്ങൾ. സാധിക്കാനുള്ള ഒരുപാധിയായിട്ടാണ്. മറ്റ് രാജ്യങ്ങളിലും, അവിടുത്തെ ജനങ്ങളുടെ സ്വൈര്യ ജീവിതത്തിനും എന്തുതന്നെ സംഭവിച്ചാലും, അമേരിക്കയുടെ താത്പര്യം സംരക്ഷിക്കപ്പെടണം എന്നാണവരുടെ മനോഭാവം. അമേരിക്കൻ താത്പര്യം എന്നാൽ, അവിടുത്തെ വ്യാവസായിക-വാണിജ്യ മേഖലയിലെ വമ്പന്മാരുടെ മടിശ്ശീലകളെ കൂടുതലായി കനം വയ്പിക്കുന്ന നയം എന്നേ അർത്ഥമുള്ളൂ. ഈ കൂട്ടരാണ് യഥാര്ത്ഥത്തില് അമേരിക്കയുടെ ഭരണചക്രം തിരിക്കുന്നത്.  ലോകത്തിലെ പല ഭാഗത്തായി അമേരിക്കക്ക് വിശ്വസ്ഥ സുഹൃത്തുക്കളുണ്ട്. ഈ എല്ലാ സുഹൃത്ത് ബന്ധങ്ങളും അമേരിക്കയുടെ സ്വന്തം താത്പര്യം സംരക്ഷിക്കുക എന്ന ഉദ്ദേശത്തിൽ തന്നെയാണ്. സന്ദർഭവശാൽ പറയട്ടെ, അവരുടെ ഇന്ത്യയിലെ ബ്രാഞ്ചിന് താഴ് വീണിട്ടു രണ്ടു കൊല്ലം കഴിഞ്ഞു,

മനസിലായില്ലേ, നമ്മുടെ സ്വന്തം മദാമ്മ ആൻഡ് കമ്പനി... അല്ലാതാരാ,,,   U.P.A എന്ന് വച്ചാൽ നമ്മൾ ധരിച്ചു വശായിരിക്കുന്നത് United Progressive Alliance എന്നോ മറ്റോ ആണ്. എന്നാലതല്ല സത്യം. U.P.A യുടെ യഥാര്‍ത്ഥ നാമം അഥവാ CIA-ISI ഉപയോഗിക്കുന്ന കോഡ് United States - Pakistan -Alliance എന്നാണ്.

അവരുടെ പ്രതിനിധികളാണ് 2004 മുതൽ  2014 വരെ ഇന്ത്യ ഭരിച്ചത്. രാജ്യത്തെ മുടിപ്പിച്ച, ദയാദാക്ഷണ്യമില്ലാത്ത അഴിമതി നടത്താൻ ഇക്കൂട്ടർക്ക് തന്റ്റടം കിട്ടിയത് ഇങ്ങനെ അമേരിക്ക  നയിക്കുന്ന ഒരു Global unholy nexus ന്റ്റെ ഭാഗമായതു കൊണ്ടാണ്. അവരുടെ ഉദ്യോഗസ്ഥനായിരുന്നു മൻമോഹൻ സിംഗ്.  91 ലെ തിരഞ്ഞെടുപ്പിന് മുൻപ് ചൈന സന്ദർശിച്ച ഒരു ഇന്ത്യൻ നയതന്ത്രജ്ഞനോടു, വരാൻ പോകുന്ന സർക്കാരിൽ ധന കാര്യമന്ത്രി മൻമോഹൻ സിംഗ് എന്ന മുൻ ലോക ബാങ്ക് ഉദ്യോഗസ്ഥനാവും എന്ന് ചൈനയിലെ തന്റെ ആതിഥേയൻ പറഞ്ഞപ്പോൾ, രാജീവ് ഗാന്ധി വധിക്കപ്പെട്ടു കൂടി ഇല്ലായിരുന്നു!!!... പിന്നീടുള്ളത് ചരിത്രം.  ഒരു പക്ഷെ , അബ്ദുൽ കലാം തടഞ്ഞില്ലായിരുന്നു എങ്കിൽ, മദാമ്മ പ്രധാനമന്ത്രി ആയി എന്നേ നമ്മുടെ രാജ്യത്തെ വിറ്റു തിന്നേനേ. ഈ വിഷയം അവിടെ നിക്കട്ടെ. പറയാൻ ആണെകിൽ, കണ്ടമാനം ഉണ്ട്. നമുക്ക് അമേരിക്കയിലേക്ക് വരാം.   

ശ്രീനിവാസൻ ഒരു സിനിമയിൽ പറയുംപോലെ, 'എന്റെ തല, എന്റെ ഫുൾ ഫിഗര്,' എന്ന പോലെയാണ് യാങ്കികളുടെ കാര്യം, എവിടെ എന്ത് ചെയ്താലും, അമേരിക്കൻ താത്പര്യം സംരക്ഷിക്കപ്പെടണം. ഇത് കേട്ട്, അവിടുത്തെ സാധാരണക്കാരനെ തെറ്റിദ്ധരിക്കേണ്ട. മറിച്ചു അവരുടെ   വാണിജ്യ താത്പരൃം എന്നേ കരുതേണ്ടതുള്ളൂ. കാരണം, അവിടുത്തെ ജനാധിപത്യം വെറും പുറംപൂച്ചാണ്. കാര്യങ്ങൾ തീരുമാനിക്കുന്നത്, അതായത്, അമേരിക്കയുടെ പ്രസിഡണ്ടിനെ ഉൾപ്പെടെ  കാര്യങ്ങൾ തീരുമാനിക്കുന്നത് 'വാൾസ്ട്രീറ്റ്' കൈയ്യാളുന്ന കോർപ്പറേറ്റ് ഭീമന്മാരാണ്. ലോകത്തിലെ ഏറ്റവും ശക്തനായ ഭരണാധികാരി അമേരിക്കൻ പ്രസിഡന്റ് ആണന്നു ഒരു വിശ്വാസമുണ്ട്. വെറുതെയാണ്.. ആ പദവി യഥാര്‍ത്ഥത്തിൽ ഒരു ഡമ്മി ആണ്. രണ്ടാം ലോക മഹായുദ്ധാനന്തരം രൂപപ്പെട്ടതാണ് ഈ ഒരു മാഫിയ.  ആയുധ വ്യാപാരത്തിലൂടെ ധനികരായി, വമ്പന്മാരായി തീർന്നവരാണ് ഇതിനു പിന്നിലെ ചാലകശക്തികൾ. പ്രകൃതി വിഭവങ്ങളോ, എണ്ണവിഭവങ്ങളോ ആവശ്യത്തിന് ഇല്ലാത്ത അമേരിക്കയുടെ സാമ്പത്തിക ശക്തി ഏറ്റവുമധികം ആശ്രയിക്കുന്നത് അവരുടെ വ്യാവസായിക ശേഷിയാണ്. അതാകട്ടെ, ആയുധവ്യാപാരത്തിനാൽ ചുറ്റപ്പെട്ടിരിക്കുകയും ചെയ്യുന്നു. ഈ കമ്പോളം നിയന്ത്രിക്കുന്ന വമ്പൻ കോർപ്പറേറ്റുകളാണ് അമേരിക്കയേയും, തദ്വാരാ ലോകക്രമത്തെ തന്നെയും നിയന്ത്രിക്കുന്നത്. സ്വാഭാവികമായും സമാധാന അന്തരീക്ഷം നിലനിൽക്കുന്ന ഒരു ലോകം അവർക്കാവശ്യമില്ല.

ഒബാമ അമേരിക്കൻ പ്രസിഡന്റായി തിരഞ്ഞെടുക്കപ്പെട്ടപ്പോൾ അമേരിക്കയിലെ യുദ്ധ വിരുദ്ധർ 'ഒബാമ ഡിസപ്ഷൻ' എന്നൊരു ഡോക്ക്യുമെന്റ്ററി ഇറക്കിയിരുന്നു. 

https://youtu.be/VebOTc-7shU അമേരിക്കയുടെ ഔദ്യോഗിക രംഗത്ത് ഞെട്ടലുണ്ടാക്കിയ ഈ ചിത്രം അപ്രിയമായ പല സത്യങ്ങളും വിളിച്ചു പറയുന്നുണ്ട് ഊഷ്മളമാക്കാൻ . കഴിഞ്ഞ അറുപതു വർഷങ്ങളായി, അമേരിക്കയുടെ ഒന്നാം നമ്പർ പൗരനെ തിരഞ്ഞെടുക്കുന്നത്, ഈ മാഫിയ ആണ്. ഇവരുടെ പിടിയിൽ പെടാതെ ജനപ്രീതി കൊണ്ട് മാത്രം ആ പദവിയിൽ എത്തിയ ആളായിരുന്നു, ജോൺ എഫ് കെന്നഡി.  ഈ വ്യവസായികലോബികളുടെ പിടിയിൽ പെടാതെ അന്നത്തെ മറ്റൊരു വൻ ശക്തി ആയിരുന്ന, റഷ്യയുമായി ഉലഞ്ഞു നിന്ന ബന്ധത്തെ  ഊഷ്മളമാക്കാൻ  ക്രൂഷ്‌ചേവുമായി നല്ല സൗഹൃദം ഉണ്ടാക്കിയ കെന്നഡി ദുരൂഹമായി കൊല്ലപ്പെട്ടു. എന്ന് മാത്രമല്ല, കെന്നഡിയുടെ കൊലപാതകി വരെ കൊല്ലപ്പെട്ടു. എല്ലാം ദുരൂഹം. അതിനു ശേഷം ഇന്ന് വരെ തിരഞ്ഞെടുക്കപ്പെട്ട എല്ലാ പ്രസിഡന്റുമാരും ഈ മാഫിയയുടെ പ്രതിനിധികൾ ആണ് എന്നാണ് അമേരിക്ക തന്നെ ആസ്ഥാനമായുള്ള ഈ വിഭാഗം ആരോപിക്കുന്നത്. സെനറ്ററന്മാരിൽ വലിയൊരു പങ്കും ഇവരുടെ പിണിയാളുകളാണ് എന്നും ഇവർ പറയുന്നു. 

ഇത്തവണ,  അതിനാൽ തന്നെ, ഹിലരി  ക്ലിന്റൺ അമേരിക്കയുടെ പ്രസിഡന്റായി എത്തും എന്നവർ ഉറപ്പിച്ചിട്ടുണ്ട്. വാൾ സ്ട്രീറ്റിന്റെ , വിശ്വസ്ത ആണ് ഹിലരി. മാത്രവുമല്ല, സ്റ്റേറ്റ് സെക്രട്ടറി ആയി  ഇരുന്നപ്പോൾ, ഇറാഖിലെയും, സിറിയയിലെയും തീവ്രവാദി ഗ്രൂപ്പുകൾക്ക്  കൈ അയഞ്ഞ സഹായം നൽകി അവർ കൂറ് തെളിയിച്ചിട്ടും ഉണ്ട്. മറു ഭാഗത്തു ട്രംപ് പ്രവചനാതീതനായ വ്യക്തി ആണെന്നതും ഹിലാരിയുടെ സാധ്യത കൂട്ടുന്നു. മാത്രവുമല്ല, ട്രംപിന്റെ പൂർവ്വകാലം അത്ര ശുഭവുമല്ല. ചുരുക്കത്തിൽ, അമേരിക്കൻ ജനത എത്തിപെട്ടിരിക്കുന്നത് ഒരു ഊരാക്കുടുക്കിലാണ്. ഇവരിൽ ആരെ തിരഞ്ഞെടുത്താലും കെണി ആകുമെന്ന് ചുരുക്കം. ട്രംപിനെക്കാൾ നല്ലതു ഹിലരി ആണെന്ന വാൾ സ്ട്രീറ്റ് സംഘത്തിന്റെ അനുമാനത്തിനു തിരിച്ചടി നൽകി ആയിരുന്നു, ട്രംപിന്റെ മുന്നേറ്റം. അത് തകർക്കാനാണ്, പീഡന കേസുകൾ രംഗ പ്രവേശം ചെയ്തത്. അത് ഫലം ചെയ്തു എന്ന സർവേകളുടെ ഇടയിലേക്കാണ് ഇതാ ഇപ്പോൾ ഹിലാരിയെ കുടുക്കി കൊണ്ട് ഇമെയിൽ വിവാദം പുറത്തു വന്നിരിക്കുന്നത്. 

ഇതിന്റെ വേരുകൾ കിടക്കുന്നതും, ഇസ്ലാമിക ഭീകരരെ സഹായിച്ചു എന്നതിലാണ്. ലോകത്തു കഴിഞ്ഞ 30 വർഷമായി ശക്തി പ്രാപിക്കുന്ന തീവ്രവാദം ആരുടെ തണലിൽ ആണ് കൊടിക്കൂറ ഉയർത്തിയത് എന്നതിൽ ഇന്ന് അധികം ആർക്കും വലിയ സംശയം ഇല്ല. റഷ്യയുടെ നേതൃത്ത്വത്തിൽ ഒരു വലിയ ബദൽ ഉയർന്നു വരുന്നത് കാണാതിരുന്നു കൂടാ. സമാധാനം ആഗ്രഹിക്കുന്ന അറബ് രാജ്യങ്ങൾ വരെ , അമേരിക്കയെ ഉപേക്ഷിച്ചു റഷ്യയെ വരിക്കുന്ന കാലം അധികം ദൂരത്തല്ല. അമേരിക്കൻ ആയുധ ലോബിയുടെ പ്രതിനിധിയായി , ഹിലരി ആ പദവി ഏറ്റെടുത്താൽ , മൂന്നാം ലോക യുദ്ധമാവും ഫലം. ട്രംപിനെ നമ്പനാവില്ല എങ്കിലും സമാധാനം ആഗ്രഹിക്കുന്ന ഒരു ലോകത്തിനു അപകടകാരിയായ ഹിലാരിയെക്കാൾ, ട്രമ്പകും ഭേദം. 

REMEMBERING DR. APJ ABDUL KALAM, THE GLOBAL CITIZEN

Renjith Gopalkrishnan

Today, October 15^th, is the birth anniversary of one of India’s greatest son and former President, Dr. APJ Abdul Kalam. Dr. Kalam is no more in his mortal form. But the spirit, zeal, enthusiasm, steadfastness and genuineness he has induced in each one of us has ignited the minds of millions of Indian citizens with his vision of making India a developed nation by the Year 2020 AD. Dr. Kalam once remarked, “I will keep the lamp of knowledge burning to achieve the vision - Developed India. If we work and sweat for the great vision with ignited minds, the transformation leading to birth of vibrant developed India will happen”.India, the land of a thousand languages, a billion dreams and a zillion hopes, is aiming it big today following the great man’s footstep. 

And only such ignited minds can make ours a welfare state that ensures freedom, basic amenities and equal opportunities to all sections of the society.  The dynamics of development outlined by this great seer and nationalist envisages how right developmental patterns will enable successful connectivity between India and the world. These deductions made by the ‘Missile Man of India’ were not mere fanciful calculation, but the result of careful analysis and observances.

Dr. Kalam was of the opinion that developed countries must ensure marketing of their products in a competitive way, in order to maintain the status.  A developing country on the other hand must market products bearing in mind quality of the products, cost-effectiveness and precision of time in terms of supply, in order to forge its way towards success.

By observing these dynamics, India can well be transformed to a developed state by 2020, using technology as tool. And with an obviously swelling economy, study and competent internal market, India is obviously destined to make competitive products using technological innovations.

Some of the core areas specified by Dr. Kalam are development of software, pharma products, emergence of steel technology, space technology and defense systems forging into the international arena all the way from India. Along with this, in the former President’s own words, “The initiatives taken in solar farming to generate energy, desalination plants to generate drinking water will soon be mission mode programmes offering a large business in India and outside.”

  

Today, the ascension of Shri Narendra Modi as India’s Prime Minister has given priority to state-funded research in areas like biotechnology, pharmaceuticals and automobile manufacturing with the participation of private sector. He has waved the green flag in exploring the feasibility of setting up research institutes in these fields with the aid of private firms. This is a comprehensive step towards the setting up of institutions that capacitate research, with innovation being a global wave.

India’s vision of turning the nation into a research powerhouse is on par with the realization of Dr APJ’s vision for the nation. This vision for an empowered India includes a well-forged combination of natural resources and talented manpower for integrated action to double the growth rate of GDP. And this exactly is the panacea that is required for the realization of the dream known as ‘Developed India’.

Sectors of agriculture and food processing, having a solid target of doubling the present production of food and agricultural products, infrastructure with quality electric power including solar farming throughout the country, along with provision of urban amenities in rural areas and interlinking of rivers; focus on education and healthcare that will provide social security, that will go a long way in eradication of illiteracy; providing health facilities for all; bringing information and communication technology within the reach of every citizen etc are areas that have been highlights of India’s new agenda.

A lot of emphasis is being laid on critical technologies and strategic industries, which will witness the growth in nuclear technology, space technology and defense technology. Being one of our core competencies it will be a wealth generator as well. The government is also tapping the role of technology in tele-education, tele-medicine and e-governance to promote education in remote areas and healthcare.

Enhancing tourism and ensuring growth of small scale sectors, part of Dr. Kalam’s vision for a developed India will be yet another area of focus for the new government. The government, well aware of India's unique positioning as a multi-dimensional country with many tourist attractions has listed a set of proposals that will forge constructive partnership between private and public sectors, that will ensure the growth of tourism industry. Some of the steps towards this direction are the establishment of innovative products and world-class infrastructure, with a revamping of the country’s inland water navigation, hotels, and entertainment and communication sectors to woo tourists.

Small-scale industries which currently contribute to the gross industrial value are the prime area for creating largest employment opportunities for Indian populace. The current millennium has seen a leap of small-scale units from 0.87 million units in the year 1980-81 to over 3 million in the year 2000. This is expected to grow, with greater prospects in India's export performance.

Small-scale industrial units that contribute to a small percentage of indirect exports which takes place through merchant exporters, trading houses and export houses will now be part of a strategy that enhances export of goods and services from SSI sector, which will be based on technology upgrade, value addition techniques, credit support and export marketing zones etc. This will include export in areas of sports goods, readymade garments, woolen garments and knitwear, plastic products, processed food and leather products etc.

Providing urban amenities in rural areas is crucial in bringing about overall development in the country. Villages can prosper if provided infrastructure, industrial support and employment opportunities. India has envisaged a 4 point connectivity programme that will ensure sustained development in village clusters. Government also aims at successful collaborative efforts and active participation of industries, particularly small scale industries in ensuring provision of urban amenities in rural areas.

The Indian Prime Minister‘s speech to the Australian Parliament in 2015 outlines his vision for a developed India: “Since the turn of this century, India has been the second fastest growing economy in the world. Millions have lifted themselves out of poverty into a new life of possibilities”. It was none other than Dr. APJ’s dream on India.

Today, from the remotest village to the biggest cities, there is a new high tide of hope in India; a new energy and hope that was laid by Dr. APJ Abdul Kalam.It is the energy of our youth – the 800 million people below the age of 35 – eager for change, willing to work for it – because, now they believe that it is possible. That they can make it happen. It is this force of transformation that we will unleash.

India has the potential in developing quality products in a timely and cost effective manner, in order to become globally competitive and plunge into entrenched market. The wealth of manpower that the country has will be more than what is required to ensure the realization of a dream the great visionary scientist turned President had carved out for his motherland.

Though Dr. Kalam served in office as President of India for mere five years, the glorious years were yet to come. After his tenure as President of India, his real global voyages commenced. He has travelled extensively inside and outside the nation and has ignited the minds of millions of people, from European Parliament to remote villages, mostly the young generation. A visionary with great ideology whose mantra was ‘world is one family’, Dr. APJ was a true legend of our time. A great scientist, author, paramount motivator and an excellent teacher, all these confounded in one personality, that was Dr.Abdul Kalam. Six months before his sad demise, Dr. Kalam visited the pearl island, the Kingdom of Bahrain in February 2015.

A royal welcome was given to this global citizen by the Kingdom. His Majesty, King Hamad Bin Isa Al Khalifa, The King of Bahrain, His Royal Highness Prince Khalifa Bin Salman Al Khalifa, The Prime Minister, His Royal Highness Prince Salman Bin Hamad Al Khalifa, The Crown Prince, welcomed the former Indian President. The Indian communities in Bahrain were also overwhelmed by the great man’s visit and organized gala functions. The students of various schools in Bahrain also were excited and inspired by the wisdom that they received during interaction with him. Months later, the sad news came on 27^th July 2015. While delivering a lecture at the Indian Institute of Management Shillong, Dr. Kalam collapsed and passed away due to a massive cardiac arrest. His last lecture was also on a noble thought as always, “Creating a livable Planet”. He is physically not with us today, but the immortal legacy that Bharat Ratna Dr. APJ Abdul Kalam left over will remain forever.

renjith.gkp@gmail.com

പാക് മുസ്ലിമിന്റെ രൂപത്തില്‍ ഡോവല്‍ ലാഹോറില്‍ കഴിഞ്ഞത് ഏഴു വര്‍ഷം.മുതലെടുത്തത് പാക് ബലഹീനത

പാക്കിസ്ഥാന് കനത്ത തിരിച്ചടി നല്‍കിയതിലെ ബുദ്ധികേന്ദ്രങ്ങള്‍ കേരള കേഡര്‍ ഐപിഎസ് ഉദ്യോഗസ്ഥരായിരുന്ന ശ്രീഅജിത് ഡോവലാണ് .ഡോവലിന്റെ ബുദ്ധിയില്‍ ഉറി കരസേനാ താവളത്തിലെ ഭീകരാക്രമണത്തിന് ഇന്ത്യ തിരിച്ചടി നല്‍കിയത് കൃത്യമായ മുന്നൊരുക്കത്തോടെ ആയിരുന്നു. ഇന്ത്യക്കു മുന്നില്‍ തടസങ്ങളുണ്ടായിരുന്നു. അതിര്‍ത്തി കടന്നാല്‍ ലോകരാജ്യങ്ങളുടെ പ്രതിഷേധമുറപ്പ്. പാകിസ്താനെ പിന്തുണയ്ക്കാന്‍ സദാസന്നദ്ധമായി ചൈനയും. എന്നാല്‍, ഭീകരതയുടെ കേന്ദ്രം എന്ന ദുഷ്‌പേര് ബംാദേശ്, അഫ്ഗാനിസ്ഥാന്‍, ഭൂട്ടാന്‍ തുടങ്ങിയ രാജ്യങ്ങളും പതിച്ചു നല്‍കിയതോടെ ഇന്ത്യക്കു കാര്യങ്ങള്‍ എളുപ്പമായി. തന്ത്രങ്ങള്‍ ഒരുക്കിയതാകട്ടേ ദേശീയ സുരക്ഷാ ഉപദേഷ്ടാവ് അജിത് ഡോവലും. മ്യാന്‍മറിലടക്കം മിന്നലാക്രമണം ആസൂത്രണം ചെയ്തു വിജയം കൊയ്ത ചരിത്രം അദ്ദേഹത്തിനുണ്ട്.

എന്നാല്‍ , ഒരു കാലത്ത് അദ്ദേഹം മലയാളികള്‍ക്കിടെയിലുണ്ടായിരുന്നു. കേരള കേഡറിലുള്ള ഐ.പി.എസ്. ഓഫീസറായാണു ഡോവല്‍ സര്‍വീസ് തുടങ്ങിയത്. ഇന്റലിജന്‍സ് ബ്യൂറോ ഡയക്ടറായാണ് അദ്ദേഹം വിരമിച്ചത്. ആരാധകര്‍ ”ഇന്ത്യന്‍ ജെയിംസ് ബോണ്ട്” എന്നാണ് അദ്ദേഹത്തെ വിശേഷിപ്പിക്കുന്നത്. പാക് മുസ്ലിമിന്റെ രൂപത്തില്‍ ഏഴ് വര്‍ഷമാണ് അദ്ദേഹം ആ ലാഹോറില്‍ കഴിഞ്ഞത്. അനുഭവത്തില്‍നിന്നുള്ള ശക്തിയിലാണ് അദ്ദേഹം പാക് വിരുദ്ധ നീക്കം ആസൂത്രണം ചെയ്തതത്. ഉറിയിലെ സേനാതാവളം ആക്രമിച്ചതിനോട് ഇന്ത്യ െവെകാരികമായി പ്രതികരിക്കാതെ സൂക്ഷിച്ചു. ദാരിദ്ര്യത്തെ മറികടക്കാന്‍ മത്സരിക്കാമെന്നാണു പ്രധാനമന്ത്രി നരേന്ദ്ര മോഡി പ്രതികരിച്ചത്. പാകിസ്താനെ വഴിതെറ്റിക്കാനുള്ള നീക്കവും ഇന്ത്യയുടെ ഭാഗത്തുനിന്നുണ്ടായി.

ഭീകരര്‍ക്കെതിരായ ഇന്ത്യന്‍ െസെന്യത്തിന്റെ നടപടികള്‍ ഏകോപിപ്പിക്കാന്‍ ഡോവലിനെയാണ് കേന്ദ്രസര്‍ക്കാര്‍ ചുമതലയേല്‍പ്പിച്ചിരിക്കുന്നത്. പാക് അധീന കശ്മീരിലെ ദൗത്യം അത്ര നിസാരമായിരുന്നില്ല. കുന്നുകളും കാടും ഒക്കെ അടങ്ങിയ മേഖലയിലാണ് ഇന്ത്യന്‍ െസെന്യം രാത്രിയില്‍ കടന്നെത്തിയത്. ഏഴ് ഭീകര ക്യാമ്പുകള്‍ ഉണ്ടായിരുന്നു. ഓരോയിടത്തും 40 ഭീകരര്‍ എങ്കിലും ഉണ്ടായിരുന്നു. പുറത്തറിയുന്നതിലേറെ നഷ്ടമാണു പാകിസ്താനിലുണ്ടായതെന്നാണു സൂചന. ഭീകര്‍ക്കും കൃത്യമായ താക്കീത് ലഭിച്ചു. ബുധനാഴ്ച അര്‍ധരാത്രിയോടെയാണ് ഇന്ത്യ തിരിച്ചടി ആരംഭിച്ചത്.ഭീകര താവളങ്ങള്‍ ഒരാഴ്ചയോളം നിരീക്ഷിച്ചതിനുശേഷമായിരുന്നു ആക്രമണം.soldiers-doval-pakisthan

നിയന്ത്രണരേഖ കടന്ന് മൂന്നു കിലോമീറ്ററോളം ഉള്ളിലേക്കെത്തിയ ഇന്ത്യന്‍ െസെന്യം, ഭീകരരുടെ താവളങ്ങള്‍ക്കുനേരെ ആക്രമണം നടത്തുകയായിരുന്നു. അര്‍ധരാത്രിയോടെ ആരംഭിച്ച ആക്രമണം പുലര്‍ച്ചെ 4.30ഓടെ അവസാനിപ്പിക്കുകയും ചെയ്തു. ഭീകരര്‍ക്കു സഹായം ചെയ്തവരെയും ഇടനിലക്കാരെയും വധിച്ചു. എന്നാല്‍ ഇന്ത്യന്‍ പക്ഷത്തിനിന്ന് ആളപായം ഉണ്ടായില്ല. ഇതിനു സഹായകമായത് ഡോവലിന്റെ പരിചയ സമ്പത്താണ്.

പാക്കിസ്ഥാന് കനത്ത തിരിച്ചടി നല്‍കിയതിലെ ബുദ്ധികേന്ദ്രങ്ങള്‍ കേരള കേഡര്‍ ഐപിഎസ് ഉദ്യോഗസ്ഥരായിരുന്ന ശ്രീഅജിത് ഡോവലും , ആര്‍.എന്‍ രവിയുമാണ്. തലശേരി എഎസ്പിയായിരുന്ന അജിത് ദോവലാണ് പ്രധാനമന്ത്രി നരേന്ദ്രമോദിയുടെസുരക്ഷാ ഉപദേഷ്ടാവ്. കണ്ണൂര്‍ എസ്പിയായിരുന്ന ശ്രീ . ആര്‍ .എന്‍ രവിയാണ് ഇന്റലിജന്‍സ് ബ്യൂറോയുടെതലപ്പത്തുള്ള മറ്റൊരു ബുദ്ധികേന്ദ്രം. അജിത് ദോവലിനെ രാജ്യത്തിന്റെ സുരക്ഷാ ഉപദേഷ്ടാവ് ആയി നിയമിക്കുമ്പോള്‍ തന്നെ അമേരിക്ക ഉള്‍പെടെയുള്ള ലോക രാജ്യങ്ങള്‍ അജിത് ദോവലിന്റെ കഴിവുകള്‍ ഇന്ത്യയുടെ പ്രതിരോധ രംഗത്ത് വലിയ മുന്നേറ്റമാകുമെന്ന് പറഞ്ഞപ്പോള്‍ അജിത് ദോവല്‍ രഹസ്യാന്വേഷണ വിഭാഗം തലവനായിരിക്കെ നടത്തിയ ഓപ്പറേഷനുകള്‍ നേരിട്ടറിയുന്ന പാക്കിസ്ഥാനും, ചൈനയും അജിത്‌ദോവലിന്റെ നീക്കങ്ങളെ ഭയന്നിരുന്നു. ഏറ്റവും ഒടുവില്‍ അജിത്‌ദോവല്‍ തിരുവനന്തപുരത്ത് പുരത്ത് ക്യാമ്പ് ചെയതപ്പോഴാണ് ശ്രീലങ്കയില്‍ ഇന്ത്യയെ പിന്തുണക്കുന്ന ഒരു സര്‍ക്കാര്‍ ഉണ്ടായതെന്നത് ലോകരാജ്യങ്ങളില്‍ ചര്‍ച്ചക്ക് വഴി വെച്ചിരുന്നു. വിശ്വസനീയ കേന്ദ്രങ്ങളില്‍ നിന്നുളള വിവരത്തിന്റെ അടിസ്ഥാനത്തിലായിരുന്നു പാക് അധീന കശ്മീരില്‍ ഇന്നലെ രാത്രി ഇന്ത്യന്‍ സൈന്യം നടത്തിയ ഓപ്പറേഷന്‍. വിരലിലെണ്ണാവുന്ന തീവ്രവാദികളെ മാത്രം ലക്ഷ്യമിടുന്നതിന് പകരം ഇന്ത്യയിലേക്ക് നുഴഞ്ഞുകയറാന്‍ തീവ്രവാദികളെ സജ്ജമാക്കി നിര്‍ത്തിയിരുന്ന ക്യാമ്പുകളാണ് സൈന്യം നോട്ടമിട്ടത്.dovel-modi-pak

ഏഴു വര്‍ഷം ഒരു പാക്കിസ്‌ഥാനി മുസ്്ലിമിന്റെ വേഷത്തില്‍ ഇന്ത്യന്‍ ചാരനായി പാക്കിസ്‌ഥാനില്‍ കഴിഞ്ഞ അജിത് കുമാര്‍ ഡോവലിനറിയാവുന്നതു പോലെ പാക്കിസ്‌ഥാനെ അവിടത്തുകാര്‍ പോലും അറിഞ്ഞിട്ടുണ്ടാകില്ല.പാക്കിസ്‌ഥാന്റെ ഭൂപടം ഡോവലിന്റെ കൈവെള്ളയിലുമുണ്ടെന്നതു തന്നെയാണ് ഇപ്പോള്‍ പാക്കിസ്‌ഥാന്റെ പേടിയും. ഫീല്‍ഡിലിറങ്ങി ചാരപ്രവര്‍ത്തനം നടത്തിയിട്ടുള്ള ഒരു ഇന്റലിജന്റ്്സ് ഉദ്യോഗസ്‌ഥന്‍ ആദ്യമായാണ് രാജ്യത്തിന്റെ സുരക്ഷാ ഉപദേഷ്‌ടാവായത്.

പ്രവര്‍ത്തനമികവും കൈയടക്കവും അനുഭവ പരിചയവുമാണ് അജിത് ഡോവലിനെ വ്യത്യസ്തനാക്കുന്നത്. ഇന്ത്യന്‍ രഹസ്യാന്വേഷണ സംഘത്തെ ലോകത്തെ ഏറ്റവും മികച്ച ചാര സംഘടനയായ ഇസ്രായേലിന്റെ മൊസാദുമായി കൂട്ടിയിണക്കുന്നത് അജിത് ഡോവലിന്റെ ബുദ്ധിയാണ്. ഇതിനൊക്കെ പുറമേ ആര്‍എസ്എസ് മേധാവി മോഹന്‍ ഭാഗവതിന്റെ മനഃസാക്ഷി സൂക്ഷിപ്പുകാരന്‍ എന്ന ലേബലും കൂടിയാകുമ്പോള്‍ അജിത് ഡോവല്‍ പ്രധാനമന്ത്രി നരേന്ദ്രമോദിക്കു ചാണക്യനാകുന്നു.

പാക്കിസ്‌ഥാന്റെ കണ്ണിലെ കരട്

ഇന്ത്യയിലേക്ക് തോക്ക് തിരിച്ചു വയ്ക്കുമ്പോള്‍ പാക്കിസ്‌ഥാന്‍ ഉന്നം വയ്ക്കുന്നത് അജിത് ഡോവല്‍ എന്ന ഒളിപ്പോരിനു പേരു കേട്ട ഉദ്യോഗസ്‌ഥനെ തന്നെയാണ്. അഫ്ഗാന്‍–പാക്കിസ്‌ഥാന്‍ അതിര്‍ത്തിയില്‍ ബലൂചിസ്‌ഥാന്‍ ലിബറേഷന്‍ ആര്‍മിക്ക് ഇന്ത്യ പിന്തുണ നല്‍കുന്നു എന്നും ഇതിനു പിന്നില്‍ ഡോവലാണെന്നുമാണ് പാക്കിസ്‌ഥാന്‍ ആരോപിക്കുന്നത്. കാഷ്മീരില്‍ വിഘടനവാദികള്‍ക്കും ഭീകരര്‍ക്കുമെതിരേയുള്ള പ്രവര്‍ത്തനങ്ങള്‍ക്കു ചുക്കാന്‍ പിടിക്കുന്നതും ഡോവല്‍ തന്നെ. അഫ്ഗാനുമായുള്ള ഇന്ത്യയുടെ നയതന്ത്ര ബന്ധങ്ങള്‍ മെച്ചപ്പെടുത്തുന്നതില്‍ നിര്‍ണായക പങ്കു വഹിച്ചത് ഡോവല്‍ തന്നെയാണ്. ഇതുകൊണ്ടു തന്നെ പാക് തീവ്രവാദികളുടെ ഹിറ്റ്ലിസ്റ്റില്‍ ഡോവല്‍ എന്നുമുണ്ടായിരുന്നു. പാക്കിസ്‌ഥാനില്‍ ഒളിവില്‍ കഴിയുന്ന പിടികിട്ടാപ്പുള്ളി ദാവൂദ് ഇബ്രാഹിമിനെ തിരിച്ച് ഇന്ത്യയിലെത്തിക്കുകയാണ് തന്റെ പ്രധാന ലക്ഷ്യങ്ങളില്‍ ഒന്നെന്ന് ഡോവല്‍ വ്യക്‌തമാക്കിയിട്ടുണ്ട്.

കേരള കേഡര്‍

1968ല്‍ കേരള കേഡര്‍ ഐപിഎസ് ഉദ്യോഗസ്‌ഥനായാണ് ഡോവലിന്റെ പോലീസ് ജീവിതത്തിന്റെ തുടക്കം. അച്യുതമേനോന്‍ മന്ത്രിസഭയുടെ പേരിടിച്ചു താഴ്ത്താന്‍ ആസൂത്രണം ചെയ്യപ്പെട്ട 1971ലെ തലശേരി കലാപം അമര്‍ച്ച ചെയ്യാന്‍ അന്നു കെ. കരുണാകരന്‍ അവിടെ എസ്പി ആയി നിയമിച്ചതു ഡോവലിനെ ആയിരുന്നു. പിന്നീട് കേന്ദ്ര ഡെപ്യൂട്ടേഷനില്‍ ഡോവല്‍ ഐബിയില്‍ ചേര്‍ന്നു. കാഷ്മീരില്‍ ഡോവല്‍ നടത്തിയ മുന്നേറ്റങ്ങള്‍ പിന്നീട് പോലീസ് സേനയുടെ പഠ്യപുസ്തകങ്ങളില്‍ വരെ ഇടം പിടിച്ചു. ഏറ്റവും കുറഞ്ഞ പ്രായത്തില്‍ തന്നെ സ്തുത്യര്‍ഹ സേവനത്തിനുള്ള പോലീസ് മെഡല്‍ നേടി. തൊട്ടു പിന്നാലെ രാഷ്ര്‌ടപതിയുടെ പോലീസ് മെഡലും. ഏഴുവര്‍ഷക്കാലം (1990–96) പാക്കിസ്‌ഥാനില്‍ ഇന്ത്യന്‍ ഹൈക്കമ്മീഷണറായും പ്രവര്‍ത്തിച്ചു. 33 വര്‍ഷവും ഇന്ത്യന്‍ രഹസ്യാന്വേഷണ വിഭാഗത്തിലാണ് ജോലി ചെയ്തിരുന്നത്. പത്തുവര്‍ഷം ഐബിയുടെ ഓപ്പറേഷന്‍ വിംഗിന്റെ തലവനുമായിരുന്നു.

അമൃത്സറിലെ ആള്‍മാറാട്ടം

അമൃത്്സറിലെ സുവര്‍ണ ക്ഷേത്രത്തില്‍ നടന്ന ഓപ്പറേഷന്‍ ബ്ലാക്തണ്ടറായിരുന്നു അജിത് ഡോവല്‍ നിര്‍വഹിച്ച സാഹസിക ഇടപെടലുകളില്‍ പ്രധാനപ്പെട്ടത്. പഞ്ചാബിലെ ചുട്ടു പൊള്ളുന്ന വേനലിലായിരുന്നു ഖാലിസ്‌ഥാന്‍ തീവ്രവാദികളുമായുള്ള പോരാട്ടം. ഒത്തു തീര്‍പ്പു വ്യവസ്‌ഥകള്‍ക്കു വഴങ്ങാതെ കെപിഎസ് ഗില്ലിന്റെ നേതൃത്വത്തിലുള്ള ആക്രണമായിരുന്നു ഓപ്പറേഷന്‍ ബ്ലാക് തണ്ടര്‍. 16 ദിവസം നീണ്ടു നിന്ന ആക്രമണത്തില്‍ സുവര്‍ണ ക്ഷേത്രത്തിന് ഒരു പോറല്‍ പോലുമേല്‍ക്കാതെ 41 തീവ്രവാദികളെ വധിക്കുകയും 200 പേരെ ജീവനോടെ പിടിക്കുകയും ചെയ്തു. ഓപ്പറേഷന്‍ ബ്ലാക് തണ്ടറിനു മുമ്പു പാക്കിസ്‌ഥാനില്‍ നിന്ന് ഐഎസ്ഐ അയച്ച കമാന്‍ഡിംഗ് ഓഫീസറായാണ് ഡോവല്‍ ഖാലിസ്‌ഥാന്‍ തീവ്രവാദികളുടെ ഇടയിലേക്കു കയറിച്ചെല്ലുന്നത്. സുവര്‍ണ ക്ഷേത്രത്തിനു ചുറ്റും ബോംബുകളും ഗ്രനേഡുകളും സ്‌ഥാപിക്കാന്‍ ഇയാളും അവരോടൊപ്പം കൂടി. പക്ഷേ ആക്രമണ സമയത്ത് ഇതിലൊന്നു പോലും പൊട്ടിയില്ല. മാത്രമല്ല ഓപ്പറേഷനു ശേഷം ഇയാള്‍ അപ്രത്യക്ഷനാകുകയും ചെയ്തു.

അന്ന് ഖാലിസ്‌ഥാനികളെ സഹായിക്കാനെത്തിയ ഐഎസ്ഐ ചാരനെ വഴിയില്‍ പിടികൂടിയ ശേഷം അയാളുടെ വേഷത്തില്‍ സുവര്‍ണ ക്ഷേത്രത്തിലെത്തിയത് ഡോവലായിരുന്നു. സൈനികര്‍ക്കു നല്‍കുന്ന ഉയര്‍ന്ന ബഹുമതിയായ കീര്‍ത്തി ചക്ര നല്‍കിയാണ് രാഷ്ര്‌ടപതി, ഡോവല്‍ എന്ന പോലീസ് ഓഫീസറെ ഈ ധീരകൃത്യത്തിന് ആദരിച്ചത്. ഈ ബഹുമതി ലഭിക്കുന്ന ആദ്യ പോലീസ് ഉദ്യോഗസ്‌ഥനും അജിത് ഡോവലാണ്. തീവ്രവാദികള്‍ തട്ടിക്കൊണ്ടു പോയ റൊമാനിയന്‍ നയതന്ത്ര പ്രതിനിധി ലിവ്യു റഡുവിനെ ഒരു പോറല്‍ പോലുമേല്‍പ്പിക്കാതെ മോചിപ്പിച്ചതും ഡോവലിന്റെ പ്രവര്‍ത്തന മികവായിരുന്നു.
മിസോറാമിലെ ഒളിപ്പോര്

മിസോറാം നാഷണല്‍ ഫ്രണ്ടില്‍ നുഴഞ്ഞു കയറി അവരില്‍ ഒരാളായി നിന്നാണ് അജിത് ഡോവല്‍ അവരുടെ തന്നെ പല കമാന്‍ഡര്‍മാരെയും വകവരുത്തിയത്. കലാപത്തിനു നേതൃത്വം നല്‍കിയ ലാല്‍ ഡെംഗയുടെ ഏഴു കമാന്‍ഡര്‍മാരെയാണ് ഇത്തരത്തില്‍ വകവരുത്തിയത്.

കാണ്ഡഹാറിലെ ഓപ്പറേഷന്‍

1999ലെ കാണ്ഡഹാര്‍ വിമാന റാഞ്ചലില്‍ ഭീകരരുമായി വിലപേശി ബന്ദികളെ മോചിപ്പിക്കുന്നതിനു വേണ്ട ശ്രമങ്ങള്‍ അജിത് ഡോവലിന്റെ നേതൃത്വത്തിലായിരുന്നു. താലിബാനികളുമായി നേരിട്ടു സംസാരിച്ച് 41 തീവ്രവാദികളെ വിട്ടയയ്ക്കണം എന്ന ആവശ്യത്തില്‍നിന്നു മൂന്നു പേരുടെ മോചനം എന്ന ആവശ്യത്തിലേക്കാണ് ഡോവലെത്തിച്ചത്.
വിശ്രമത്തിലും കര്‍മനിരതന്‍

2005ല്‍ ഐബിയുടെ ഡയറക്ടറായി വിരമിച്ചതിനുശേഷം 2009ല്‍ കര്‍ണാടക സര്‍ക്കാരിന്റെ സുരക്ഷാ ഉപദേഷ്‌ടാവായി. ഇതിനിടെ ഡല്‍ഹിയിലെ വിവേകാനന്ദ ഇന്റര്‍നാഷണല്‍ ഫൗണ്ടേഷന്റെ ഡയറക്ടറായി പ്രവര്‍ത്തിച്ചു വരികയായിരുന്നു. വിവിധ വിദേശ രാജ്യങ്ങളില്‍ ഉള്‍പ്പടെ സുരക്ഷാ വിഷയങ്ങളില്‍ ക്ലാസെടുത്തിരുന്നു.

ദേശീയ സുരക്ഷാ ഉപദേഷ്‌ടാവ്

2014 മേയ് 30നാണ് അജിത് ഡോവല്‍ ദേശീയ സുരക്ഷാ ഉപദേഷ്‌ടാവായി നിയമിക്കപ്പെടുന്നത്. ആ വര്‍ഷം തന്നെ ജൂണില്‍ ഇറാക്കിലെ തിക്രിത്ത് ഐസിസ് ഭീകരര്‍ പിടിച്ചെടുത്തതിനുശേഷം ആശുപത്രിയില്‍ കുടുങ്ങിയ 46 ഇന്ത്യന്‍ നഴ്സുമാരെ തിരിച്ചെത്തിക്കുന്നതില്‍ നിര്‍ണായക പങ്കു വഹിച്ചു. ഇറാക്കില്‍ നേരിട്ടെത്തിയ ഡോവല്‍ അവിടെ സര്‍ക്കാര്‍ തലത്തില്‍ ചര്‍ച്ചകള്‍ നടത്തിയാണ് ഇതു സാധ്യമാക്കിയത്.

മണിപ്പൂരില്‍ 18 പട്ടാളക്കാരെ വധിച്ച ഭീകരരെ മ്യാന്‍മറില്‍ കയറിയാണ് ഇന്ത്യന്‍ സൈന്യം കൊലപ്പെടുത്തിയത്. അതിന്റെ പിന്നിലും ഡോവലിന്റെ ബുദ്ധിയായിരുന്നു.

നേപ്പാള്‍, ശ്രിലങ്ക

നേപ്പാളില്‍ ഭരണഘടന മാറ്റത്തിനുശേഷം മാദേശി പ്രക്ഷോഭം ഇളക്കി വിട്ട് ഹിന്ദു രാഷ്്ട്രമെന്ന വികാരമുണര്‍ത്തി പ്രധാനമന്ത്രി പ്രചണ്ഡയെ താഴെയിറക്കിയതിനു പിന്നിലും ഡോവലിന്റെ ബുദ്ധിയുണ്ടായിരുന്നു. അതു പോലെ തന്നെ ശ്രീലങ്കയില്‍ മഹീന്ദ രാജപക്സയെ പരാജയപ്പെടുത്തി സിരിസേന അധികാരത്തിലേറിയതിനു പിന്നിലും ഡോവലിന്റെ ബുദ്ധിയും ചരടുവലികളുമുണ്ടായിരുന്നു.

ചെയിന്‍ സ്മോക്കര്‍

കടുത്ത പുകവലിക്കാരനാണ് അജിത് ഡോവല്‍. 45 മിനിറ്റില്‍ ഒരു സിഗരറ്റ് എന്നതാണ് കണക്ക്. പ്രധാനമന്ത്രി നരേന്ദ്ര മോദിയെ എലിസബത്ത് രാജ്‌ഞി ബെക്കിംഗ്ഹാം പാലസില്‍ ഉച്ചവിരുന്നിനു ക്ഷണിച്ചപ്പോള്‍ അജിത് ഡോവലും ഒപ്പമുണ്ടായിരുന്നു. സംസാരത്തിനിടെ പെട്ടെന്നു പുറത്തേക്കിറങ്ങിപോയ ഡോവലിനോട് കൊട്ടാരത്തിലെ സുരക്ഷാ ഉദ്യോഗസ്‌ഥര്‍ കാര്യം തിരക്കി. തനിക്കൊന്നു പുകയ്ക്കാതെ വയ്യെന്നായിരുന്നു ഡോവലിന്റെ മറുപടി.

ശൗര്യ

സൈനിക ജീവിതത്തോടുള്ള ബഹുമാനത്തിന്റെ ഭാഗമായി തന്റെ മകന് ശൗര്യ എന്നാണ് ഡോവല്‍ പേരിട്ടത്. 1973ല്‍ നോര്‍ത്ത് ഈസ്റ്റ് മേഖലയില്‍ ആയിരിക്കുമ്പോഴാണ് സിആര്‍പിഎഫിന്റെ ശൗര്യ ദിവസ് ചടങ്ങില്‍ പങ്കെടുക്കുന്നത്.ajith-doval-d

ചടങ്ങിനുശേഷം പതിനഞ്ചാമത്തെ ദിവസം പിറന്ന മകന് ശൗര്യ എന്നു തന്നെ പേരിടുകയായിരുന്നു. ബാങ്കിംഗ് മേഖലയില്‍ പ്രവര്‍ത്തിക്കുന്ന ശൗര്യ ബിജെപിയോടു ചേര്‍ന്നു നില്‍ക്കുന്ന ഓര്‍ഗനൈസേഷന്‍ ഓഫ് ഇന്ത്യയുടെ ഡയറക്ടറാണ്. ബിജെപിയെ അധികാരത്തിലെത്തിച്ച കഴിഞ്ഞ ലോക്സഭ തെരഞ്ഞെടുപ്പില്‍ തന്ത്രങ്ങള്‍ മെനഞ്ഞവരുടെ കൂട്ടത്തില്‍ ശൗര്യയുമുണ്ടായിരുന്നു. ലണ്ടന്‍ സ്കൂള്‍ ഓഫ് ബിസിനസ്, ഷിക്കാഗോ യൂണിവേഴ്സിറ്റി എന്നിവിടങ്ങളിലായിരുന്നു ശൗര്യ ഡോവലിന്റെ വിദ്യാഭ്യാസം.

വീര പരിവേഷം

ദേശീയ സുരക്ഷാ ഉപദേഷ്‌ടാവായി മുന്‍ ഇന്റലിജന്‍സ് ബ്യൂറോ മേധാവി അജിത് കുമാര്‍ ഡോവല്‍ ചുമതലയേല്‍ക്കുന്നത് തന്നെ തന്റെ ഔദ്യോഗിക ജീവിതത്തിലെ ചരിത്രപാഠങ്ങളുടെ വീരപരിവേഷത്തോടെയായിരുന്നു. ഏറെക്കാലം ഇന്റലിജന്‍സ് ബ്യൂറോയുടെ ഓപ്പറേഷന്‍സ് വിംഗ് ചീഫ് ആയിരുന്നു ഡോവല്‍. ദേശീയ, അന്തര്‍ദേശീയ സുരക്ഷാ വിഷയങ്ങളില്‍ അവഗാഹമുള്ള ഡോവല്‍ നരേന്ദ്ര മോദിയുടെ ടീമില്‍ ഉള്‍പ്പെടുമെന്ന് നേരത്തേ തന്നെ സൂചനകളുണ്ടായിരുന്നു.

മിസോറാം കലാപം, പഞ്ചാബ് കലാപം, കാഷ്മീര്‍ പ്രശ്നം തുടങ്ങിയ ആഭ്യന്തര കലാപങ്ങള്‍ ഒതുക്കുന്നതില്‍ നിര്‍ണായക പങ്ക് വഹിച്ചിട്ടുള്ള ഡോവല്‍ ഏറെക്കാലം വേഷപ്രച്ഛന്നനായി ബര്‍മയിലും ചൈനയുടെ അതിര്‍ത്തിക്കുള്ളിലും സേവനം അനുഷ്ഠിച്ചിട്ടുണ്ട്. സിക്കിം ഇന്ത്യയോടൊപ്പം ചേരുന്നതിനു നിര്‍ണായക പങ്ക് വഹിച്ചതും ഇദ്ദേഹമാണ്. പഞ്ചാബില്‍ നടന്ന ഓപ്പറേഷന്‍ ബ്ലാക് തണ്ടറിലും പങ്കെടുത്തിട്ടുണ്ട്. 1983 മുതല്‍ 1987 വരെ പാക്കിസ്‌ഥാനില്‍ രഹസ്യാന്വേഷണ ഉദ്യോഗസ്‌ഥനായി സേവനമനുഷ്ഠിച്ച ഡോവല്‍ ഇന്ത്യാ വിരുദ്ധ ഭീകരരെ നേരിടുന്ന നിരവധി ഓപ്പറേഷനുകള്‍ക്കു നേതൃത്വം നല്‍കിയിട്ടുണ്ട്.

അജിത് കുമാര്‍ ഡോവല്‍ എന്നാണ് മുഴുവന്‍ പേര്. 1945ല്‍ ഇപ്പോള്‍ ഉത്തരാഖണ്ഡിന്റെ ഭാഗമായ പൗരി ഗഡ്്വാളിലെ ഗിരി ബനേല്‍സ്യൂന്‍ ഗ്രാമത്തിലാണ് ജനനം. ഗഡ്വാളി ബ്രാഹ്മണ കുടുംബമാണ് ഡോവലിന്റേത്. അച്ഛന്‍ ഇന്ത്യന്‍ ആര്‍മിയിലായിരുന്നു. അജ്മീര്‍ മിലിട്ടറി സ്കൂളിലായിരുന്നു അജിത് ഡോവലിന്റെ വിദ്യാഭ്യാസം. സാമ്പത്തിക ശാസ്ത്രത്തില്‍ ആഗ്ര യൂണിവേഴ്സിറ്റിയില്‍ നിന്ന് ഫസ്റ്റ് റാങ്കോടെ ബിരുദാനന്തര ബിരുദമെടുത്തു.

അധമ വിമർശനങ്ങൾ

രഞ്ജിത്ത് ഗോപാലകൃഷ്ണൻ

വളരെ അധമമായ, അപകടകരമായ ഒരു പ്രവണതയാണ് രാഷ്ട്രീയ എതിരാളികളെ അസഭ്യവും, പുലഭ്യവും പറഞ്ഞു നടക്കുക എന്നത്.  എതിരാളികളെ ശത്രുതയോടെ കാണുക എന്ന സദാചാര വിരുദ്ധതയാണിത്. ഉന്മൂലന സിദ്ധാന്തങ്ങളിൽ സ്വന്തം ആദർശങ്ങളെ കൊരുത്തു വച്ചിരിക്കുന്ന ഇടതുപക്ഷത്തിന് ഇത് ഭൂഷണമായിരിക്കാം, പക്ഷേ ജനാധിപത്യ മൂല്യങ്ങളെ വിലമതിക്കുന്ന പരിഷ്കൃത സമൂഹത്തിനു ഉൾക്കൊള്ളാൻ ബുദ്ധിമുട്ടുളള നിലപാടാണിത്. 

പിണറായിയുടേയും, സുധാകരന്റ്റേയും, ജയരാജന്മാരുടേയും ധാർഷ്ട്യവും, വെറുപ്പും, അഹന്തയും പൂണ്ട ഭർസനങ്ങൾ പൊതുസമൂഹം ഇന്ന് കേരളത്തിലെ  ഇടതുരാഷ്ട്രീയ രംഗം നേരിടുന്ന അപചയത്തിന്റ്റെ നേർക്കാഴ്ചയായി കാണുന്നു. പി.കൃഷ്ണപിള്ളയിലും, എ.കെ.ജിയിലും തുടങ്ങി നമ്പൂതിരിപ്പാടിൽ അവസാനിച്ച ധിഷണയുള്ള നേതാക്കളുടെ അഭാവം തന്നെയാണ് ഇതിനു കാരണം.

ഉറി ആക്രമണത്തിന് ശേഷമുള്ള  സാഹചര്യത്തിൽ,  ലോകം കാത്തിരുന്ന പ്രഭാഷണമായിരുന്നു ഇന്തൃൻ പ്രധാനമന്ത്രി കോഴിക്കോട് നടത്തിയത്. ഒരു യുദ്ധസാഹചര്യം മുന്നിൽ നിൽക്കുമ്പോൾ നടത്തിയ വികാരപരവും അതേസമയം സമചിത്തതയോടെയും കൂടിയ പ്രഭാഷണമായിരുന്നു അത്.

ഏവരേയും അത്ഭുതപ്പെടുത്തിക്കൊണ്ട് പാകിസ്താനിലെ ജനതയോട് നേരിട്ട് സംവേദിക്കുകയായിരുന്നു, ചരിത്രത്തിൽ ആദ്യമായി ഒരു ഇന്ത്യൻ പ്രധാനമന്ത്രി. ഇന്ത്യ ആക്രമിക്കുമെന്ന ഭയപ്പാടിൽ കഴിയുന്ന പാക് ജനതയെ അത്തരമൊരു സാഹചര്യം സംജാതമാകാനുള്ള കാരണം,  തീവ്രവാദത്തെ ദേശീയ നയമാക്കിയ പാക് ഭരണകൂടം തന്നെയാണന്ന് ബോധ്യപ്പെടുത്താനും ഇന്ത്യൻ പ്രധാനമന്ത്രിക്ക് കഴിഞ്ഞു. സുസ്ഥിര വികസനവും, സമാധാനവും കാംക്ഷിക്കുന്ന ഇന്ത്യ ഇത്തരം ഒളിയാക്രമണങ്ങ്ളിൽ ഭയക്കുകയില്ലന്നും, മറിച്ചു തിരിച്ചടിക്കാൻ നിർബന്ധിതിതരാകുകയാണന്നും മോദി ഓർമ്മിപ്പിച്ചു. അത്തരമൊരു തിരിച്ചടി താങ്ങാൻ പാകിസ്താന് കരുത്തുണ്ടാവില്ലന്ന് മറ്റാരേക്കാളും നന്നായി അറിയാവുന്നത് ആ നാട്ടിലെ സാധാരണ ജനങ്ങൾക്കാണ്. വരാൻ പോകുന്ന ആ വൻ ദുരന്തത്തിന് അനിവാര്യമായ ഒരു മുന്നറിയിപ്പ് നൽകുകയാണ് ഇന്ത്യൻ പ്രധാനമന്ത്രി ചെയ്തത്.

വിചിത്രമെന്ന് പറയട്ടെ, ആ പ്രസംഗം ഏറ്റവുമധികം ചൊടിപ്പിച്ചത്, കേരളത്തിലെ ഇടതുപക്ഷത്തിനെയാണ്. അങ്ങകലെ മരുഭൂമിയിൽ ആടുമേയ്ച്ചും, ബോംബുപൊട്ടിച്ചും ദൈവരാജ്യം നേടാനിറങ്ങിയിരിക്കുന്നവരുമായി താദാദ്മ്യം പ്രാപിച്ചിരിക്കുന്ന കേരളത്തിലെ ഒരുപക്ഷത്തെ തൃപ്ത്തിപ്പെടുത്താനുള്ള ശ്രമമാണ് ഇടതു നേതാക്കൾ നടത്തുന്നത്. അത് മുൻകൂട്ടി കണ്ടാകണം, ഇത്തരമൊരു സന്ദേശം നല്‍കാൻ കോഴിക്കോടിലെ വേദി നരേന്ദ്ര മോദി തിരഞ്ഞെടുത്തത്. അത് ഫലവത്തായിരുന്നു എന്നതിന്റെ തെളിവാണ് സ്വന്തം സംസ്ക്കാരത്തിനൊത്ത പ്രതികരണവുമായി സുധാകരാദികൾ നടത്തുന്ന ഭർസനങ്ങൾ.

ഉറി ആക്രമണം: ഇന്ത്യ എന്തു ചെയ്യും?

മർമ്മമറിയാവുന്നവന് ഇടിക്കാനറിയില്ല എന്നൊരു ചൊല്ലുണ്ട്. ലോകത്തിലെ തന്നെ മികച്ച ഒരു സൈന്യവും, ആണവ ആയുധങ്ങളും, ബ്രഹ്മോസ് പോലത്തെ മിസൈലുകളും ഉള്ള ഇന്ത്യക്ക് കഴിഞ്ഞ അരനൂറ്റാണ്ടിലേറെയായി പാകിസ്ഥാൻ  തുടരുന്ന അപ്രഖ്യാപിത യുദ്ധത്തെ നേരിടാനറിയില്ലേ?.. പത്താൻകോട്ടിന് ശേഷം ഉറിയിൽ 17 ജവാന്മാരുടെ ജീവനെടുത്ത ആക്രമണം ഇന്ത്യയുടെ മേൽ ഉയര്‍ത്തുന്ന നിശിതമായ ചോദ്യമാണിത്.

നരേന്ദ്ര മോഡിയുടെ ഭരണത്തിൽ ഇതിലും കടുത്ത ഒരു പരീക്ഷണ കാലഘട്ടം ഉണ്ടാവാനില്ല. പാകിസ്താന് തിരിച്ചടി നൽകിയില്ലെങ്കിൽ അത് വമ്പൻ നാണക്കേടാകും. യുദ്ധത്തിനിറങ്ങുക എന്നത് അത്ര എളുപ്പവുമല്ല. പത്തു കൊല്ലത്തെ യുപിഎ ഭരണം പ്രതിരോധ വിഭാഗങ്ങളെ അത്രമേൽ ദുർബലമാക്കിയിട്ടുണ്ട്.  കോൺഗ്രസ്സ് സർക്കാരിന് നട്ടെല്ലില്ല എന്നായിരുന്നു ബിജെപിയുടെ ആക്ഷേപം. അത് ശരിയായാരുന്നു താനും. എന്നാലിപ്പോൾ, ദേശീയവാദികളായ ഹിന്ദത്വ സർക്കാർ ഭരണത്തിൽ ഇരിക്കുമ്പോൾ ഇസ്ലാമിക തീവ്രവാദി സംഘങ്ങളുടെ ഈ ആക്രമണം തിരിച്ചടി നല്‍കാതെ വിഴുങ്ങാനുമാവില്ല, മോദി സർക്കാരിന്.

ഓർമ്മയില്ലേ മണിയപ്പനേ ?..  അതിർത്തി കടന്നു വന്ന പാക് സംഘം തലവെട്ടി ഫുട്ബോൾ കളിച്ച ഇന്ത്യൻ അതിർത്തി രക്ഷാസേനയിലെ കാവൽഭടൻ?... മണിയപ്പൻ അന്നൊരു വികാരമായിരുന്നു. പത്തു വര്‍ഷം മുന്‍പ് ഒരു ഓണക്കാലത്താണ് മണിയപ്പൻ ബലിദാനിയായത്. പിന്നീട്,  ആ വർഷം മുംബൈയിൽ നടന്ന  ട്രെയിനുകളിലെ ബോംബ് സ്ഫോടനങ്ങളിലും 2008ൽ നടന്ന ഭീകരാക്രമണങ്ങളിലും, തണുപ്പൻ നയതന്ത്രമായിരുന്നു മൻമോഹൻ സർക്കാർ സ്വീകരിച്ചത്. രാജ്യമെങ്ങും തീവ്രവാദ വിരുദ്ധ വികാരം അലയടിച്ചപ്പോൾ, ഹവാനയിൽ  മുഷറഫിന്റെ കൈപിടിച്ച് കുലുക്കി സൗഹാര്‍ദ്ദം പുതുക്കുകയാണ് അന്നത്തെ ഇന്ത്യൻ പ്രധാനമന്ത്രി ചെയ്തത്.

നരേന്ദ്ര മോഡി അങ്ങനെയല്ല എന്ന് എല്ലാവർക്കും അറിയാം. ഭരണത്തിൽ ഏറിയ ദിനം മുതൽ അയലത്തെ ശത്രുവിനെ സൗഹൃദ പാതയിലെത്തിക്കാനാണ് ആദ്യം മോദി ശ്രമിച്ചത്. ആ ബന്ധം വഷളായി എങ്കിൽ അതിന് പാകിസ്ഥാൻ മാത്രമാണ് ഉത്തരവാദികൾ. അത് ലോകത്തെ ബോധ്യപ്പെടുത്താനും അദ്ദേഹത്തിനായിട്ടുണ്ട്.

മതമാണ് പാകിസ്ഥാന്റെ പ്രശ്നം. അതിനാൽ തന്നെ കാശ്മീരി പ്രശ്നം വെറുമൊരു കാരണം മാത്രമാണന്ന് എല്ലാവർക്കും അറിയാം. നൂറ്റാണ്ടുകളായി ഭാരതത്തിന്റെ മേലെ നടക്കുന്ന ഈ മതാധിനിവേശ ശ്രമം, സ്വാതന്ത്ര്യാനന്തരം ഒരു രാജ്യത്തിന്റെ മേൽനോട്ടത്തിൽ നടക്കുന്നുവെന്നേയുള്ളൂ. ഇത് മോദിക്ക് നന്നായി അറിയാവുന്ന കാര്യമാണ്. അതിനാലാണ്, മെറ്റലോർജിയിൽ ഐ.ഐ.ടിയിൽ നിന്നും ഉന്നത ബിരുദം കരഗതമായിട്ടുള്ള മനോഹർ പരീക്കരെ ഗോവ മുഖ്യ മന്ത്രി പദവി രാജി വയ്പിച്ച്, പ്രതിരോധ മന്ത്രി പദത്തിലേക്ക് കൊണ്ട് വന്നത്. രണ്ടു കൊല്ലം കൊണ്ട് പ്രതിരോധ സേനകളെ വൻ തോതില്‍ നവീകരിക്കാനും, ആത്മവിശ്വാസം ഉണ്ടാക്കാനും അദ്ദേഹത്തിനായി. എന്നാലൊരു ആണവ രാജ്യമായ പാകിസ്താന് മറുപടി നല്‍കാൻ ഇതൊന്നും പോര എന്ന് മോദിക്കറിയാം.

അന്താരാഷ്ട്ര തലത്തിൽ പാകിസ്താനെ ഒരു തീവ്രവാദി രാജ്യമായി ഒറ്റപ്പെടുത്തുന്നതിൽ ഇന്ന് ഇന്ത്യ ഏതാണ്ട് വിജയിച്ചു കഴിഞ്ഞു. ചൈന മാത്രമാണ് ഇന്നവരുടെ വിശ്വസ്ഥ സുഹൃത്ത്.  ഇന്ത്യയുമായി  നേരിട്ടൊരു ഏറ്റുമുട്ടൽ സാഹചര്യം വന്നാൽ ചൈനയും നേരിട്ട് സഹായിക്കുമെന്ന് പാകിസ്ഥാന് അത്ര ഉറപ്പു നല്‍കുന്ന പോര. മോദി കേവലം രണ്ടു കൊല്ലം കൊണ്ട് നേടിയ നയതന്ത്ര മേൽക്കോയ്മ അത്രക്ക് വലുതാണ്.

ഒരു വശത്ത് കൂടി രാജ്യത്തെ വികസനവും, അന്താരാഷ്ട്ര ബന്ധങ്ങളേയും ശക്തമാക്കി പാകിസ്താനെ പരമാവധി ഒറ്റപ്പെടുത്തുക, മറുവശത്ത്, ഉത്തരവാദിത്വമില്ലാത്ത ഒരു ആണവരാജ്യത്തെ സമ്പൂർണ്ണ യുദ്ധത്തിൽ നിശ്ശേഷം ഇല്ലാതാക്കാൻ ദീർഘമായ പദ്ധതികൾ നടപ്പാക്കുക. ഇന്ത്യ ഇന്ന് ഇങ്ങനെ ഒരു കാര്യപദ്ധതിയിലൂടെയാണ് നീങ്ങുന്നത്. ഇതിനിടെ ഉണ്ടാകുന്ന ആക്രമണങ്ങൾ തങ്ങളുടെ തീരുമാനങ്ങളെ ഊട്ടിയുറപ്പിക്കാനാണ് സർക്കാരിനും, സേനക്കും പ്രചോദനമാവുക. ഉറി ആക്രമണത്തിന് ശേഷമുള്ള പ്രധാനമന്ത്രിയുടെ വാക്കുകളിൽ  അതുണ്ട്.  എങ്കിലും, രാജ്യത്തെ പൊതുവികാരത്തെ തണുപ്പിക്കാൻ എന്തെങ്കിലും ഉടനെ ചെയ്യേണ്ടി വരും അദ്ദേഹത്തിന്. ഒരു പക്ഷേ, വരാൻ പോകുന്ന അനിവാര്യമായ ആ വൻ യുദ്ധത്തിന് ഒരു നാന്ദികുറിക്കലാകാമിത്.

രാമായണ മാസാചരണം

കേരളം കര്‍ക്കിടകത്തെ രാമായണമാസമാക്കി മാറ്റിയിട്ടു 34 വര്‍ഷം കഴിയുന്നു. കള്ളക്കര്‍ക്കിടകത്തെ പുണ്യ കര്‍ക്കിടകമാക്കി മാറ്റിയ ആ സാമൂഹ്യ ഇന്ദ്രജാലത്തിhനു പിന്നില്‍ വലിയൊരു സാത്വിക വിപ്ലവമുണ്ട്‌. കേരളത്തിന്റെ മനസാകെ മാറ്റിയ ആ സാംസ്കാരിക സാമൂഹ്യ ചരിത്രം ഇങ്ങനെ….
******************************************************************
കൊല്ലവര്‍ഷത്തില്‍ പന്ത്രണ്ട്‌ മാസങ്ങള്‍, അതിലൊന്ന്‌ കര്‍ക്കിടകവും എന്നതില്‍ തര്‍ക്കമില്ല. തിരി മുറിയാതെ മഴ പെയ്യുന്ന കള്ളക്കര്‍ക്കിടകം ഇപ്പോള്‍ കലണ്ടറിലൊതുങ്ങി. മലയാളിയുടെ മനസില്‍ അത്‌ രാമായണ മാസമായി മാറി. മലയാളിയുള്ളിടത്തെല്ലാം കര്‍ക്കിടകം രാമായണ മാസാചരണത്തിന്‌ വഴിമാറി. മഴപ്പെയ്ത്തിന്റെ ഇരമ്പലിനുള്ളില്‍ അദ്ധ്യാത്മരാമായണ ശീലുകളുടെ ഭക്തി സാന്ദ്രമായ വായന കൊണ്ട് കേരളം മുഖരിതമാവുന്നു. മലയാളിയുടെ മനസ്സില്‍ വീണ്ടും തുഞ്ചന്റെ കിളിക്കൊഞ്ചല്‍.

1980 കളില്‍ കേരളത്തില്‍ മുഴങ്ങിയ രാമായണം കത്തിക്കുക എന്ന ആഹ്വാനത്തില്‍ നിന്നും രാമായണമാസത്തിലേക്കുളള കേരള സമൂഹത്തിന്റെ സംക്രമണത്തിന്‌ പിന്നില്‍ സോദ്ദേശ്യപൂര്‍വ്വം പരിശ്രമം നടത്തിയ ഒരു കൂട്ടം സാമൂഹ്യ പരിഷ്കര്‍ത്താക്കളുടെ തപസിന്റെ ബലമാണുള്ളത്‌. ഒരുജാതി, ഒരു മതം, ഒരു ദൈവം മനുഷ്യന്‌ എന്ന ശ്രീനാരായണ ഗുരുദേവന്റെ മഹദര്‍ശനത്തിന്‌ മുകളില്‍ കുതര്‍ക്കത്തിന്റെ കരിമ്പടം ചാര്‍ത്തിക്കൊണ്ട്‌ ജാതി വേണ്ട, മതം വേണ്ട, ദൈവം വേണ്ട മനുഷ്യന്‌ എന്ന ആഹ്വാനം മുഴങ്ങിയ കേരളം. രാമായണവും മഹാഭാരതവും ചുട്ടെരിക്കുക, ക്ഷേത്രങ്ങള്‍ തട്ടിനിരത്തി കപ്പവെക്കുക എന്ന കമ്മ്യൂണിസ്റ്റ്‌ കാപട്യത്തിന്‌ വേര്‍കിളിര്‍ത്ത കേരളം. തുഞ്ചന്റെ കളിക്കൊഞ്ചല്‍ ക്രൗഞ്ച മിഥുനങ്ങളിലൊന്നിനെപ്പോല്‍ പിടഞ്ഞ്‌ മരിച്ചുപോകുമോ എന്ന്‌ സന്ദേഹിച്ച കേരളം. ആ കേരളത്തിലാണ്‌ ആധ്യാത്മികതയുടെ തിരത്തളളല്‍ പോലെ ഇന്ന്‌ രാമായണ മാസം ആചരിക്കുന്നത്‌.

1982 ല്‍ ഏപ്രില്‍ 4, 5 തിയ്യതികളില്‍ എറണാകുളത്ത്‌ നടന്ന ഐതിഹാസികമായ ഒരു സമ്മേളനത്തിന്റെ ചരിത്രത്തിലേക്കാണ്‌ രാമായണ മാസത്തിന്റെ വേരുകള്‍ നീണ്ടു ചെല്ലുന്നത്‌. ഹൈന്ദവ ഐക്യത്തിന്റെ ഗംഗാപ്രവാഹം പോലെ എറണാകുളത്ത്‌ നടന്ന വിശാലഹിന്ദു സമ്മേളനം കേരള ചരിത്രത്തിലെ ഒരു നാഴികകല്ലാണ്‌. സ്വാമി ചിന്മയാനന്ദനും, സ്വാമി വിശ്വേശതീര്‍ത്ഥയും ഡോ.കരണ്‍സിംഗും സര്‍സംഘചാലക്‌ പ്രൊഫ. രാജേന്ദ്രസിംഗും പങ്കെടുത്ത സമ്മേളനത്തില്‍ ലക്ഷങ്ങളാണ്‌ അണിചേര്‍ന്നത്‌. വലുപ്പം കൊണ്ടും ഉള്ളടക്കം കൊണ്ടും സവിശേഷവും സമ്പന്നവും ആയിരുന്നു ആ സമ്മേളനം. വിശാലഹിന്ദു സമ്മേളനത്തിന്റെ ഭാഗമായി നടന്ന പ്രതിനിധി സമ്മേളന വേദിയില്‍ നടന്ന മംഗള പൂജയില്‍ ശ്രീനാരായണ പരമ്പരയിലെ തന്ത്രി മുഖ്യനായ പറവൂര്‍ ശ്രീധരന്‍ തന്ത്രിയായിരുന്നു കാര്‍മികത്വം വഹിച്ചത്‌. പാരമ്പര്യ തന്ത്രി മുഖ്യരില്‍ പ്രമുഖനായ സൂര്യ കാലടി സൂര്യഭട്ടതിരിപ്പാട്‌ താന്‍ പരികര്‍മ്മിയായിരിക്കുമെന്ന്‌ പ്രഖ്യാപിച്ചു മുന്നോട്ടുവന്നു. തന്ത്രിമുഖ്യനായ പെരുവനം കെ.പി.സി.അനുജന്‍ ഭട്ടതിരിപ്പാട്ടും ഷര്‍ട്ട്‌ ഊരിവെച്ച്‌ താനും പരികര്‍മ്മിയായിരിക്കുമെന്ന്‌ പ്രഖ്യാപിച്ചു. ഭ്രാന്താലയത്തില്‍ നിന്നും തീര്‍ത്ഥാലയത്തിലേക്കുള്ള കേരളത്തിന്റെ തീര്‍ത്ഥയാത്രയിലെ അവിസ്മരണീയ സംഭവമായിരുന്നു അത്‌. വിശാലഹിന്ദു സമ്മേളനത്തിന്റെ സംഘാടക സമിതി ഒരു സംഘടനയായി തുടര്‍ന്ന്‌ പ്രവര്‍ത്തിക്കാന്‍ തീരുമാനിക്കുകയും ചെയ്തു. തുടര്‍ന്ന്‌ 1982 ജൂണ്‍ 6 ന്‌ എറണാകുളം ദക്ഷിണഭാരത ഹിന്ദി പ്രചാരസഭാ ഹാളില്‍ എ. ആര്‍. ശ്രീനിവാസന്റെ അധ്യക്ഷതയില്‍ ചേര്‍ന്ന വിശാലഹിന്ദു സമ്മേളന നിര്‍വ്വാഹക സമിതി യോഗത്തിലാണ്‌ കര്‍ക്കിടക മാസം രാമായണ മാസമായി ആചരിക്കാന്‍ തീരുമാനിച്ചത്‌. ശ്രീനാരായണ ഗുരുദേവന്‍, ചട്ടമ്പിസ്വാമികള്‍, മഹാത്മാ അയ്യങ്കാളി എന്നിവരുടെ ജയന്തി ദിനങ്ങള്‍ ആചാര്യ ത്രയം എന്ന രീതിയില്‍ സമാഘോഷിക്കാനും യോഗം തീരുമാനിച്ചു.

മുനിഞ്ഞുകത്തുന്ന നിലവിളക്കു വെട്ടത്തില്‍ മുത്തശ്ശിമാര്‍ ഒരു ചടങ്ങുപോലെ വായിച്ചു തീര്‍ത്ത രാമായണം ഗ്രാമ-നഗര-ഭേദമെന്യേ പൊതുവേദികളില്‍ വായിക്കാന്‍ തുടങ്ങി. ക്ഷേത്രസങ്കേതങ്ങളില്‍, പൊതുവേദികളില്‍ രാമായണ വായനക്കപ്പുറത്തേക്ക്‌ രാമായണദര്‍ശനത്തിന്റെ ഗരിമ വിളംബരം ചെയ്യുന്ന വിദ്വല്‍ സദസ്സുകള്‍ ആരംഭിച്ചു. സെമിനാറുകളും വിചാരസദസുകളും രാമായണ പ്രഭാഷണപരമ്പരകളും ആരംഭിച്ചു. കാലഹരണപ്പെടാത്ത ആചാരരീതികളെ കാലത്തിന്റെ മാറ്റത്തിനൊത്ത്‌ പരിഷ്കരിച്ചു കൊണ്ട്‌ കേരള സമൂഹം രാമായണ മാസാചരണത്തെ ഏറ്റുവാങ്ങി. എന്നാല്‍ എളുപ്പമായിരുന്നില്ല ഈ സംക്രമണദശ. രാമായണ മാസാചരണത്തെ എതിര്‍ക്കാന്‍ പതിവുപോലെ കേരളത്തിലും ചിലരുണ്ടായി. മാര്‍ക്സിസ്റ്റ്‌ പാര്‍ട്ടിയും പുരോഗമന കലാസാഹിത്യസംഘവും രാമായണമാസാചരണത്തെ ശക്തമായി എതിര്‍ത്തുകൊണ്ട്‌ രംഗത്തുവന്നു. രാമായണമല്ല രാവണായനമാണ്‌ വേണ്ടതെന്ന ആഹ്വാനവും ശ്രീരാമനെയും സീതയെയും രാമായണത്തെയും പുച്ഛിച്ചുകൊണ്ടും എഴുത്തും പ്രഭാഷണവും അരങ്ങേറി.

തിരുനല്ലൂര്‍ കരുണാകരന്‍ മുതല്‍ ഇഎംഎസ്‌ വരെ അണിനിരന്ന ഈ എതിര്‍പ്പിന്‌ കരുത്തായി സിപിഎം പാര്‍ട്ടി യന്ത്രവും പ്രവര്‍ത്തിച്ചു. സുദീര്‍ഘമായ സംവാദങ്ങള്‍, മറുപടികള്‍ കൊണ്ട്‌ കേരളത്തിന്റെ വൈചാരിക രംഗം ചൂടുപിടിച്ചു. 1982 ജൂലൈ 25 തിരുവനന്തപുരത്ത്‌ കേരള യൂണിവേഴ്സിറ്റി സ്റ്റുഡന്‍സ്‌ സെന്ററില്‍ ചേര്‍ന്ന പുരോഗമന കലാസാഹിത്യ സംഘം ജില്ലാ കമ്മിറ്റി സംഘടിപ്പിച്ച സാംസ്കാരിക സമ്മേളനം ഉദ്ഘാടനം ചെയ്തു കൊണ്ട്‌ തിരുനെല്ലൂര്‍ കരുണാകരന്‍ ഇങ്ങനെ പറഞ്ഞു “ശ്രീരാമന്‍ രാജ്യം ഭരിച്ചിരുന്ന രാമരാജ്യത്തില്‍ ഒരു ശുദ്രന്‍ തപസുചെയ്തു. വിവരമറിഞ്ഞ വിശ്വാമിത്രന്‍ ശുദ്രന്‍ തപസു ചെയ്യുന്നത്‌ അധര്‍മ്മമാണെന്ന്‌ ശ്രീരാമനെ അറിയിച്ചു. രാമന്‍ ആ ശുദ്ധാത്മാവിന്റെ കഴുത്തു വെട്ടി. രാമരാജ്യം പുന:സ്ഥാപിക്കാന്‍ ശ്രമിക്കുന്നവര്‍ക്കെതിരെ ജാഗ്രത പാലിക്കണം”

ഇഎംഎസ്‌ നമ്പൂതിരിപ്പാട്‌ മാര്‍ക്സിസവും മലയാള സാഹിത്യവും എന്ന പുസ്തകത്തില്‍ എഴുതി: “ഈ കൃതികള്‍ (രാമായണവും മഹാഭാരതവും) കേരള ജനതയുടെ പുരോഗതി തടസ്സപ്പെടുത്തുന്ന ഒരുവീക്ഷണഗതിയാണ്‌ സാധാരണക്കാരുടെ മനസില്‍ ഉണര്‍ത്തിവിട്ടത്‌ എന്ന്‌ തീര്‍ച്ചയാണ്‌. രാമായണത്തിലും മഹാഭാരതത്തിലും ആവിഷ്കരിക്കപ്പെട്ടിട്ടുള്ള മതപരമായ വേലിക്കെട്ടുകള്‍ തകര്‍ത്തു മുന്നേറിയാലല്ലാതെ കേരളീയ ജനതയ്ക്ക്‌ സ്വയം പരിഷ്കരിക്കാനും മനുഷ്യസമൂഹത്തിന്റെ പുതിയ നേട്ടങ്ങളുടെ അടിസ്ഥാനത്തില്‍ തങ്ങളുടെ സാഹിത്യവും സംസ്കാരവും വികസിപ്പിച്ചെടുക്കാനും സാധ്യമല്ല.

എന്നാല്‍ ഇത്തരം ദുര്‍വ്യാഖ്യാനങ്ങള്‍ക്ക്‌ മറുപടി പറഞ്ഞുകൊണ്ട്‌ ഇതിഹാസ സമാനമായ വൈചാരിക മുന്നേറ്റമാണ്‌ കേരളത്തില്‍ നടന്നത്‌. പി.പരമേശ്വര്‍ജിയും പി. മാധവ്ജിയുടെയും നേതൃത്വത്തില്‍ നടത്തിയ വൈചാരിക മഥനത്തില്‍ രാവണപക്ഷം തോറ്റൊടുങ്ങിയെന്ന്‌ ചരിത്രം.

കേരളം കര്‍ക്കിടകത്തെ രാമായണമാസമാക്കി മാറ്റി. കേവല വായനക്കപ്പുറത്തേക്ക്‌ രാമായണദര്‍ശനം ജീവിതത്തിന്‌ വഴികാട്ടുന്ന തരത്തിലുള്ള ആഴമേറിയ ചര്‍ച്ചകള്‍ക്ക്‌ തുടക്കം കുറിച്ചത്‌ അങ്ങനെയാണ്‌. ഒരു വര്‍ഷം കഴിയുമ്പോഴേക്കും ഇഎംഎസ്സടക്കം അടവുമാറ്റി. രാമായണം പോലെയുള്ള ക്ലാസിക്‌ കൃതികള്‍ ഇന്ത്യന്‍ ജനതയുടെ പൊതുസ്വത്താണെന്നും ഒരു കാര്യവിചാരവുമില്ലാതെ മാര്‍ക്സിസ്റ്റ്‌ വിമര്‍ശകര്‍ അത്തരം കൃതികളെ വിമര്‍ശിച്ചത്‌ പ്രാകൃതമായ മാര്‍ക്സിസമാണെന്നും നമ്പൂതിരിപ്പാടു ചുവടുമാറ്റി. രാമായണ മാസാചരണത്തെക്കുറിച്ച്‌ ഭാരതീയവിചാരകേന്ദ്രം ഡയരക്ടര്‍ പി.പരമേശ്വരന്‍ പറയുന്നു,
“കര്‍ക്കിടക മാസത്തില്‍ രാമായണ വായന കേരളത്തില്‍ പതിവുണ്ടായിരുന്നു. എന്നാല്‍ രാമായണ മാസാചരണം അതിന്‌ സാമൂഹികമായ മാനം നല്‍കി. രാമായണത്തെക്കുറിച്ചും അതിലെ കഥാപാത്രങ്ങളെക്കുറിച്ചും പ്രബുദ്ധമായ ചര്‍ച്ചകള്‍ നടന്നു. രാമായണം സമൂഹ ജീവിതത്തിനുപയുക്തമായ രീതിയില്‍ പ്രയോജനപ്പെടുത്തുക എന്നതാണ്‌ മാസാചരണം ലക്ഷ്യംവെച്ചത്‌. കേവലം വായനമാത്രമല്ല”

ഇന്ന്‌ ക്ഷേത്രസങ്കേതങ്ങള്‍ മുതല്‍ സര്‍വ്വകലാശാലകള്‍ വരെ രാമായണ ചര്‍ച്ചകള്‍ നടക്കുന്നു. മാധ്യമങ്ങളില്‍ രാമായണ മാസദിനാചരണങ്ങളുടെ വാര്‍ത്തകള്‍ കൊണ്ട്‌ നിറയുന്നു. കള്ളക്കര്‍ക്കിടകം രാമായണമാസാചരണത്തിന്‌ വഴിമാറിയത്‌ സോദ്ദേശ്യ പൂര്‍ണ്ണമായ ഒരു പ്രയത്നത്തിന്റെ ഫലമായിരുന്നു. കേരളത്തെ പുന:സൃഷ്ടിക്കാനുള്ള മഹാപ്രയത്നത്തിലെ ചെറുതല്ലാത്ത ഒരു ചുവട്‌. രാമായണത്തിന്റെ പ്രസക്തി ഇന്നു കൂടിവരികയാണ്‌. ഉത്തമ ഭരണാധികാരിയുടെയും ഉത്തമ ഭര്‍ത്താവിന്റെയും ഭാര്യയുടെയും സഹോദര സ്നേഹത്തിന്റെയും ഉദാത്ത മാതൃകകള്‍ രാമായണം കാണിച്ചുതരുന്നു. രാമായണ കഥാപാത്രങ്ങള്‍ ആദര്‍ശമാതൃകകളാണ്‌. ശ്രീരാമനെ മാതൃകാ പുരുഷനായാണ്‌ വാല്മീകി അവതരിപ്പിക്കുന്നത്‌. ആനുകാലിക സമൂഹത്തിന്റെ ധാര്‍മിക അപചയത്തിന്‌ നമ്മുടെ  നിന്നും പരിഹാരം കണ്ടെത്തണം. അതിന്‌ രാമായണ മാസാചരണം ദിശാബോധം നൽകട്ടെ.🙏🏻🙏🏻🙏🏻