ഓണം

1❓വിഷ്ണുവിന്റെ അവതാരമായ വാമനന്റെ അമ്മ ആരാണ്?

👉 *അദിതി*

2❓തമിഴകത്ത് ഓണം ആഘോഷിച്ചതായി പറയുന്ന സംഘകാല കൃതി ഏതാണ്?

👉 *മധുരൈ കാഞ്ചി*

3❓അത്തം മുതൽ ഉത്രാടം വരെയുള്ള പൂക്കളങ്ങളിൽ ഒരു ദിവസം ചതുരത്തിലാണ് പൂക്കളമിടുന്നത്. ഏതു നാളിലാണത്?

👉 *മൂലം നാൾ*

4❓ഭാഗവതത്തിലെ ഏതു സ്കന്ധത്തിലാണ് വാമനൻ തന്റെ പാദ സ്പർശത്താൽ മഹാബലിയെ അഹങ്കാരത്തിൽ നിന്ന് മോചിതനാക്കി സുതലിത്തിലേക്ക് ഉയർത്തിയ കഥ പറയുന്നത്?

👉 *എട്ടാം സ്കന്ധം*

5❓ ആരുടെ പുത്രനാണു മഹാബലി?

👉 *വിരോചനൻ*

6❓മഹാബലി എത് യാഗം ചെയ്യവേ വാമനനായി അവതാരമെടുത്ത മഹാവിഷ്ണു ഭിക്ഷയായി മൂന്നടി മണ്ണ്‌ ആവശ്യപ്പെട്ടു.?

👉 *’വിശ്വജിത്ത്‌’ എന്ന യാഗം*

7❓എത് നാൾ മുതൽ ആണ് ചെമ്പരത്തിപ്പൂവിന്‌ പൂക്കളത്തിൽ സ്ഥാനമുള്ളത്?

👉 *ചോതി നാൾ മുതൽ*

8❓എത് നാൾ ആണ് പൂക്കളം പരമാവധി വലിപ്പത്തിൽ ഇടെണ്ടത്?

👉 *ഉത്രാട നാള്ളിൽ*

9❓തിരുവോണനാളിൽ അട നിവേദിക്കുന്നത് ആര്‍ക്കാണ്?

👉 *തൃക്കാക്കരയപ്പനെ*

10❓എന്താണ്‌ ഇരുപത്തിയെട്ടാം ഓണം?

👉 *ചിങ്ങത്തിലെ തിരുവോണത്തിനു ശേഷം 28 ആമത്തെ ദിവസമാണ്‌ ഇത്. കന്നുകാലികള്‍ക്കായി നടത്തുന്ന ഓണമാണിത്. ഓച്ചിറ പരബ്രഹ്മ ക്ഷേത്രത്തിലെ പ്രധാന ദിവസമാണിത്. അവിടെ ഇതൊരു വലിയ ആഘോഷമാണ്.*

11❓മഹാബലി എന്ന വാക്കിനർത്ഥം?

👉 *’വലിയ ത്യാഗം’ ചെയ്‌തവൻ.*

12❓വാമനാവതാരം സംഭവിച്ചത് എത് യുഗത്തിലാണ്?

👉 *ത്രേതായുഗത്തിലാണ്*

13❓വിഷ്ണുവിന്റെ അവതാരമായ വാമനന്റെ പിതാവ് ആരാണ്?

👉 *കശ്യപൻ*.       

14❓മഹാബലിയുടെ യഥാർത്ഥ പേര്?

👉 *ഇന്ദ്രസേനന്‍*

15❓മഹാബലിയുടെ പത്നിയുടെ പേര്?

👉 *വിന്ധ്യാവലി*

16❓മഹാബലിയുടെ പുത്രന്റെ പേര്?

👉 *ബാണാസുരന്‍.*

17❓മഹാബലി നര്‍മ്മദാ നദിയുടെ വടക്കേ കരയില്‍ എവിടെയാണ് യാഗം നടത്തിയിരുന്നത്?

👉 *ഭൃഗുകച്ഛം എന്ന സ്ഥലത്ത്*

18❓ ആരാണ് അവതാരമെടുത്ത മഹാവിഷ്ണു ഭിക്ഷയായി മൂന്നടി മണ്ണ്‌ ആവശ്യപ്പെട്ടപ്പോൾ മഹാബലിയെ അത് നൽക്കുന്നതിൽ നിന്നു പിന്തിരിപ്പിച്ചത് ?

👉 *അസുരഗുരു ശുക്രാചാര്യൻ*

19❓ദശാവതാരങ്ങളില്‍ മഹാവിഷ്ണുവിന്റെ എത്രാമത്തെ അവതാരമായിരുന്നു വാമനൻ?

👉 *അഞ്ചാമത്തെ*

20❓ എന്നാണ് ഓണം ആഘോഷിക്കുന്നത്?

👉 *ചിങ്ങമാസത്തിലെ അത്തം നക്ഷത്രം മുതൽ തുടങ്ങുന്ന ഓണാഘോഷം തിരുവോണം നാളിൽ പ്രാധാന്യത്തോടെ ആഘോഷിക്കുകയും ചതയം നാൾ വരെ നീണ്ടു നിൽക്കുകയും ചെയ്യുന്നു.*

🌸🌼🌺🌸🌼🌺🌸🌼🌺🌸🌼🌺

Shivaji the Management Guru

"Shivaji, the Management Guru" is a full subject in Boston University.

Yet, we Indians know so little about him. 

What a pity!

Atleast let us make our future generation to know about this great INDIAN.

Never learnt much about Shivaji in history in School. Amazed at what many think of him:

"From Kabul to Kandahar my Taimur family created the Mogul Sultanate. Iraq, Iran, Turkistan and in many more countries my army defeated ferocious warriors. But in India Shivaji put brakes on us. I spent my maximum energy on Shivaji but could not bring him to his knees.

Ya Allah, you gave me an enemy, fearless and upright, please keep your doors to heaven open for him because the world's best and large hearted warrior is coming to you."

-Aurangzeb (After Shivaji's death, while reading Namaz)

"That day Shivaji just didn't chop of my fingers but also chopped off my pride. I fear to meet him even in my dreams." - Shahista Khan.

"Is there no man left to defeat Shivaji in my kingdom??" - Frustrated Begum Ali Adilshah.

"Had Shivaji lived for another ten years, the British would not have seen the face of India." - A British Governer

"If India needs to be made independent then there is only one way out, 'Fight like Shivaji'." - Netaji

"Shivaji is just not a name, it is an energy source for Indian youth, which can be used to make India free." - Swami Vivekananda.

The famous war of Umberkhind is mentioned in the Guinness Book of World Records:

"The 30,000 strong army of Kartalab Khan from Uzbekistan was defeated by mere 1000 mawalas of Shivaji. Not a single Uzbeki was left alive to return back home."

Shivaji was a King of International fame. In the span of 30 yrs of his career, he fought with only two Indian warriors. All others were outsiders.

Shahista Khan, who feared Shivaji even in his dreams was King of Abu Taliban and Turkistan.

Behlol Khan Pathan, Sikandar Pathan, Chidar Khan Pathan were all warrior sardars of Afghanistan.

Diler Khan Pathan was the great warrior of Mangolia. All of them bit dust in front of Shivaji.

Sidhhi Jowhar and Salaba Khan were Iranian warriors, who got defeated by Shivaji.

Sidhhi Jowhar later planned a sea attack. In response Shivaji raised a navy, the first Indian Navy. But before accomplishing the task Shivaji left this world. (He was poisoned.)

ശബരിമലയിലെ മാളികപ്പുറം മണിമണ്ഡപം

ശബരിമല തീർത്ഥാടകർ നേരിട്ടും അല്ലാത്തവർ ചിത്രങ്ങളിലൂടെയും മറ്റ് മാദ്ധ്യമങ്ങളിലൂടെയും മാത്രം കണ്ടിട്ടുള്ള സ്വാമി അയ്യപ്പന്റെ ജീവ സമാധി എന്നറിയപ്പെടുന്ന ഇടം.

സത്യത്തിൽ ശബരിമല തീർത്ഥാടകരായ വലിയൊരു വിഭാഗം ഭക്തർക്കും ഇരുമുടിയിൽ നിറച്ചു പോകുന്ന ഭസ്മം തൂവുന്നതിനുള്ള ഇടം എന്നതിൽ കവിഞ്ഞുള്ള പരിജ്ഞാനം വളരെ കുറവായിരുന്നു എന്നതായിരുന്നു പരമാർത്ഥം.

ശബരിമല തീർത്ഥാടനം എന്നത് ഗുരുസ്വാമിമാരിൽ നിന്നും ആരംഭിക്കാത്തതിന്റെ കുറവ് ഇന്നത്തെ തലമുറ അനുഭവിക്കുന്നു എന്നതിന്റെ വ്യക്തമായ തെളിവാണ് പുതിയ ആശയങ്ങളുടെ കടന്നുവരവ് .ശബരിമല എന്നത് വിശ്വാസങ്ങളുടേയും ആചാരങ്ങളുടേയും സമ്മിശ്ര വികാരമാണ്.

ശബരിമല തീർത്ഥാടനംഎന്നത് .തീർത്ഥാടന വേളയിലെ പ്രധാനപ്പെട്ട ഇടമാണ് മാളികപ്പുറത്തെ മണിമണ്ഡപം.

ആ മണിമണ്ഡപത്തിന്റെ പ്രസക്തി എന്തെന്നത് വ്യക്തമായി എല്ലാവരും മനസ്സിലാക്കണം.

സ്വാമി അയ്യപ്പനും മാളികപ്പുറത്തമ്മയും മാളികപ്പുറത്തെ ഗുരുതിയും ,യുക്തിയിൽ ഉറച്ച ഭക്തിയും ഭക്തിയിൽ ഉറച്ച യുക്തിയും ഉണ്ടാവണം എന്ന വിശ്വാസത്തോടെ തയ്യാറാക്കിയ വിവരണം.

കന്നി സ്വാമിമാർ ശബരിമലയിൽ ദർശനത്തിന് വരാത്ത ഒരു കാലമുണ്ടെകിൽ അന്ന് അയ്യപ്പൻ മാളികപ്പുറത്തമ്മയെ വിവാഹം കഴിക്കാമെന്നു വാഗ്ദാനം നൽകിയിട്ടുണ്ടെന്ന ഒരു കഥ പ്രചാരത്തിലുണ്ട് . അപ്രകാരം കന്നി സ്വാമിമാർ എത്തിയതിന് തെളിവാണ് ശരം കുത്തിയിൽ കാണുന്ന ശരക്കോലുകൾ എന്നും അത് നോക്കി ഉറപ്പാക്കുക ഇല്ലെങ്കിൽ അയ്യപ്പസ്വാമിയെ വിവാഹം കഴിക്കുക എന്ന ലക്ഷ്യത്തോടെ മാളികപ്പുറത്തമ്മ ശരം കുത്തി വരെ മകരം 5 ന് എഴുന്നെള്ളുമെന്നുമുള്ള അബദ്ധമായ കഥ. മനഃപൂർവ്വമായോ അല്ലാതെയോ ഇവിടെ പ്രചരിക്കപ്പെട്ടു പോന്നിട്ടുണ്ട് .

അവിടെ കുന്നുകൂടി കിടക്കുന്ന ശരക്കോലുകൾ കണ്ട് വിവാഹം മുടങ്ങിയ നിരാശയോടെ ദേവി മാളികപ്പുറത്തേയ്‌ക്ക് തിരിച്ചെഴുന്നെള്ളി അടുത്തവർഷം വരെ കാത്തിരിക്കുന്നു എന്നുള്ള തെറ്റിദ്ധാരണയാണ് സത്യത്തേക്കാൾ കൂടുതലായി പ്രചരിക്കപ്പെട്ടിട്ടുള്ളത്.

യഥാർഥത്തിൽ മാളികപ്പുറത്ത് കുടികൊള്ളുന്ന ദേവി പന്തളം രാജാവിന്റെ പരദേവതയായ

മധുര മീനാക്ഷിയാണ് .ദേവിക്ക് മാതൃഭാവത്തിലുള്ള സ്ഥാനമാണ് നല്കിയിട്ടുള്ളതും .

പിന്നെയാരാണ് മകരം 1 മുതൽ 4 വരെ പതിനെട്ടാം പടിക്കൽ വരെയും മകരം 5 നു ശരം കുത്തിയിലേക്കും എഴുന്നെള്ളുന്നത് ?

മണിമണ്ഡപം എന്ന മഹായോഗപീഠത്തിൽ ജീവ സമാധിയിൽ കുടികൊള്ളുന്ന ആര്യൻ കേരളൻ എന്ന അയ്യപ്പൻ എന്ന അയ്യപ്പസ്വാമിയാണ് ഇപ്രകാരം എഴുന്നെള്ളുന്നത് എന്ന ചരിത്ര സത്യം എത്രപേർക്ക് അറിയാം ?

പതിനെട്ടാം പടിക്കു മുകളിൽ കുടികൊള്ളുന്ന ശ്രീധർമ്മശാസ്താവിനെ കാണുവാൻ അയ്യപ്പസ്വാമി നടത്തുന്ന ഈ എഴുന്നെള്ളത്ത് വിളക്കെഴുന്നെള്ളത്ത് എന്നാണ് അറിയപ്പെടുന്നത്. പാരമ്പര്യമായി റാന്നി കുന്നക്കാട്ട് കുടുംബത്തിലെ അംഗങ്ങൾ മകരം ഒന്നിന് അയ്യപ്പസ്വാമിയെ ജീവസമാധിയിൽ നിന്ന് ഉണർത്തിയ ശേഷം മണിമണ്ഡപത്തിൽ കളമെഴുതുകയും തുടർന്ന് മണിമണ്ഡപത്തിൽ നിന്നും വിളക്ക് എഴുന്നള്ളത്തു നടത്തി പതിനെട്ടാം പടിയിൽ നായാട്ടു വിളിക്കു ശേഷം തിരിച്ചു മണിമണ്ഡപത്തിലേക്കു അയ്യപ്പസ്വാമിയെ എഴുന്നെള്ളിച്ച് പൂജക്ക് ശേഷം കളം മായ്ക്കുകയും ചെയ്യുന്നു.

മകരം ഒന്നു മുതൽ അഞ്ചു വരെ അയ്യപ്പസ്വാമിയുടെ അഞ്ച് ഭാവങ്ങളാണ് കളത്തിൽ വരയ്ക്കുന്നത്. ബാലകൻ, പുലിവാഹനൻ, അമ്പും വില്ലും ധരിച്ച വില്ലാളി വീരൻ, സർവ്വാഭരണഭൂഷിതൻ, ശാസ്താവിൽ വിലയിച്ച് ചിന്മുദ്രാങ്കിതനായ സമാധിസ്ഥൻ എന്നിവയാണത് .

മകരം 1 മുതൽ 4 വരെ അയ്യപ്പൻ ജീവസമാധിയായ മണിമണ്ഡപത്തിൽ നിന്നും പൊന്നു പതിനെട്ടാം പടിയിലേക്കും മകരം 5 നു ശരം കുത്തിയിലേക്കും അയ്യപ്പന്റെ മകരവിളക്ക് എഴുന്നള്ളത്തു ആണ് നടക്കുന്നത്. യഥാർഥത്തിൽ ഈ വിളക്കെഴുന്നെള്ളിപ്പാണ് മകരവിളക്ക് എന്ന് പൗരാണിക കാലം മുതൽ അറിയപ്പെടുന്നത്.

പന്തളം കൊട്ടാരത്തിൽ നിന്ന് ശിരസ്സിൽ ഏറ്റി എഴുന്നെള്ളി എത്തിക്കുന്ന തിരുവാഭരണപ്പെട്ടിയിൽ വീരയോദ്ധാഭാവത്തിലുള്ള സ്വാമി അയ്യപ്പന്റെ കൊമ്പൻ മീശയുള്ള തിരുമുഖം ആലേഖനം ചെയ്ത തിടമ്പും, അധികാര ചിഹ്നങ്ങളായ തലപ്പാറമല ഉടുമ്പാറമല എന്നിവയുടെ കൊടി അകമ്പടിയോടും കൂടിയാണ് ആണ് വിളക്ക് എഴുന്നള്ളത്ത് നടക്കുന്നത്

മകരം 5 ന് അയ്യപ്പസ്വാമി ശരം കുത്തിയിലേക്കു എഴുന്നള്ളി ഭൂതഗണങ്ങളുമായി തിരിച്ചു എഴുന്നള്ളുന്നു. മുമ്പ് ശബരിമല ഉത്സവകാലം മകരം 1 മുതൽ ആയിരുന്നു. അതിനെത്തുന്ന ഭക്തജനങ്ങൾക്ക് സൗകര്യത്തിനായി സന്നിധാനത്തു നിന്ന് മലദൈവങ്ങൾ. ഭൂതനാഥനായ ഭഗവാന്റെ ഗണങ്ങൾ എന്നിവർ സന്നിധാനത്തു നിന്ന് ശരംകുത്തിയിലേക്ക് ഒഴിഞ്ഞു നിൽക്കും.

ഇവരെ തിരികെ ക്ഷണിച്ചു കൊണ്ട് വന്നാണ് ഗുരുതി നടത്തുന്നത്. ഉപചാരപൂർവ്വമുള്ള ഭൂതഗണങ്ങളുടെ വരവായതിനാൽ വാദ്യമേളങ്ങൾ.തീവെട്ടി ഇവ ഒഴിവാക്കുന്നു . ഇതാണ് മാളികപ്പുറത്തമ്മയുടെ പ്രേമഭംഗത്തിന്റെ അടയാളമായി വിവരിച്ചുകാട്ടുന്നത് .

ഇതിനു ശേഷം മണിമണ്ഡപത്തിനു മുൻപിൽ ചൈതന്യ ശുദ്ധിക്കായി ഗുരുതിയും നടത്തുന്നു.

അയ്യപ്പന്റെ മണിമണ്ഡപത്തിൽ നിന്നുള്ള വിളക്ക് എഴുന്നള്ളത്തു മാളികപ്പുറത്തു നിന്നായതു കൊണ്ട് ഇത് ആദ്യം മാളികപ്പുറം എഴുന്നെള്ളത്ത്എന്നും പിന്നീട് മാളികപ്പുറത്തമ്മയുടെ എഴുന്നള്ളത്തു എന്ന് തെറ്റിദ്ധരിക്കപ്പെട്ടു. മകരം അഞ്ചിന് പന്തളം രാജാവ് നേരിട്ട് നടത്തുന്ന കളഭാഭിഷേകത്തിനു ശേഷം അവകാശികൾക്ക് നൽകുന്ന സദ്യ "കളഭ സദ്യ"എന്നാണ് അറിയപ്പെടുന്നത് . ഇത് നടക്കാതെപോയ കല്യാണ സദ്യ എന്നും തെറ്റിദ്ധരിക്കപ്പെട്ടു.

ജീവ സമാധിയിൽ നൈഷ്ഠികബ്രഹ്മചാരിയായ അയ്യപ്പസ്വാമി കുടികൊള്ളുന്ന ഇടമായതിനാലാണ് യൗവനയുക്തകളായ സ്ത്രീകൾക്ക് ശബരിമല സന്നിധാനത്ത് നിയന്ത്രണം ഉള്ളത്. ജീവസമാധിയെന്നാൽ ചിരഞ്ജീവിയായ അവസ്ഥയാണ്. ആവശ്യമുള്ളപ്പോൾ ഉണർത്താൻ (ഉണരാൻ) സാധിക്കുന്ന ഇവിടെ വർഷത്തിലൊരിക്കൽ ഉണർത്തുന്ന (ഉണരുന്ന) അവസ്ഥയാണ്. മഹാസമാധി അഥവാ നിർവ്വാണാവസ്ഥയല്ല എന്ന് സാരം .

സ്വാമി ശരണം.

അയ്യപ്പ സേവാ സംഘം

കേരള സ്റ്റേറ് കൗൺസിൽ

"ആത്മീയതയുടെ ഈറ്റില്ലം; തളരാത്ത പോരാട്ടത്തിന്റ്റെ സഹസ്രാബ്ദം : ഭാരത സ്വാതന്ത്ര്യത്തിന്റ്റെ ഇതിഹാസം

രഞ്ജിത്ത് ഗോപാലകൃഷ്ണൻ

"വരുന്ന മൂന്ന് നൂറ്റാണ്ടുകൾ, നിങ്ങൾ ഭാരതാംബയെ പൂജിക്കൂ, എങ്കിൽ അമ്പത് വർഷം കുഴിയുമ്പോൾ അവൾ സ്വതന്ത്രയാകും, മൂന്ന് നൂറ്റാണ്ടുകളുടെയുള്ളിൽ അവൾ, പരമവൈഭവത്തിലെത്തും, ഒപ്പം വിശ്വ ഗുരുവാകും" 

-#സ്വാമി_വിവേകാനന്ദൻ, 1897-ൽ നൽകിയ ആഹ്വാനമാണിത്. 

1893-ലെ വിശ്വപ്രസിദ്ധ ചിക്കാഗോ മത സമ്മേളനവും, തുടർന്ന് നാല് വർഷം നീണ്ടു നിന്ന തന്റ്റെ വിശ്വ പ്രസിദ്ധമായ അമേരിക്കൻ - ഇംഗ്ലണ്ട് യാത്രകൾക്ക് ശേഷവും കൊളംബോ വഴി ഭാരതത്തിൽ മടങ്ങിയെത്തിയ സ്വാമിജി തന്റ്റെ വിഖ്യാതമായ പ്രസംഗ പരമ്പരയിൽ ഭാരതത്തിലെ യുവജനതയോട് നടത്തിയ ആഹ്വാനമായിരുന്നു ഇത്. 

(കൊളംബോ മുതുൽ എൽമോറ വരെ എന്ന സ്വാമിജിയുടെ പ്രസംഗ പരമ്പര രേഖപ്പെടുത്തിയ പുസ്തകത്തിൽ നിന്നും)

AD950 -മാണ്ടിൽ ആരംഭിച്ച വൈദേശിക ആക്രമണ പരമ്പരകളിൽ നിന്നും, നരകം തീർത്ത വൈദേശിക അടിമത്വത്തിൽ നിന്നും സ്വാമിജി 1897-ൽ പ്രവചിച്ചതു പോലെ കൃത്യം അമ്പതാം വർഷം 1947-ൽ ഭാരതം, അവളുടെ അടിമത്വത്തിന്റ്റെ വിലങ്ങുകൾ പൊട്ടിച്ചെറിഞ്ഞ്  സ്വാതന്ത്ര്യം നേടി. 

വലിയ വില അതിന് നൽകേണ്ടി വന്നു എങ്കിലും, ക്രാന്തദർശിയായ ആ അവതാര പുരുഷനെ മനസ്സാ വണങ്ങാതെ ഒരു സ്വാതന്ത്ര്യ ദിനവും എനിക്ക് കടന്നു പോകാറില്ല. സ്വാതന്ത്ര്യ സമരത്തിന്റ്റെ നാൾവഴികളിൽ ബലിദാനികളായ  അനേകലക്ഷം ദേശാഭിമാനികളുടെ സ്മരണകൾ ഉൾക്കൊണ്ട് മാത്രമേ ഓരോ സ്വാതന്ത്ര്യ ദിനവും ആചരിക്കാറുമുള്ളൂ.  

#ഉജ്ജ്വല_സമര_ചരിത്രം 

1857-ലെ ഒന്നാം സ്വാതന്ത്ര്യ സമരത്തിന്റ്റെ വമ്പൻ പരാജയം നൽകിയ ആഘാതത്തിൽ ഹതാശരായി, തങ്ങളുടെ മാതൃഭൂമിക്ക് വന്ന് ഭവിച്ച ദുർവിധിയിൽ  നിരാശയുടെ പടുകുഴിയിലാണ്ട് പ്രജ്ഞയറ്റു കിടന്ന ഒരു ജനതയായിരുന്നു പത്തൊമ്പതാം നൂറ്റാണ്ടിന്റ്റെ അവസാനത്തോടെ ഭാരതത്തിൽ ഉണ്ടായിരുന്നത്. 

ഉറങ്ങിക്കിടന്ന ആ മഹദ്ജനതയുടെ ഞരമ്പുകളിൽ പ്രത്യാശയുടേയും, ആത്മവിശ്വാസത്തിന്റ്റേയും ആഗ്നേയ തരംഗങ്ങൾ ജ്വലിപ്പിച്ചത്, പാശ്ചാത്യ ലോകത്തിനെ, ഭാരതത്തിന്റ്റെ ആത്മീയതയുടെ അഭൗമികമായ തേജസ്സിനാൽ അമ്പരപ്പിച്ച് മടങ്ങിയെത്തിയ ഈ യുവ സന്യാസിയുടെ ആത്മാവിനെ ഉണർത്തുന്ന വാഗ്ധോരണികളായിരുന്നു..

കൊളംബോയിൽ നിന്നും, മദ്രാസിലേക്കും, അവിടെ നിന്ന് കൽക്കത്തായിലേക്കും തുടർന്ന് രാജ്യത്തിന്റ്റെ ഓരോ കോണുകളിലും സ്വാമിജി എത്തി. ലക്ഷക്കണക്കിന് ജനങ്ങൾ അദ്ദേഹത്തിന്റ്റെ വാക്കുകൾ ഉൾക്കൊണ്ട് ആത്മവിശ്വാസം വീണ്ടെടുത്തു.

"ഉണരൂ, എഴുന്നേൽക്കൂ, പ്രവർത്തിക്കൂ" എന്ന അദ്ദേഹത്തിന്റ്റെ സിംഹഗർജ്ജനം ഭാരതീയ സിരകളിൽ സ്വാഭിമാനം നിറച്ചു. 

പിന്നീടുള്ളതാണ്, ആധുനിക ഭാരതത്തിന്റ്റെ യഥാര്‍ത്ഥ സമര ഗാഥ..!!!

ബാലഗംഗാധര തിലകനും, ലാലാ ലജ്പത്റായിയും, ഗാന്ധിജിയും, പട്ടേലും തുടങ്ങി ഇന്ത്യൻ സ്വാതന്ത്ര്യ സമര ചരിത്രത്തിലെ ഏറ്റവും മികച്ച പോരാളി, നേതാജി സുഭാഷ് ചന്ദ്ര ബോസും, ആർഎസ്സ്എസ്സ് സ്ഥാപകൻ ഡോ:കേശവ ബലിറാം ഹെഡ്ഗേവാറും, ഹിന്ദു മഹാസഭ നേതാവായിരുന്ന വീര സവർക്കറും, വിപ്ലവ സിംഹങ്ങളായിരുന്ന ഖുദിറാം ബോസ്, ഭഗത് സിംഗ്, ചന്ദ്രശേഖർ ആസാദ് തുടങ്ങിയ അനേകായിരം അനശ്വരരായ സമര നക്ഷത്രങ്ങളെല്ലാം, സ്വാമി വിവേകാനന്ദനിൽ നിന്നും ഉയിരും, ഉശിരും ഉൾക്കൊണ്ടവരരായിരുന്നു. അതിനാൽ തന്നെ വര്‍ഷങ്ങളുടെ അടിമത്വത്തില്‍ നിന്നും പൊരുതി നേടിയെ‌‌ടുത്ത സ്വാതന്ത്ര്യത്തിന് നമ്മുടെ ജീവനോളം തന്നെ നാം വിലമതിക്കണം.

1857 ലേത് ഒന്നാം സ്വാതന്ത്ര്യ സമരം ആയിരുന്നു എങ്കിൽ, 1905 മുതൽ ഉയിര് വീണ്ടെടുത്ത സമരങ്ങൾ രണ്ടാം സ്വാതന്ത്ര്യ സമര പരമ്പരയാണ്. ആവേശോജ്വലമായ ഈ സമര ചരിത്രത്തില്‍ മറക്കാനാവാത്ത നിരവധി സംഭവങ്ങളുണ്ട്, സ്ഥലങ്ങളുമുണ്ട്. 

അധികമൊന്നും ഇന്ന് ഓർക്കപ്പെടാത്ത ആ സംഭവങ്ങളിലേക്ക് ഒരു മടക്കയാത്ര ആകട്ടെ ഈ സ്വാതന്ത്ര്യ പുലരിയിലെ നമ്മുടെ സ്മരാണ്ജലി.

#ബരാക്പൂർ

1857-ലെ ഒന്നാം സ്വാതന്ത്ര്യ സമരത്തിന് തുടക്കം കുറിച്ച  അറിയാമെങ്കിലും ബരാക്പൂര്‍ എന്ന സ്ഥലം മിക്കവര്‍ക്കും അപരിചിതമായിരിക്കും. ബരാക്പൂരില്‍ വെച്ചാണ് ബ്രിട്ടീഷുകാരുടെ നിയമങ്ങള്‍ക്കെതിരെ മംഗള്‍ പാണ്ഡെ എന്ന ശിപായി പ്രതികരിച്ചതും ഒന്നാം സ്വാതന്ത്ര്യ സമരം പൊട്ടിപ്പുറപ്പെട്ടതും. (ചിത്രം കാണുക)

ബ്രിട്ടീഷ് സൈന്യത്തിൽ അക്കാലത്തുണ്ടായ മാറ്റങ്ങള്‍ പ്രത്യേകിച്ച്, P-53 എൻഫീൽഡ് റൈഫിൾസിൽ ഉപയോഗിക്കുവാന്‍ പേപ്പര്‍ കാര്‍ട്ട്റിഡ്ജ് ഉപയോഗിക്കണമെന്ന് നിര്‍ദ്ദേശത്തിനെതിരെയാണ് മംഗൽപാണ്ഡേ പ്രതികരിച്ചത്. റൈഫിൾ കയറ്റാൻ സൈനികർക്ക് വെടിയുണ്ട കടിക്കേണ്ടിവന്നു, ഈ വെടിയുണ്ടകളിൽ ഉപയോഗിക്കുന്ന ഗ്രീസ് ഗോമാംസത്തിൽ നിന്നാണ് ഉണ്ടായതെന്നും ഇത് ഹിന്ദുക്കളെ മനപ്പൂർവ്വം അപകീർത്തിപ്പെടുത്തുന്നതിനും മാനസികമായി തളർത്തുന്നതിനും ബ്രിട്ടീഷുകാർ ഉപയോഗിച്ച തന്ത്രമായിരുന്നു. 

എതിർപ്പുകൾ ഉയർന്നതോടെ, തന്റ്റെ സൈന്യത്തിലെന്താണ് സംഭവിക്കുന്നതെന്ന അറിയുവാന്‍ വന്ന ബ്രിട്ടീഷ് ലഫ്റ്റനന്റ് ഹെൻ‌റി ബാഗിനു നേരെ മംഗൽ പാണ്ഡേ വെടിയുതിർത്തു. അത് ലക്ഷ്യം കണ്ടില്ലായെങ്കിലും ആ ഉദ്ദേശ്യം കൃത്യമായ ലക്ഷ്യത്തിൽ തന്നെ തറച്ചു. പിന്നീട് 1857 ഏപ്രിൽ 8 ന് മംഗൽ പാണ്ഡെയെ പിടികൂടി  തൂക്കിലേറ്റി. 

#ഝാൻസിറാണി

ഇന്ത്യന്‍ സ്വാതന്ത്ര്യ ചരിത്രത്തിലെ വീരേതിഹാസങ്ങളിലൊരാളായ റാണി ലക്ഷ്മി ഭായിയെന്ന പേരിനോട് ചേര്‍ന്നു നില്‍ക്കുന്ന പ്രദേശമാണ് ഝാന്‍സി. ശിപായി ലഹളയുടെ അലയൊലികള്‍ എത്തിച്ചേര്‍ന്ന് ഒടുവില്‍ ഒരു വലിയ യുദ്ധത്തിലേക്ക് നയിക്കപ്പെട്ട പ്രദേശമാണിത്.

ഝാന്‍സിലെ രാജാവായിരുന്ന ദാമോദര്‍ റാവുവിന്റെ ഭാര്യയായിരുന്നു മണികർണ്ണിക എന്ന  ഝാന്‍സി റാണി. ഇവരുടെ പുത്രന് ചെറുപ്പത്തിലേ തന്നെ മരിച്ചിരുന്നു. പിന്നീ‌ട് പിന്തുടര്‍ച്ചാവകാശി ഇല്ലാതിരുന്ന ഇവര്‍ ഒരു കുട്ടിയെ ദത്തെടുക്കുകയുണ്ടായി. ആദ്യ പുത്രന്റെ മരണം ഗംഗാധർ റാവുവിനെ തളർത്തിക്കളഞ്ഞു. 

1853-ൽ ഗംഗാധർ റാവു അന്തരിച്ചു. പുത്രനെ ദത്തെടുത്ത വിവരം ഔദ്യോഗികമായി ബ്രിട്ടീഷ് സർക്കാരിനെ ഗംഗാധർ റാവു അറിയിച്ചിരുന്നു. എന്നാല്‍ ദത്തെടുത്ത പുത്രനെ പിന്തുടര്‍ച്ചാവകാശിയായി അംഗീകരിക്കാതിരുന്ന ബ്രിട്ടീഷുകാര്‍ ഒടുവില്‍ രാജ്ഞിക്കെതിരെ തന്നെ യുദ്ധം പുറപ്പെടുവിച്ചു. അവരെ രാജ്യത്തില്‍ നിന്നും പുറത്താക്കി. 

ഈ സമയത്താണ് ഒന്നാം സ്വാതന്ത്ര്യ സമരം പൊട്ടിപ്പുറപ്പെടുന്നതും റാണി യുദ്ധത്തില്‍ പങ്കുചേരുന്നതും. ഈ സമരങ്ങൾക്ക് ശേഷം ഏതാണ്ട് പത്തുമാസത്തോളം റാണി ഝാൻസി ഭരിക്കുകയുണ്ടായി. പിന്നീ്ട് നടന്ന വലിയ ഏറ്റുമുട്ടലില്‍ റാണി മരണപ്പെട്ടു. ഭാരത്തിന്റ്റെ ജോവാന്‍ ഓഫ് ആര്‍ക് എന്ന് ഝാന്‍സി റാണിയെ വിശേഷിപ്പിക്കാറുണ്ട്.

#ബോംബെ

സ്വാതന്ത്ര്യസമരകാലത്ത് പ്രധാന തീരുമാനങ്ങള്‍ പലതും കൈക്കൊണ്ടിരുന്ന ഇടമായിരുന്നു ബോംബെ. കോൺഗ്രസ് (ഇപ്പോൾ ഇന്ത്യൻ നാഷണൽ കോൺഗ്രസ്) ബോംബെയിൽ സ്ഥാപിച്ചത് അലൻ ഒക്ടാവിയൻ ഹ്യൂം എന്ന ബ്രിട്ടീഷുകാരൻ ആണ്. കോൺഗ്രസിന്റെ ആദ്യ സെഷൻ 1885 ഡിസംബർ 28 മുതൽ 31 വരെ ബോംബെയിലാണ് നടന്നത്.  

1857 ലേതിന് സമാനമായി ഇനിയും സായുധ കലാപങ്ങൾ ഉണ്ടാകാതെ ഇരിക്കാൻ ജനാധിപത്യപരമായ മാർഗ്ഗത്തിൽ ഒരു പ്രതിപക്ഷത്തിനെ സൃഷ്ടിച്ച് നൽകി ഇന്ത്യാക്കാരെ അടക്കി നിർത്തുക എന്നതായിരുന്നു ഹ്യൂമിന്റ്റേയും, കോൺഗ്രസ്സിന്റ്റേയും ലക്ഷ്യം. ആദ്യ കാലത്ത് അത് നടന്നു. 

എന്നാൽ, സ്വാമി വിവേകാനന്ദന് ശേഷം കോൺഗ്രസ്സിൽ ദേശീയ വികാരമുള്ളവർ അണിചേർന്നതോടെ ബ്രിട്ടീഷുകാരുടെ നില തെറ്റി. 

#ബംഗാൾ

സ്വാതന്ത്ര്യ സമരകാലത്ത് ഇന്ത്യന്‍ ദേശീയതയുടെ നെ‌‌ടുംതൂണായി നിലനിന്നിരുന്ന പ്രദേശമാണ് ബംഗാൾ.

കൊൽക്കത്തയിലാണ് ആദ്യത്തെ ദേശീയ സംഘടനയായ ഇന്ത്യൻ നാഷണൽ അസോസിയേഷൻ, സുരേന്ദ്രനാഥ് ബാനർജി സ്ഥാപിച്ചത്. ഇവിടെ വളര്‍ന്നു വന്ന ദേശീയതയെ ഭയന്നാണ്, 1905-ൽ ഇന്ത്യയു‌ടെ തലസ്ഥാനം കൊല്‍ക്കത്തയില്‍ നിന്നും ഡല്‍ഹിയിലേക്ക് ബ്രിട്ടീഷുകാര്‍ മാറ്റുന്നത്.

        ബ.ച.ചാറ്റാർജി

രവീന്ദ്രനാഥ ടാഗോർ, ബങ്കിം ചന്ദ്ര ചാഅറ്റർജി, അരവിന്ദ് ഘോഷ്, റാഷ് ബിഹാരി ബോസ്, ഖുദിറാം ബോസ്, സുഭാഷ് ചന്ദ്ര ബോസ് തുടങ്ങി നിരവധി ധീരന്മാരായ സ്വാതന്ത്ര്യ സമര പോരാളികളെ ബംഗാൾ ഭാരതാംബക്ക് സമ്മാനിച്ചിട്ടുണ്ട്.

"വന്ദേമാതരം" എന്ന ദേശീയ സമരങ്ങളെ ഇളക്കി മറിച്ച ദേശഭക്തി ഗാനം ഉൾക്കൊള്ളുന്ന ആനന്ദമഠം എന്ന നോവൽ രചിച്ചത് ബങ്കിം ചന്ദ്ര ചാറ്റർജിയാണ്. 

#ചമ്പാരൻ

മോഹന്‍ദാസ് കരംചന്ദ് ഗാന്ധി എന്ന ബാരിസ്റ്ററിഉഉൽ നിന്നും മഹാത്മാ ഗാന്ധിയിലേക്കുള്ള മാറ്റം നടന്ന സ്ഥലമാണ് ചമ്പാരന്‍. ഇവിടെ വെച്ചാണ് ഗാന്ധിജി ആദ്യമായി ചമ്പാരന്‍ സത്യാഗ്രഹം നടത്തി വിജയിക്കുന്നതും അദ്ദേഹം  സഹനസമരത്തിലൂടെ ജനപിന്തുണ ലഭിക്കുന്നതും.

അക്കാലത്ത് ബ്രിട്ടീഷുകാർ ഇന്ത്യൻ കർഷകരെ ഇൻഡിഗോ അഥവാ നീലഅമരി കൃഷി ചെയ്യാൻ നിർബന്ധിതരാക്കിയിരുന്നു. അവരുടെ നിലനിൽപ്പിന് ആവശ്യമായ ഭക്ഷ്യവിളകള്‍ക്കു പകരമുള്ള ഈ കൃഷി പാവപ്പെട്ട കർഷകരുടെ അവസ്ഥയെ കൂടുതൽ ദുരിതപൂർണ്ണമാക്കി. 

അവരിൽ പലരും പിന്നീട് പട്ടിണി മൂലം മരിക്കുകയും ചെയ്തു. ഈ അവസരത്തിലാണ് ഗാന്ധിജി ചമ്പാരന്‍ സന്ദര്‍ശിക്കുന്നതും പ്രക്ഷോഭം ആരംഭിക്കുന്നതും. അദ്ദേഹത്തിന്റെ പ്രക്ഷോഭ ഫലമായി ചമ്പാരൻ കാർഷിക നിയമം പാസാക്കുകയും ചെയ്തു. ഗാന്ധിജിയുടെ ഇന്ത്യരിലെ ആദ്യത്തെ വിജയമായിരുന്നു ചമ്പാരൻ സത്യാഗ്രഹം.

#ജാലിയൻ_വാലാബാഗ്

ഇന്ത്യന്‍ സ്വാതന്ത്ര്യ സമരത്തിലെ ഏറ്റവും വലിയ ദുരന്തത്തിന്റെ സ്‌മരണയിലേക്ക്‌ കൊണ്ടുപോകുന്ന ഇടമാണ് ജാലിയന്‍വാലാബാഗ്‌ . 

ഇവിടെ വച്ചാണ്‌ ജനറല്‍ ഡെയറിന്റെ നേതൃത്വത്തില്‍ വന്ന ബ്രിട്ടീഷ്‌ സൈന്യം സമാധാനപരമായി നടന്നിരുന്ന ഒരു പൊതുയോഗത്തില്‍ പങ്കെടുത്തു കൊണ്ടിരുന്ന നിരായുധരായ പുരുഷന്‍മാര്‍ക്കും സ്‌ത്രീകള്‍ക്കും കുട്ടികള്‍ക്കും നേരെ വെടിയുതിര്‍ത്തത്‌.

1919 ഏപ്രില്‍ 13 നടന്ന ഈ സംഭവത്തില്‍ ഇന്ത്യയിലെ നിഷ്‌കളങ്കരായ ആയിരക്കണക്കിന് നിരപരാധികൾ കൊല്ലപ്പെട്ടു. 

#ചൗരിചൗരാ

ഉത്തര്‍പ്രദേശിലെ ഖോരക്പൂര്‍ ജില്ലയിലാണ് ചൗരിചൗരാ സ്ഥിതി ചെയ്യുന്നത്. ചൗരി ചൗരാ സംഭവം സ്വാതന്ത്ര്യ സമരത്തിലെ പ്രധാന സംഭവങ്ങളിലൊന്നാണ്. സമാധാനപരമായി പ്രകടനം നടത്തുകയായിരുന്ന ഒരുകൂട്ടം ആളുകളെ പോലീസ് കൊലപ്പെടുത്തുകയും അതിനെത്തുടര്‍ന്നുണ്ടായ അക്രമത്തില്‍ പിന്നീട് പ്രകോപിതരായ ഒരു ജനക്കൂട്ടം ഒരു പോലീസ് സ്റ്റേഷന് തീയിട്ടു.

തുടർന്ന് 22 പോലീസുകാർ കൊല്ലപ്പെട്ടു. ജാലിയൻ വാല ബാഗ് സംഭവത്തിന് ശേഷം മഹാത്മാഗാന്ധി രാജ്യവ്യാപകമായി നിസ്സഹകരണ പ്രസ്ഥാനത്തിന് ആഹ്വാനം ചെയ്തിരുന്നു. അഹിംസയിലൂടെയും സത്യാഗ്രഹത്തിലൂടെയും ഇന്ത്യയിലെ ബ്രിട്ടീഷ് ഭരണത്തെ ചെറുക്കുകയായിരുന്നു അതിന്റെ ലക്ഷ്യം. എന്നിരുന്നാലും, ചൗരി ചൗര സംഭവത്തിനുശേഷം പ്രസ്ഥാനത്തിന് അതിന്റെ അഹിംസാ സ്വഭാവം നഷ്ടപ്പെട്ടുവെന്ന് കരുതി ഗാന്ധി ഇത് പിന്‍വലിച്ചു.

#കകോരി

ഉത്തര്‍പ്രദേശിലെ ലക്നൗവില്‍ സ്ഥിതി ചെയ്യുന്ന സ്ഥലമാണ് കകോരി, 1925 ഓഗസ്റ്റ് 9 ന് നടന്ന കകോരി ഗൂഢാലോചനയ്ക്ക് ഈ സ്ഥലം പ്രസിദ്ധമാണ്. ഇന്ത്യൻ വിപ്ലവകാരികൾക്ക് അവരുടെ പ്രവർത്തനങ്ങൾ നടത്താനും ഹിന്ദുസ്ഥാൻ റിപ്പബ്ലിക്കൻ അസോസിയേഷന് ജനങ്ങളുടെ പിന്തുണ നേടാനും പണം ആവശ്യമായിരുന്നു. ബ്രിട്ടീഷ് ഗവൺമെന്റ് ട്രഷറിയുടെ പണ ബാഗുകളുമായി അവർ ട്രെയിൻ കൊള്ളയടിച്ചു. അവർ ഏകദേശം 8,000 രൂപ കൊള്ളയടിച്ചുവെങ്കിലും ആകസ്മികമായി ഒരു യാത്രക്കാരനെ കൊന്നു. 

ചരിത്രത്തിൽ ബ്രിട്ടീഷ് സ്വത്ത് കൊള്ളയടിക്കപ്പെട്ട ആദ്യത്തെ സംഭവമായതിനാൽ ഈ സംഭവം ബ്രിട്ടീഷ് സർക്കാരിനെ പിടിച്ചുകുലുക്കി. അവര്‍ ഒരു വലിയ അന്വേഷണത്തിന് ഉത്തരവിട്ടു, കാലക്രമേണ 40 ഓളം വിപ്ലവകാരികളെ അറസ്റ്റ് ചെയ്തു. രണ്ട് വർഷത്തോളം നീണ്ടുനിന്ന വിചാരണയ്ക്ക് ശേഷം പ്രധാന പ്രതികളായ പണ്ഡിറ്റ് റാം പ്രസാദ് ബിസ്മിൽ, താക്കൂർ റോഷൻ സിംഗ്, രാജേന്ദ്ര നാഥ് ലാഹിരി, അഷ്ഫാക്കുല്ല ഖാൻ എന്നിവർക്ക് വധശിക്ഷ വിധിച്ചു. ശേഷിക്കുന്ന ഗൂഢാലോചനക്കാർക്ക് വ്യത്യസ്ത കാലയളവുകൾക്ക് ജീവപര്യന്തം തടവ് നൽകി.

#ലാഹോർസമ്മേളനം

സ്വാതന്ത്ര്യ സമരചരിത്രത്തില്‍ ഏറെ പ്രാധാന്യമുള്ള ഇടമാണ് ലാഹോര്‍. സ്വാതന്ത്ര്യാനന്തരം ലാഹോര്‍ പാകിസ്ഥാന്റെ ഭാഗമായി മാറിയെങ്കിലും അതിനു മുന്‍പുള്ള കാലഘട്ടത്തിൽ നിരവധി സുപ്രധാന തീരുമാനങ്ങളും സംഭവങ്ങളും പ്രവർത്തനങ്ങളും ഇവിടെ നടന്നിട്ടുണ്ട്.

1929 ലെ കോൺഗ്രസിന്റെ സമ്മേളനം ലാഹോറിൽ നടന്നു. ഇന്ത്യയുടെ സ്വാതന്ത്ര്യ പ്രഖ്യാപനം ന‌‌‌ടത്തിയത് 1929 ഡിസംബർ 31 ന് ലാഹോറില്‍ വെച്ചാണ്. ലാഹോര്‍ സെഷനിലാണ് ത്രിവർണ്ണ പതാക ദേശീയ പതാകയായി കോൺഗ്രസ്സ് അംഗീകരിച്ചത്. തിരഞ്ഞെടുക്കപ്പെട്ടു. മുസ്‌ലിം ലീഗിന്റെ നിരവധി സുപ്രധാന സെഷനുകൾക്കും പിന്നീട് ലാഹോർ ആതിഥേയത്വം വഹിച്ചു.

#ദണ്ഡിയാത്ര

ഗുജറാത്തിലെ നവസാരി ജില്ലയിലെ ഒരു ഗ്രാമമാണ് ദണ്ഡി. 1930-ൽ മഹാത്മാഗാന്ധി ആരംഭിച്ച 'ഉപ്പ് സത്യാഗ്രഹം' എന്നറിയപ്പെടുന്ന ദണ്ഡി മാർച്ചിന്റെ പേരിലാണ് ഇവിടം പ്രസിദ്ധമായിരിക്കുന്നത്. ഇന്ത്യക്കാർക്കുള്ള നികുതി വർദ്ധിച്ചതിനെത്തുടർന്ന് ഗാന്ധി ബ്രിട്ടീഷുകാർക്കെതിരായ കലാപത്തിനായി 'സത്യാഗ്രഹം' ആരംഭിച്ചു. ഉപ്പ് ഒരു മാധ്യമമായാണ് അദ്ദേഹം ഉപയോഗിച്ചത്.

#ക്വിറ്റ്ഇന്ത്യാ_സമരം

1937 -ലെ കോൺഗ്രസ്സ് ദേശീയ സമ്മേളനം മഹാഭൂരിപക്ഷത്തോടെ സുഭാഷ് ചന്ദ്ര ബോസിനെ കോൺഗ്രസ്സ് പ്രസിഡന്റ്റായി തിരഞ്ഞെടുത്തു. എന്നാൽ മകനേ പോലെ സ്നേഹം നൽകുമ്പോളും, സുഭാഷിന്റെ നയങ്ങളോട് ഗാന്ധിജിക്ക് യോജിപ്പുണ്ടായിരുന്നില്ല. അതേ തുടർന്ന് സുഭാഷ് സ്ഥാനത്യാഗം ചെയ്യുകയും, കോൺഗ്രസ്സ് വിട്ട് തന്റ്റേതായ വേറിട്ട വഴികളിലൂടെ സഞ്ചരിക്കുകയും ചെയ്തു. 

#INA_ഇന്ത്യൻ_നാഷണൽ_ആർമി

രണ്ടാം ലോകമഹായുദ്ധകാലത്ത് ഇമ്പീരിയൽ ജപ്പാനീസ് സേനയുടെ സഹായത്തോടെ ജപ്പാനിൽ ജീവിച്ചിരുന്ന ഭാരതീയനായ റാഷ് ബിഹാരി ബോസ് എന്ന ദേശസ്നേഹി രൂപം കൊടുത്ത സേനയാണ്‌ ഇന്ത്യൻ നാഷണൽ ആർമി അഥവാ ഐ.എൻ.എ. 

സുഭാഷ് ചന്ദ്ര ബോസിനെ പിൽകാലത്ത് ഇന്ത്യൻ നാഷണൽ ആർമിയുടെ നേതാവായി, റാഷ് ബിഹാരി നിയമിച്ചു. ബ്രിട്ടീഷ് സാമ്രാജ്യത്തിന്റെ പൗരസ്ത്യദേശത്തുള്ള അധിനിവേശത്തിനെതിരെ ജപ്പാൻ‌കാരോടൊത്ത് ഐ.എൻ.എ. പൊരുതി. 

യഥാര്‍ത്ഥത്തിൽ, ഭാരതത്തിന്റ്റെ വടക്കു കിഴക്കൻ പ്രദേശങ്ങൾ കീഴടക്കിയ ഐഎൻഎയാണ്, ലോക മഹായുദ്ധാനന്തരം സ്ഥലം വിടാൻ ബ്രിട്ടനെ പ്രേരിപ്പിച്ചതെന്ന് പിൽക്കാലത്ത് ബ്രിട്ടീഷ് പ്രധാനമന്ത്രിയായിരുന്ന ക്ലമെന്റ്റ് ആറ്റ്ലി തന്നെ വെളിപ്പെടുത്തിയിട്ടുണ്ട്.

ഒരു പക്ഷെ സുഭാഷ് ചന്ദ്ര ബോസ് കോൺഗ്രസ്സിൽ തുടർന്നിരുന്നുവെങ്കിൽ വിഭജനം നടക്കുമായിരുന്നോ എന്ന് തന്നെ സംശയമാണ്.

സ്വാമി വിവേകാനന്ദനെ പിന്തുടർന്ന സുഭാഷിനെ പോലെ തന്നെ  വിവേകാനന്ദനിൽ നിന്നും ഊർജ്ജം ഉൾക്കൊണ്ട മറ്റൊരു നരേന്ദ്രനാണ്, ഇന്നത്തെ ഇന്ത്യൻ പ്രധാനമന്ത്രി നരേന്ദ്ര മോദിയും.

ഏവർക്കും സ്വാതന്ത്ര്യ ദിന ആശംസകൾ.

🥰💕 🇮🇳

ഭാരതം എന്ന മഹദ്ദേശം

#ഋഗ്വേദം 

BC-8000 ലോ അതിനു മുന്‍പോ എഴുതപ്പെട്ടിരിക്കാം എന്ന് കരുതപ്പെടുന്ന ഋഗ്വേദം, അവിടുന്ന്‍ ഇങ്ങോട്ട് AD-2000 വും ചേര്‍ത്ത് 10,000 വര്‍ഷത്തിലധികം പാരമ്പര്യമുള്ള ഒരു വേദസംസ്കൃതി ഈ നാട്ടില്‍ ഉണ്ടായിരുന്നു.

സ്വതന്ത്ര ഭാരതത്തിലെ ദേശീയഗാനം, അത് രണ്ടോ മൂന്നോ നദികളെയും പര്‍വ്വതങ്ങളെയും കുറിച്ച് മാത്രം പറയുമ്പോള്‍, രണ്ടായിരമോ മൂവായിരമോ വര്‍ഷങ്ങള്‍ക്ക് മുന്‍പ് തന്നെ ഭാരതത്തെ കുറിച്ച് വ്യക്തമായ നിര്‍വചനം കൊടുത്തിരുന്നു.തം ദേവനിര്‍മ്മിതം ദേശം ഹിന്ദുസ്ഥാനം പ്രജക്ഷ്യതേ"ഹിമാലയത്തില്‍ നിന്നാരംഭിച്ച്, ഇന്ത്യന്‍ മഹാസമുദ്രം വരെ പരന്നു കിടക്കുന്ന ദേവനിര്‍മ്മിതമായ ദേശത്തെയാണ്  ഹിന്ദുസ്ഥാനം എന്ന് പറയുന്നത്.

വിന്ധ്യ ഹിമാചല എന്ന രണ്ടു പര്‍വ്വതങ്ങളെ മാത്രം പറഞ്ഞു ദേശീയ ഗാനം നിര്‍ത്തുമ്പോള്‍, ഭാരതത്തില്‍ പുരാതനകാലം മുതല്‍ക്കേ രചിക്കപെട്ട ഒരു സംസ്കൃതിയുടെ നാലു വരികള്‍, വിന്ധ്യ ഹിമാചലയില്‍ നിര്‍ത്താതെ വിന്ധ്യ പര്‍വ്വതവും ആരാവലിയും സഹ്യപര്‍വ്വതവും അതുപോലെയുള്ള ഭാരതത്തിലെ ഓരോ സംസ്ഥാനങ്ങളെയും പ്രതിനിധീകരിക്കുന്ന പര്‍വ്വതങ്ങളെക്കുറിച്ച് പറഞ്ഞിരുന്നു.

ഗംഗ യമുന എന്നീ രണ്ടു ഉത്തരേന്ത്യന്‍ നദികളെക്കുറിച്ച് മാത്രം സ്വാതന്ത്ര്യാനന്തര ഭാരതത്തില്‍ അംഗീകരിച്ച ദേശീയഗാനത്തില്‍ പറയുമ്പോള്‍ ഭാരതത്തില്‍ രാവിലെ ക്ഷേത്രങ്ങളിലെ പൂജാരിമാര്‍ ശംഘുപൂരണം നടത്തി ആ ശംഘില്‍ തീര്‍ത്ഥമുണ്ടാക്കുമ്പോള്‍ ആവാഹിക്കുന്ന ഒരു മന്ത്രമുണ്ട്.

"ഗംഗേച്ച യമുനാചൈവ ഗോദാവരീ സരസ്വതീ,നര്‍മ്മദേ സിന്ധുകാവേരി ജലേസ്മിന്‍ സന്നിധിം ഗുരു"ഗോദാവരി ആന്ദ്രദേശത്തിലെ, കാവേരി കര്‍ണാടകയിലെ, നര്‍മ്മദ ഗുജറാത്തിലെ, സരസ്വതി രാജസ്ഥാനിന്‍റെ അപ്പുറത്ത്.ഈ നദികളെ മുഴുവനും ഒരുമിച്ച് ചേര്‍ത്ത് ഭാരതത്തെ ഒറ്റക്കെട്ടായി കാണാന്‍ അനവധി സഹസ്രാബ്ദങ്ങള്‍ക്ക് മുന്‍പ് ഭാരതീയര്‍ക്കു സാധിച്ചിരുന്നു.

ഹസ്തിനപുരത്തിന്‍റെ അപ്പുറത്ത് നിന്നാരംഭിച്ച് മൌറീഷ്യസ് വരെ എത്തി നിന്നിരുന്ന ഒരു സംസ്കാരം അത് ചരിത്രത്തിന്‍റെ ഭാഗമാണ്.

സിംഗപ്പൂര്‍ സിംഹപുരമായിരുന്നു, കംബോഡിയ കാംബോജ ദേശമായിരുന്നു, ബര്‍മ ബ്രഹ്മപ്രദേശമായിരുന്നു, ശ്രീലങ്ക ലങ്കയായിരുന്നു, വിദുരന്‍റെ ദേശമായ ഇറാന്‍ വൈഡൂര്യ ദേശമായിരുന്നു, കാണ്ഡഹാര്‍ ഗാന്ധാരിയുടെ സ്വദേശമായ ഗാന്ധാരമായിരുന്നു.

ധൃതരാഷ്ട്രര്‍ ഗാന്ധാരിയെ സ്വീകരിച്ചതോട് കൂടി, ഭാരതത്തിന്‍റെ അതിര്‍ത്തി അഫ്ഗാനിസ്ഥാനും അപ്പുറം പോയി. 

സ്വാതന്ത്ര്യാനന്തര ഭാരതത്തിന്‍റെ വിസ്തൃതിയാണ് കുറഞ്ഞത്‌.

ഗ്രീക്ക് സംസ്കാരം, മെസ്സപോട്ടോമിയന്‍ സംസ്കാരം, ബാബിലോണിയന്‍ സംസ്കാരം, ചൈനീസ് സംസ്കാരം, റോമന്‍ സംസ്കാരം തുടങ്ങിയ അനവധി സംസ്കാരങ്ങളെക്കുറിച്ച് നമ്മള്‍ പഠിച്ചിട്ടുണ്ട്. 

ഇവയില്‍ ഏതെങ്കിലും ഒരു സംസ്കാരം ഇന്ന് ഭൂമുഖത്ത് ജീവിച്ചിരിപ്പുണ്ടോ എന്ന് പരിശോധിച്ചാല്‍ നിങ്ങള്‍ക്ക് 'ഇല്ല' എന്ന ഉത്തരം കിട്ടും..!!

എന്തുകൊണ്ട് ആ സംസ്കാരങ്ങളെക്കാളും അനേകായിരം വര്‍ഷങ്ങളുടെ പഴക്കമുള്ള നമ്മുടെ ഭാരതീയ സംസ്കാരം-ആര്‍ഷഭാരത സംസ്കാരം ഇന്നും നിലനില്‍ക്കുന്നത്.

ഇംഗ്ലീഷുകാര്‍ ഇന്ത്യയെക്കാള്‍ 17 ഇരട്ടി വലിപ്പമുള്ള ആഫ്രിക്കന്‍ ഭൂഖണ്ഡം കീഴടക്കിയതിനു ശേഷം, വെറും 62 വര്‍ഷങ്ങള്‍ കൊണ്ട് ആഫ്രിക്കന്‍ സംസ്കാരത്തെ പൂര്‍ണമായും തുടച്ചു കളഞ്ഞിട്ടുണ്ട്.

AD-997 ല്‍ മുഹമ്മദ്‌ ഗസ്നി ഭാരതത്തിലേക്ക് വന്ന്, ഗ്ലോറി വന്ന്, ഖില്‍ജി വന്ന്, ടൈമൂര്‍ വന്ന് ഇവിടെ ഭരിച്ച അടിമവംശം, തുഗ്ലക്ക് വംശം, മുഗള്‍ വംശം തുടങ്ങിയര്‍ പുറത്തു നിന്ന് നീണ്ട 600 വര്‍ഷങ്ങള്‍ ഭാരതത്തെ ആക്രമിച്ചു.

അതിനു ശേഷം പോര്‍ച്ചുഗീസുകാര്‍, സ്പെയിന്‍കാര്‍, ഡച്ച്കാര്‍ പിന്നെ ഇംഗ്ലീഷുകാരും ഭാരതത്തെ ആക്രമിച്ചു.

AD-997 മുതല്‍ 1947 ആഗസ്റ്റ്‌ പതിനഞ്ചാം തീയതി വരെ ഏതാണ്ട് 9 നൂറ്റാണ്ടില്‍ പരം കാലം വിദേശികള്‍ ആക്രമിച്ചിട്ടും ഭാരതീയസംസ്കാരത്തെ നശിപ്പിക്കാന്‍ കഴിഞ്ഞിട്ടില്ല..!!

 മറ്റൊരര്‍ത്ഥത്തില്‍ പറഞ്ഞാല്‍ നമ്മുടെ ഭാരതം മരിച്ചില്ല.

എന്ത് കൊണ്ട് ഇത് സംഭവിച്ചു..??

ഭാരതീയ സംസ്കാരത്തെ എതിര്‍ക്കുന്നവരും അനുകൂലിക്കുന്നവരും വെറുതെ ഒന്ന് ചിന്തിക്കുക.

"ഭാരതീയാ സമസ്താ സുഖിനോ ഭവന്തു" എന്ന് നമ്മള്‍ പ്രാര്‍ഥിച്ചിട്ടില്ല.

ഭാരതീയര്‍ പ്രാര്‍ഥിക്കാറുള്ളത്, "ലോകാ സമസ്താ സുഖിനോ ഭവന്തു" എന്നാണ്.

ലോകത്തുള്ള എല്ലാവരും സുഖമായിരിക്കട്ടെ എന്ന് പ്രാര്‍ഥിക്കാന്‍ ഭാരതീയ സംസ്കൃതിക്ക് മാത്രമേ സാധിച്ചിട്ടുള്ളൂ.

നമ്മള്‍ പ്രാര്‍ഥിച്ച "സഹനാ വവതു സഹനാ ഭുനതു..." എന്നു തുടങ്ങുന്ന വേദ മന്ത്രത്തിന്‍റെ അര്‍ത്ഥം, ഒരുമിച്ചു ജീവിക്കാം, ഒരുമിച്ചു ഭക്ഷിക്കാം , ഒരുമിച്ചു പ്രവര്‍ത്തിക്കാം അപ്രകാരം ഒരുമിച്ചു ചൈതന്യമുള്ളവരായി തീരാം. 

ഒരാളിലും, ഒരാളോടും വിദ്വേഷമുണ്ടാവരുത് ഞങ്ങളിലേക്ക് നന്മ നിറഞ്ഞ ചിന്താധാരകള്‍ ലോകത്തിന്‍റെ എല്ലായിടത്തുനിന്നും വന്നു ചേരട്ടെ എന്നാണ്.

ഭാരത സംസ്കാരം മാത്രമാണ് നല്ലതെന്ന് നമ്മള്‍ പറഞ്ഞിട്ടില്ല.

ഏത് ഈശ്വരനെ വേണമെങ്കിലും ആരാധിക്കുക, അതെല്ലാം പരമമായ ചൈതന്യത്തിലേക്ക് എത്തിച്ചേരും.

ആകാശത്തില്‍ നിന്നും വീഴുന്ന മഴത്തുള്ളികള്‍, ഒരുമിച്ചുചേര്‍ന്ന് ചാലുകളായ്‌ തോടുകളായ് നദികളായ് മഹാസഗരത്തിലേക്ക് പോകുന്നപോലെ, ഏത് ഈശ്വരനെ ആരാധിച്ചാലും പരമമായ കേശവനിലേക്ക് തന്നെ അത് എത്തിച്ചേരും എന്ന് പറഞ്ഞവരാണ് ഭാരതീയര്‍.

നമ്മള്‍ എള്ള് പിടിച്ച് പിതൃദര്‍പ്പണം നടത്തുമ്പോള്‍ പോലും ലോകത്തിന്‍റെ നന്മയ്ക്ക് വേണ്ടി പ്രാര്‍ഥിക്കാറുണ്ട്.

പിതൃദര്‍പ്പണം കൊടുക്കുമ്പോള്‍ പതിമൂന്നു വരികളുള്ള ഒരു വേദമന്ത്രം ചൊല്ലും അതിലെ അവസാനത്തെ വരി, 

"സപ്ത ദ്വീപനിവാസീനാം പ്രാണീനാം അക്ഷയ ഉപദിഷ്ടതു" എന്നാണ്.

ഏഴു ഭൂഖണ്ടങ്ങളിലും ജീവിക്കുന്ന എല്ലാ ജീവജാലങ്ങള്‍ക്കും നന്മ വരുത്തേണമേ ജഗദീശ്വരാ എന്നാണതിനര്‍ത്ഥം.

ലോകരാഷ്ട്രങ്ങള്‍ നമ്മുടെ സംസ്കാരം അംഗീകരിച്ചു വരികയാണ്.

കാനഡയിലെ ടൊറന്റോ യുണിവേഴ്സിറ്റിയില്‍ ഹിന്ദൂയിസം എന്ന ഡിപ്പാര്‍ട്ട്മെന്‍റ് തന്നെ പ്രവര്‍ത്തിക്കുന്നുണ്ട്. 

രണ്ടായിരത്തോളം ഇന്ത്യാക്കാരല്ലാത്ത വിദ്യാര്‍ഥികള്‍ അവിടെ പഠിക്കുന്നുണ്ട്.

എഞ്ചിനീയറിംഗ് സബ്ജക്റ്റ് മാത്രം പഠിപ്പിക്കുന്ന അമേരിക്കയിലെ MIT(Massachusetts Institute of Technology) യില്‍ ഇപ്പോള്‍ സംസ്കൃതം കൂടി പഠിപ്പിച്ചു തുടങ്ങിയിരിക്കുന്നു..!

അമേരിക്കയിലെ നാലായിരത്തോളം സ്കൂളുകളില്‍ രാവിലെ പതിനഞ്ചു മിനിറ്റ് നേരം ഭഗവത് ഗീത നിര്‍ബന്ധമായും(Compulsory) ചൊല്ലണം..!!

അമേരിക്കയിലെ പെന്‍സിന്‍വാനിയ യുണിവേഴ്സിറ്റിയിലെ 70 സൈക്കോളജി പ്രൊഫസര്‍മാര്‍ നടത്തിയ പഠനത്തില്‍ നിന്ന്‍ തെളിയിച്ചിരിക്കുന്നത്, കുട്ടികള്‍ പതിവായി രാവിലെ പതിനഞ്ചു മിനിറ്റ് ഭഗവത് ഗീത ചൊല്ലുമ്പോള്‍ അവരുടെ പെരുമാറ്റരീതിയില്‍(Behaviour pattern) അസാധാരണമായ മാറ്റം സംഭവിക്കുന്നു എന്നാണ്.

സൈക്കോളജി പ്രൊഫസര്‍മാരുടെ അഭിപ്രായത്തില്‍ ഭഗവത് ഗീത ഒരു മത ഗ്രന്ഥമല്ല, മറിച്ച് അതൊരു സൈക്കോളജിക്കല്‍ മാനേജ്മെന്‍റ് ബുക്കാണ്.

ജര്‍മനിയിലെ സെന്‍റ് ജോര്‍ജ് യുണിവേഴ്സിറ്റിയില്‍ സംസ്കൃതം അറിയുന്നവര്‍ക്ക് മാത്രമേ അഡ്മിഷന്‍ ലഭിക്കുകയുള്ളൂ.

ലോകത്തില്‍ തന്നെ സംസ്കൃതം നിര്‍ബന്ധമാക്കിയിട്ടുള്ള ഏക യുണിവേഴ്സിറ്റിയാണ് സെന്‍റ് ജോര്‍ജ് യുണിവേഴ്സിറ്റി.

പതിനായിരക്കണക്കിനു പാറ്റേന്റെ  അമേരിക്കക്കാരും മറ്റു യൂറോപ്യന്‍ രാജ്യങ്ങളും ഭാരതീയ അറിവുകള്‍ ഉപയോഗിച്ച് എടുത്തുകഴിഞ്ഞു.

ശൈശവ വിവാഹവും സതി സമ്പ്രദായവും ഈ നാടിന്‍റെ ശാപമാണെന്ന് പറയാറുണ്ട്.

UGC അംഗീകരിച്ച ഒരു ഹിസ്ററി ടെക്സ്റ്റ്‌ ബുക്കില്‍ നിന്നും മനസിലാക്കാന്‍ സാധിക്കുന്നത് ടൈമൂര്‍ ഭാരത്തില്‍ വരുന്നതിനു മുന്‍പ് വരെ ഇവിടെ ശൈശവ വിവാഹവും സതി സമ്പ്രദായവും ഉണ്ടായിരുന്നില്ല എന്നാണ്.

ഈ കാര്യം ഫാഹിയാന്‍ എന്ന ചൈനീസ്‌ സഞ്ചാരി അദ്ദേഹത്തിന്‍റെ ഒരു ഗ്രന്ഥത്തില്‍ ഉദാഹരണസഹിതം വ്യക്തമാക്കുന്നുണ്ട്.

വിവാഹം കഴിച്ച സ്ത്രീകളെ ഒരു കാരണവശാലും ബലാല്‍സംഗത്തിനോ ചാരിത്ര്യഹീന പരമായ മറ്റ് കര്‍മത്തിനോ ഉപയോഗിക്കരുത് എന്ന് വിശുദ്ധ ഗ്രന്ഥത്തിൽ പറഞ്ഞിട്ടുണ്ട്.  

അതുകൊണ്ട് ടൈമൂറിനെപോലെയുള്ളവരില്‍ നിന്ന്‍ രക്ഷനേടാന്‍ വേണ്ടിയാണ് ഭാരതീയര്‍ ശിശുവിവാഹം തുടങ്ങിയത്. 

സതീ സമ്പ്രദായം ഉണ്ടാകുവാനുള്ള കാരണവും ഇത് തന്നെയാണ്, ഭര്‍ത്താവ് മരിച്ച സ്ത്രീകളെ അടിമകളാക്കി ലൈംഗീക ആവശ്യങ്ങള്‍ക്ക് ഉപയോഗിക്കാം എന്നും വിശുദ്ധ  ഗ്രന്ഥങ്ങളില്‍ പറയുന്നതുകൊണ്ട് നൂറു കണക്കിന് ഭര്‍ത്താക്കന്‍മാരെ വധിച്ച ശേഷം, അവശേഷിക്കുന്ന വിധവകളെ പട്ടാളക്കാര്‍ ഷെയര്‍ ചെയ്യുന്നതില്‍ നിന്നും രക്ഷനേടാന്‍ വേണ്ടിയായിരുന്നു. 

ചാരിത്ര്യം സംരക്ഷിക്കാന്‍ ഭാരതസ്ത്രീകള്‍ സതീ സമ്പ്രദായം അനുഷ്ഠിച്ചു വന്നിരുന്നത്.

1947 വരെ വിദേശികള്‍ നശിപ്പിച്ച നമ്മുടെ സംസ്കാരം, അതിനു ശേഷം നമ്മള്‍ തന്നെ നശിപ്പിക്കാന്‍ തുടങ്ങി. 

സതന്ത്ര്യം കിട്ടിയതിനു ശേഷം റീജീയണല്‍ റിസേര്‍ച് ലബോറട്ടറി ജമ്മുകാശ്മീരിലെ ശാസ്ത്രജ്ഞനായ ഡോക്ടര്‍ ചോപ്ര, ആയുര്‍വേദവും വെജിറ്റബിള്‍ ഫുഡും ആധാരമാക്കിമാക്കിയെഴുതിയ ഭാരതത്തിന്‍റെ ആരോഗ്യശാസ്ത്രത്തിന്‍റെ അടിസ്ഥാനം അന്നത്തെ പ്രധാനമന്ത്രിയായിരുന്ന ജവഹര്‍ലാല്‍ നെഹ്‌റുവിന്‍റെ മുന്നില്‍ സബ്മിറ്റ് ചെയ്തപ്പോള്‍, ഞാന്‍ ഫോളോ ചെയ്യുക കേംബ്രിഡ്ജ് യൂണിവേഴ്സിറ്റിയുടെ സിലബസ് ആയിരിക്കും എന്ന് പറഞ്ഞ് അദ്ദേഹം അത്  തളളിക്കളഞ്ഞു..!!

ഡോക്ടര്‍ ചോപ്ര എഴുതിയ ആ പുസ്തകം രണ്ടു വര്‍ഷത്തിനു ശേഷം മാവോ സെതുങ്ങ് ചൈനയില്‍ പ്രയോഗത്തില്‍ വരുത്തി. ഭാരതത്തില്‍ അത് നടപ്പിലാക്കിയില്ല..!!

ചൈനയുടെ ബേസിക് ഹെല്‍ത്ത്‌ പോളിസി ഡോക്ടര്‍ ചോപ്ര എഴുതിയ ആ പുസ്തകമാണ്.

അനവധികാലം അടിമത്തത്തില്‍ കഴിഞ്ഞ ഒരു രാഷ്ട്രം.

അസാധാരണ വൈഭവശേഷിയുള്ള ഋഷിവര്യന്മാര്‍ക്ക് ജന്മം കൊടുത്ത ഒരു രാഷ്ട്രം.

ശാസ്ത്രത്തിന്‍റെ മകുടോദാഹരണമായി വര്‍ത്തിച്ചെന്നു സര്‍ ആല്‍ബര്‍ട്ട് ഐന്‍സ്റീനിനെയും സ്റ്റീഫന്‍ ഹോക്കിന്‍സിനെയും പോലുള്ള പ്രഗല്‍ഭര്‍ പറഞ്ഞ രാഷ്ട്രം.

ലോകജനതയ്ക്ക് സ്വര്‍ണതാംബാളത്തില്‍ വെച്ച് കൊടുക്കാന്‍ പാകത്തിന് സാങ്കേതിക വിദ്യകളുടെ പരമകാഷ്ടയില്‍ എത്തിയിരുന്ന ഒരു  രാഷ്ട്രം.

ആത്മീയതയില്‍ ലോകജനതയ്ക്ക് മാര്‍ഗനിര്‍ദേശം കൊടുത്ത ഒരു രാഷ്ട്രം.

ആ ആത്മീയത, അത്യന്താധുനിക ശാസ്ത്രത്തിനു നേരെ കാര്‍പെറ്റ് വിരിച്ചു കൊടുക്കുന്ന ഒരു രാഷ്ട്രം.

സാഹിത്യത്തില്‍ മറ്റേതു രാഷ്ട്രത്തിനും ചിന്തിക്കാന്‍ പോലും പറ്റാത്ത വിധത്തില്‍ ഭാരതീയ സാഹിത്യങ്ങള്‍, സാഹിത്യനിയമങ്ങള്‍ ഉദയം ചെയ്ത ഒരു രാഷ്ട്രം.

സ്വാതന്ത്ര്യം കിട്ടി ഇത്രയും കാലം കഴിഞ്ഞതിനു ശേഷം, സ്വന്തം നാടിനെ കുറിച്ചും നാടിന്‍റെ പൈതൃകത്തെ കുറിച്ചും, അറിയാത്തതും അറിയാന്‍ ശ്രമിക്കാതതുമായ ലോകത്തിലെ ഏക ജനത ചിലപ്പോള്‍ ഭാരതീയര്‍ മാത്രമായിരിക്കും..!!

ഒരുപക്ഷെ ഭാവിയില്‍ ഭാരതീയര്‍ക്ക് വേദങ്ങളെക്കുറിച്ചും നമ്മുടെ സംസ്കാരത്തെക്കുറിച്ചും പഠിക്കാന്‍ പാസ്പോര്‍ട്ടും വിസയുമെടുത്ത് അമേരിക്കയിലേക്കും മറ്റു യൂറോപ്യന്‍ രാജ്യങ്ങളിലേക്കും പോകേണ്ടിവരുന്ന കാലഘട്ടം വന്നാല്‍ പോലും അതില്‍ അല്‍ഭുതപെടാനില്ല എന്ന് വേദനയോടെ പറഞ്ഞു കൊണ്ട് നിര്‍ത്തട്ടെ ..!!

 വായിച്ചതിനു ശേഷം മാക്സിമം ഷെയർ ചെയ്യുക ©

രാമഭദ്രാചാര്യ : ശ്രീരാമന്റ്റെ ജന്മസ്ഥലം സുപ്രീം കോടതിയെ ബോദ്ധ്യപ്പെടുത്തിയ സന്യാസിവര്യൻ

ഇദ്ദേഹം രാമഭദ്രചാര്യ.

 സുപ്രീം കോർട്ടിൽ  വേദ പുരാണത്തിന്റെ തെളുവുകൾ നിരത്തി  രാംലാലയ്ക്ക് അനുകൂലമായി സാക്ഷ്യം വഹിച്ച വ്യക്തി.  

 ധർമ്മചക്രവർത്തി, പദ്മവിഭൂഷൻ, ജഗദ്ഗുരു രംഭദ്രാചാര്യ ജി, ശ്രീരാം ജന്മഭൂമിക്ക് അനുകൂലമായി വേദങ്ങളിൽ നിന്നു തെളിവുകൾ പറഞ്ഞപ്പോൾ 

ജഡ്ജിയുടെ ചോദ്യം , "നിങ്ങൾ എല്ലാ കാര്യങ്ങളിലും വേദങ്ങളിൽ നിന്ന് തെളിവ് പറയുമ്പോൾ.. അയോദ്ധ്യയിൽ തന്നെ ആണ് ശ്രീരാം ജനിച്ചുവെന്നതിന് വേദങ്ങളിൽ നിന്ന് തെളിവ് നൽകാമോ?"

ജഗദ്ഗുരു രംഭദ്രാചാര്യ ജി  സർ നൽകാം" എന്ന് പറഞ്ഞു.

അദ്ദേഹം ഋഗ്വേദത്തിലെ ജെയ്‌മിനി സംഹിതയിൽ നിന്ന് ഉദാഹരണങ്ങൾ പറയാൻ  തുടങ്ങി, അതിൽ സരിയു നദിയുടെ പ്രത്യേക സ്ഥലത്തു നിന്നുള്ള ദിശയും ദൂരവും കൃത്യമായി വിശദാംശങ്ങൾ നൽകി ശ്രീരാം ജന്മഭൂമി എവിടെ ആണന്നു കൃത്യമായി വിവരിക്കുന്നു.

കോടതിയുടെ ഉത്തരവ് പ്രകാരം ഋഗ്വേദം പരിശോധിച്ചു  അതിൽ ജഗദ്ഗുരു വ്യക്തമാക്കിയ നമ്പർ തുറക്കുകയും എല്ലാ വിശദാംശങ്ങളും ശരിയാണെന്ന് കണ്ടെത്തുകയും ചെയ്തു ... ശ്രീരാം ജന്മഭൂമിയുടെ സ്ഥാനം നൽകിയിട്ടുള്ള സ്ഥലം ... തർക്കവിഷയമായ സൈറ്റ് സമാനമാണ്    ജഗദ് ഗുരുവിന്റ്റെ വിവരണം. വിധി ഹിന്ദുക്കൾക്ക് അനുകൂലമായി മാറി. 

 ജഡ്ജി സമ്മതിച്ചു, "ഇന്ന് ഞാൻ ഇന്ത്യൻ ജ്ഞാനത്തിന്റെ അത്ഭുതം കണ്ടു ..കാഴ്ച്ച ശക്തി ഇല്ലാത്ത തന്റെ  അത്ഭുത കണ്ണുകളാൽ ഒരു വ്യക്തി, വേദങ്ങളിൽ രേഖപെടുത്തിയ ആ  വരികൾ എങ്ങനെ നൽകി? ഇതു അത്ഭുതം ആണ്

" കാഴ്ചശക്തി ഇല്ലാത്ത ഭദ്രചാര്യ ഇന്ന് 22 ഭാഷകളിൽ, 80 പുസ്തകങ്ങൾ എഴുതിയിട്ടുണ്ട്.

ലോകത്തിലെ ഏറ്റവും പുരാതനമായ ഗ്രദ്ധം ആണ് വേദം സനാതന ധർമ്മവും വേദങ്ങളും പുരാണങ്ങളും അനുസരിച്ച്, ദൈവം ഈ പ്രപഞ്ചത്തെ സൃഷ്ടിച്ച കാലം മുതൽ ഉള്ളതാണ് സനാതന ധർമ്മം. പിന്നീട് സന്യാസിമാർ ആ സംസ്കാരം  മുന്നോട്ട് കൊണ്ടു  പോയി. എട്ടാം നൂറ്റാണ്ടിൽ സനാതൻ ധർമ്മത്തെ മുന്നോട്ട് നയിക്കാൻ ശങ്കരാചാര്യൻ വന്നു.

വൈകല്യത്തെ പരാജയപ്പെടുത്തി ജഗദ്ഗുരുവാകുന്ന സന്യാസിയാണ് പത്മവിഭൂഷൻ രംഭദ്രാചാര്യാജി.

1. ജഗദ്ഗുരു രംഭദ്രാചാര്യ ചിത്രകൂട്ടിൽ താമസിക്കുന്നു. അദ്ദേഹത്തിന്റെ യഥാർത്ഥ പേര് ഗിർധാർ മിശ്ര, എന്നാണ് ഉത്തർപ്രദേശിലെ 

ജൈൻപൂർ ജില്ലയിലാണ് അദ്ദേഹം ജനിച്ചത്.

2. പ്രശസ്ത പണ്ഡിതൻ, വിദ്യാഭ്യാസ വിദഗ്ദ്ധൻ, പോളിഗ്ലോട്ട്, സ്രഷ്ടാവ്, പ്രസംഗകൻ, തത്ത്വചിന്തകൻ, ഹിന്ദു മത അധ്യാപകൻ കുടി ആണ് രാമഭദ്രാചാര്യ.

3. രാമാനന്ദ് സമ്പ്രദായത്തിലെ നിലവിലെ നാല് ജഗദ്ഗുരു രാമാനന്ദാചാര്യന്മാരിൽ ഒരാളായ അദ്ദേഹം 1988 മുതൽ ഈ പദവി വഹിച്ചിട്ടുണ്ട്.

4. ജഗദ്ഗുരു രംഭദ്രാചാര്യ വികലാംഗ സർവകലാശാലയുടെ സ്ഥാപകനും ചിത്രകൂട്ടിൽ സ്ഥിതി ചെയ്യുന്ന വിശുദ്ധ തുളസിദാസിന്റെ പേരിൽ സ്ഥാപിതമായ തുളസി പീഡത്തിന്റെ ആജീവനാന്ത ചാൻസലറുമാണ് രാമഭദ്രാചാര്യ.

5. ജഗദ്ഗുരു രംഭദ്രാചാര്യന് വെറും രണ്ട് മാസം പ്രായമുള്ളപ്പോൾ കാഴ്ചശക്തി നഷ്ടപ്പെട്ടു.

6. ബഹുഭാഷ വിദ്വാൻ ആയ അദ്ദേഹം സംസ്കൃതം, ഹിന്ദി, അവധി, മൈഥിലി ഉൾപ്പെടെ 22 ഭാഷകളിൽ കവിയും സ്രഷ്ടാവുമാണ്.

7. നാല് ഇതിഹാസങ്ങൾ (സംസ്കൃതത്തിൽ രണ്ട്, ഹിന്ദിയിൽ രണ്ട്) ഉൾപ്പെടെ 80 ലധികം പുസ്തകങ്ങളും പാഠങ്ങളും അദ്ദേഹം രചിച്ചിട്ടുണ്ട്. തുളസിദാസിലെ ഇന്ത്യയിലെ മികച്ച വിദഗ്ധരിൽ ഒരാളായി അദ്ദേഹം കണക്കാക്കപ്പെടുന്നു.

8. ഡോക്ടർ മാർ കാഴ്ച ശക്തി വീണ്ടെടുക്കാൻ ശ്രമം നടത്തിയെങ്കിലും  രക്തസ്രാവം കാരണം അദ്ദേഹത്തിന്റെ രണ്ട് കണ്ണുകളുടെയും പ്രകാശം പോയി.

9.അദ്ദേഹത്തിനു  വായിക്കാനോ എഴുതാനോ  കഴിയില്ല.  കേട്ടുകൊണ്ട് ആണ് പഠിക്കുന്നത് 

പറഞ്ഞു കൊടുത്തു  രചനകൾ എഴുതിക്കുന്നു

10. 2015 ൽ ഇന്ത്യാ സർക്കാർ അദ്ദേഹത്തെ പത്മവിഭൂഷൺ നൽകി ആദരിച്ചു.

ജയ് ശ്രീറാം

©️

എന്താണ് ഹിന്ദു മതം ?

നാലു വേദങ്ങള്‍, ആറു വേദാംഗങ്ങള്‍, പതിനെട്ടുപുരാണങ്ങള്‍, നൂറ്റിയെട്ടു ഉപപുരാണങ്ങള്‍, നൂറ്റിയെട്ടു ഉപനിഷത്തുകള്‍, ബ്രാഹ്മണങ്ങള്‍, ആരണ്യകങ്ങള്‍, സംഹിതകള്‍, ഇതിഹാസങ്ങള്‍, തത്വങ്ങള്‍ ; ന്യായം, വൈശേഷികം, സാംഖ്യം, യോഗം, മീമാംസ, വേദാന്തം എന്നിങ്ങനെയുള്ള ഷഡ്‌ദർശനങ്ങൾ ; പതിനാറായിരത്തി ഒരുന്നൂറ്റിയെട്ട്‌ ശക്തികള്‍, ത്രിമൂര്‍ത്തികള്‍ ; സൃഷ്‌ടി, സ്ഥിതി, സംഹാരം എന്ന അവസ്ഥാത്രയം. 

ഉത്‌പത്തിശാസ്‌ത്രം, സൃഷ്‌ടിക്രമരഹസ്യം, അധ്യാത്മശാസ്‌ത്രം, മന്ത്രശാസ്‌ത്രം, തന്ത്രശാസ്‌ത്രം, മോക്ഷശാസ്‌ത്രം, ധര്‍മശാസ്‌ത്രം, യോഗശാസ്‌ത്രം, തര്‍ക്കശാസ്‌ത്രം, രാഷ്‌ട്രമീമാംസ, നരവംശശാസ്‌ത്രം, ജന്തുശാസ്‌ത്രം, വൈദ്യശാസ്‌ത്രം, ശബ്‌ദശാസ്‌ത്രം, ജ്യോതിശാസ്‌ത്രം, ഗോളശാസ്‌ത്രം, ഭൂമിശാസ്‌ത്രം, ശരീരശാസ്‌ത്രം, മനഃശാസ്‌ത്രം, കാമശാസ്‌ത്രം, തച്ചുശാസ്‌ത്രം, ഗണിതശാസ്‌ത്രം, വ്യാകരണശാസ്‌ത്രം, ആണവശാസ്‌ത്രം, വൃത്തശാസ്‌ത്രം, അലങ്കാരശാസ്‌ത്രം, നാട്യശാസ്ത്രം, ഗാന്ധർവവേദം (സംഗീതശാസ്ത്രം), അലങ്കാരശാസ്ത്രം, ഛന്ദഃശാസ്ത്രം, ധനുർവേദം, രസതന്ത്രം, ഊര്‍ജതന്ത്രം, അഷ്ടാംഗഹൃദയം, ചരകസംഹിത, വ്യാമനിക ശാസ്ത്രം, മേഘോല്‍പ്പത്തി-പ്രകരണം, ശക്തിതന്ത്രം, ആകാശതന്ത്രം, തൈലപ്രകരണം, ദര്‍പ്പണപ്രകരണം ,സൗദാമിനികല, യന്ത്രശാസ്ത്രം, കൌടിലീയ അര്‍ത്ഥശാസ്ത്രം, ലീലാവതി എന്നിങ്ങനെ എണ്ണമറ്റ ശാസ്‌ത്രശാഖകളെ പ്രതിപാദിക്കുന്ന ആയിരക്കണക്കിന് വര്‍ഷങ്ങള്‍ക്ക് മുന്‍പേ രചിക്കപ്പെട്ട അസംഖ്യം കൃതികള്‍. 

ഭൂമി, ജലം, തേജസ്സ്, വായു, ആകാശം എന്നീ പഞ്ചഭൂതങ്ങള്‍; മൂക്ക്, നാക്ക്, ത്വക്ക് തുടങ്ങിയ ജ്ഞാനേന്ദ്രിയങ്ങള്‍; വാക്ക്, പാണി, പാദാദികളായ കര്‍മേന്ദ്രിയങ്ങള്‍; വചനം, ആദാനം, യാനം, വിസര്‍ജനം, ആനന്ദനം എന്നീ കര്‍മേന്ദ്രിയ വിഷയങ്ങള്‍; പ്രാണാപാനാദികളായ പഞ്ചപ്രാണനുകള്‍ ; നാഗന്‍, കൂര്‍മന്‍, ദേവദത്തന്‍, ധനഞ്ജയന്‍, കൃകലന്‍ എന്നീ ഉപപ്രാണന്‍മാര്‍; മൂലാധാരം, സ്വാധിഷ്ഠാനം തുടങ്ങിയ ഷഡാധാരങ്ങള്‍ ; രാഗം, ദ്വേഷം, കാമം, ക്രോധം, മാത്സര്യം, മോഹം, ലോഭം, മദം എന്നീ അഷ്ടരാഗാദികള്‍ ; മനസ്സ്, ബുദ്ധി, ചിത്തം, അഹങ്കാരം എന്നിങ്ങനെ നാല് അന്തഃകരണങ്ങള്‍ ; സങ്കല്പം, നിശ്ചയം, അഭിമാനം, അവധാരണം എന്ന നാല് അന്തഃകരണവൃത്തികള്‍ ; ഇഡ, പിംഗള, സുഷുമ്ന എന്നീ മൂന്നു നാഡികള്‍ ; അഗ്നിമണ്ഡലം, അര്‍ക്കമണ്ഡലം, ചന്ദ്രമണ്ഡലം എന്ന മൂന്ന് മണ്ഡലങ്ങള്‍ ; അര്‍ഥേഷണ, ദാരേഷണ, പുത്രേഷണ എന്ന ഏഷണത്രയം ; ജാഗ്രത്ത്, സ്വപ്നം, സുഷുപ്തി എന്നീ അവസ്ഥകള്‍; സ്ഥൂലം, സൂക്ഷ്മം, കാരണം എന്നീ ദേഹങ്ങള്‍ ; വിശ്വന്‍, തൈജസന്‍, പ്രാജ്ഞന്‍ എന്നീ മൂന്ന് ദേഹനാഥന്‍മാര്‍ ; ത്വക്ക്, രക്തം, മാംസം, മേദസ്സ്, അസ്ഥി, മജ്ജ, ശുക്ലം എന്ന സപ്തധാതുക്കള്‍ ; അന്നമയം, പ്രാണമയം, മനോമയം, വിജ്ഞാ നമയം, ആനന്ദമയം എന്ന പേരുകളാലറിയപ്പെടുന്ന പഞ്ചകോശങ്ങള്‍ ; ആധ്യാത്മികം, ആധിഭൌതികം, ആധിദൈവികം എന്നിങ്ങനെയുള്ള താപത്രയം എന്നിങ്ങനെ മൊത്തം 96 തത്ത്വഭേദങ്ങള്‍

അകാര ഉകാര മകാരാദി പ്രതീകങ്ങള്‍ തുടങ്ങി അനന്തമായ വിജ്ഞാനശാഖകള്‍ ഒരുമിച്ചു ചേര്‍ന്ന വിശ്വപ്രകൃതിയില്‍ മനുഷ്യന്‍, പിതൃക്കള്‍, ഗന്ധര്‍വന്മാര്‍, ദേവന്മാര്‍, സിദ്ധന്മാര്‍, ചാരണന്മാര്‍, കിന്നരന്മാര്‍, അപ്‌സരസ്സുകള്‍, ദേവേന്ദ്രന്‍, ഉപബ്രഹ്മാക്കള്‍ എന്നിപ്രകാരമുള്ള സൂക്ഷ്‌മലോക വ്യക്തിത്വങ്ങള്‍, അവയുടെ അനന്തശക്തികള്‍, അവയ്‌ക്കാധാരമായ തത്വങ്ങള്‍ 

പതിനാലു അനുഭവമണ്‌ഡലങ്ങള്‍ അഥവാ ലോകങ്ങള്‍ (അതലം, വിതലം, സുതലം, രസാതലം, തലാതലം, മഹാതലം, പാതാളം, ഭൂലോകം, ഭുവര്‍ലോകം, സ്വര്‍ലോകം, മഹര്‍ലോകം, ജനലോകം, തപോലോകം, സത്യലോകം )

സ്വായംഭുവന്‍, സ്വാരോചിഷന്‍, ഔത്തമി, താമസന്‍, രൈവതന്‍, ചാക്ഷുഷന്‍, വൈവസ്വതന്‍, സാവര്‍ണി, ദക്ഷസാവര്‍ണി, ബ്രഹ്മസാവര്‍ണി, ധര്‍മസാവര്‍ണി, രുദ്രസാവര്‍ണി, ദൈവസാവര്‍ണി, ഇന്ദ്രസാവര്‍ണി എന്നിങ്ങനെയുള്ള മനുക്കള്‍

ഏകം, ദശം, ശതം, സഹസ്രം, അയുതം, ലക്ഷം, ദശലക്ഷം, കോടി, മഹാകോടി, ശംഖം, മഹാശംഖം, വൃന്ദം, മഹാവൃന്ദം, പദ്‌മം, മഹാപദ്‌മം, ഖര്‍വം, മഹാഖര്‍വം, സമുദ്രം, ഓഘം, ജലധി, എന്നിങ്ങനെ സംഖ്യാനത്തിലെ പത്തിരട്ടിക്കുന്ന സ്ഥാനസംജ്ഞകള്‍

ദിനം, മാസം, വത്സരം, ദേവവത്സരം, ചതുര്‍യുഗങ്ങള്‍, മന്വന്തരങ്ങള്‍, കല്‌പം, മഹാകല്‌പം എന്നിങ്ങനെ അനവധി കാലപരിഗണനകള്‍, അവയില്‍ പ്രപഞ്ചത്തിനു സംഭവിക്കുന്ന അവസ്ഥാന്തരങ്ങള്‍; അനന്തകോടി ജന്മാന്തരങ്ങളിലൂടെ ജീവനുണ്ടാകുന്ന സംസ്‌കാരപദവികള്‍, എല്ലാം വിശദമായി വര്‍ണിച്ച്‌ അവസാനമായി ഇവയ്‌ക്കെല്ലാം ഉത്‌പത്തിലയനകേന്ദ്രമായ ബ്രഹ്മം, അതിന്റെ തന്നെ ശിവന്‍ എന്ന അന്തഭാവം ഇവയെല്ലാം കാട്ടിത്തരുന്ന അനുസ്യൂതവും അപ്രമേയവുമായ ഒരദ്‌ഭുത ശാസ്‌ത്രമാണ്‌ ഹിന്ദുമതം.

ഇത്രയും വിശദാംശങ്ങളിലേക്കു കടന്നാല്‍ മറ്റു മതങ്ങള്‍ ഹിന്ദുമതമെന്ന മഹാസമുദ്രത്തെ അപേക്ഷിച്ച്‌ ഒരു ജലകണികയോളവും വലിപ്പമുള്‍കൊള്ളുന്നില്ല. ജീവനു ഭൗതികസത്തയിലുള്ള ബന്ധവും, സ്വഭാവവും അതുമൂലമുണ്ടാകുന്ന അനുഭവങ്ങളും ഇടര്‍ച്ചയില്ലാതെ മേല്‌പറഞ്ഞ ഉപാധികളിലൂടെ വര്‍ണിച്ചിരിക്കുന്നു എന്ന സവിശേഷത സനാതന ധര്‍മ്മ സംസ്ക്കാരത്തിലല്ലാതെ മറ്റൊരിടത്തില്ല. അവസാനമായി ജീവാത്മാപരമാത്മൈക്യത്തെ സ്ഥാപിക്കുകയും ത്രിലോകങ്ങളും ചിദാകാശതത്ത്വത്തില്‍ അഥവാ ആത്മാവില്‍ നിന്നുണ്ടായി ആത്മാവില്‍ ലയിക്കുന്നു എന്നത്‌ തെളിയിക്കുകയും ചെയ്യുന്നു. ഇത്‌ ആധുനികശാസ്‌ത്രചിന്തയെ സമര്‍ഥിക്കുകയും വിദൂരസത്തയിലേക്ക്‌ വഴി കാട്ടുകയും ചെയ്യുന്നതത്രേ. ഒരു ധർമ്മ ഗ്രന്ഥമുള്ളവർ നമ്മെ പഠിപ്പിക്കാൻ ഇറങ്ങിയിരിക്കുന്നു.

ശ്രീരാമ ജന്മഭൂമി സന്ദർശനം: ഒരു ഓർമ്മക്കുറിപ്പ്

അയോദ്ധ്യയിലെ രാമജന്മഭൂമിയിൽ, "ശ്രീരാമ ക്ഷേത്രത്തി"ന് ആഗസ്റ്റ് അഞ്ചിന് തറക്കല്ലിടുമ്പോൾ, ബാബറിമസ്ജിദ്, എന്ന് 1984 ന് ശേഷം മാത്രം വിളിക്കപ്പെട്ട, പൗരാണികമായ ആ ക്ഷേത്രം 1986ലെ വേനൽ അവധിക്കാലത്ത് ( april & may) സന്ദർശിച്ച അനുഭവം പങ്കു വയ്ക്കുകയാണിവിടെ. 

എട്ടാം ക്ലാസ്സിലെ വലിയവധിക്കാലത്താണ് (വേനലവധി) ഞാനും ചേട്ടനും ( Rajesh G Pillai...) കൂടി അച്ഛന്റ്റെ അടുത്തേക്ക് അവധിക്കാലം ചിലവഴിക്കാൻ പോകുന്നത്. ചേട്ടനും ഡിഗ്രി പരീക്ഷ കഴിഞ്ഞ അവധിയാണ്. അച്ഛൻ  Army Officer ആയിരുന്നു. (Late Maj. G.K Pillai) അന്ന് അയോദ്ധ്യയുടെ ഇരട്ട നഗരമായ ഫൈസാബാദിലെ  ഡ്രോഗ്രാ റജിമെന്റ്റിലാണ് (Dogra Regiment)   അച്ഛന്റ്റെ പോസ്റ്റിങ്ങ്. (വിഷയം അയോദ്ധ്യയായതിനാൽ, കൂടുതൽ വ്യക്തിപരമായ വിവരണങ്ങളിലേക്ക് ഈ ആമുഖത്തിനപ്പുറം കടക്കുന്നില്ല)

അയോദ്ധ്യയിൽ, ബാബറുടെ പേരിലുള്ള ഒരു പള്ളി ഉണ്ടായിരുന്നുവെന്നും, അത് രാമക്ഷേത്രം ആക്കണമെന്നും പറഞ്ഞ്, 1992-ൽ സംഘപരിവാർ പൊളിച്ചു കളഞ്ഞു എന്നുമാണ്  കേരളത്തിൽ മിക്കവരുടേയും ധാരണ. അല്ലെങ്കിൽ നമ്മുടെ ഇടത് ചരിത്രകാരന്മാരും, ഇടതപക്ഷാനുകൂലികളായ  മാദ്ധ്യമങ്ങളും, വോട്ട് ബാങ്ക് രാഷ്ട്രീയത്തിൽ കണ്ണു നട്ടിരിക്കുന്ന രാഷ്ട്രീയക്കാരും കൂടി ജനങ്ങളെ ബോധിപ്പിച്ചിരുന്നത് അങ്ങനെയാണ്. പഴയ മിനാരങ്ങളുടെ ചിത്രങ്ങൾ മാത്രം കണ്ടിട്ടുള്ളവർക്ക് മറിച്ചൊരു ധാരണ ഉണ്ടാവാനും വഴിയില്ല. അതിനുമപ്പുറത്തേക്ക് ഉള്ളിലെ ചിത്രങ്ങൾ കൂടി കണ്ടിരുന്നുവെങ്കിൽ, ഈ തർക്കം എന്നേ കെട്ടടങ്ങുമായിരുന്നു..!

ഇന്നിപ്പോൾ, സുപ്രീം കോടതി തന്നെ ആ സ്ഥലം രാമജന്മഭൂമിയാണ് എന്ന് വിധിച്ച്, ക്ഷേത്രം പണിയാൻ നിർദ്ദേശം നൽകിയിരിക്കുന്നു. അപ്പോഴും ഇവിടെ ചിലർക്ക് നേരം വെളുത്തിട്ടില്ല. പള്ളി പൊളിച്ച സ്ഥാനത്ത് അമ്പലം പണിയുന്നു എന്നാണ് ധാരണ പരത്തുന്നത്. ഈ ധാരണകളൊക്കെ ഒരിക്കലെങ്കിലും അയോദ്ധ്യയിലെ ഈ പഴയ മന്ദിരം സന്ദർശിച്ചവർക്ക് ഉണ്ടാവുകയില്ല എന്നതാണ്  സത്യം. ഇങ്ങനെയൊരു കുറിപ്പെഴുതാൻ തന്നെ പ്രേരണയും അതാണ്.  ഇതോടൊപ്പമുള്ള ചിത്രങ്ങൾ പഴയ രാമജന്മഭൂമി ക്ഷേത്രത്തിലെയാണ്. പ്രവേശന കവാടവും, ഉള്ളിലെ ഗർഭ ഗ്രഹത്തിലെ വിഗ്രഹവും, മറ്റ് പൂജാ വിഗ്രഹങ്ങളും. (അവിടെ ക്ഷേത്രത്തിന്റ്റെ ഉള്ളിൽ, ഫോട്ടോഗ്രാഫി അനുവദിച്ചിരുന്നില്ല. ഉള്ളിലെ ഈ വിഗ്രഹങ്ങളുടെ ചിത്രങ്ങൾ അവിടെ നിന്നും ഞങ്ങൾ വാങ്ങിയതാണ്.) 

1986 വരെ അടച്ചിട്ടിരുന്ന ഈ ക്ഷേത്രം, ഹിന്ദു വിശ്വാസികൾക്ക് പ്രാർത്ഥനകൾക്കായി തുറന്ന് കൊടുത്ത് ഏതാനും മാസങ്ങൾക്കകമാണ് ഞങ്ങൾക്ക് അവിടെ ചെല്ലുവാൻ ഭാഗ്യം ഉണ്ടായത്. 

ആർമിയുടെ ജോംങ്കാ ജീപ്പിൽ നല്ല സ്റ്റൈലായാണ് ഞങ്ങൾ അയോദ്ധ്യാ സന്ദർശനത്തിന് പോയത്. അച്ഛന്റ്റെയും, ഞങ്ങളുടേയുമൊപ്പം യൂണിഫോമിൽ സൈനികരും ഉണ്ടായിരുന്നു. സുരക്ഷയ്ക്കായി.. 

വലിയ തിരക്കായിരുന്നു അവിടെ...

അയോദ്ധ്യാ നഗരത്തിൽ, ഇരുവശങ്ങളും തിങ്ങി നിറഞ്ഞ കടകളുള്ള പുരാതനമായ ചെമ്മൺപാതയിലൂടെ ഉള്ള ആ യാത്രക്ക് ഇന്നും ഓർമ്മകളിൽ വസന്തമാണ്.. 

തെരുവ് ചെന്നവസാനിക്കുന്നത്, ഉയരത്തിലേക്ക് നിറയെ പടിക്കെട്ടുകളുള്ള "ഹനുമാൻഗഡി" എന്ന് ഹനുമാൻ ക്ഷേത്രത്തിന് മുന്നിലാണ്. അവിടെ നിറുത്താതെ, വലത്തേക്ക് തിരഞ്ഞ് ഞങ്ങളുടെ വാഹനം നീങ്ങി. അവിടെയൊരു പോലീസ് ഔട്ട് പോസ്റ്റ്. 

അവിടെ നിന്നങ്ങോട്ട് ഔദ്യോഗിക വാഹനങ്ങൾ മാത്രമേ കടത്തി വിടൂ. പൊടിപടലങ്ങൾ തൂവിപ്പറക്കുന്ന മദ്ധ്യാന്ന വേനലിൽ ഞങ്ങളുടെ വാഹനം പരിശോധന കൂടാതെ തന്നെ കടത്തി വിട്ടു.   

മുന്നിൽ, കടുത്ത ചൂടവഗണിച്ച് ഇരു വശത്തു കൂടിയും നിരനിരയായി നീങ്ങുന്ന ഭക്തരെ ഞങ്ങൾ കണ്ടു. എങ്ങും 'രാമമന്ത്രം' മാത്രം. 'നോർത്തിന്ത്യ'യുടെ പല ഭാഗത്ത് നിന്നും ദർശനത്തിനായി വരുന്നവരാണിതെന്ന് അച്ഛൻ ഞങ്ങൾക്ക് പറഞ്ഞു തന്നു.  കുറേ ദൂരം കൂടി പിന്നിട്ട് ഞങ്ങൾ ലക്ഷ്യ സ്ഥാനത്തെത്തി. അവിടെയും വലിയ തിരക്ക്..

വാഹനത്തിൽ നിന്നിറങ്ങി ആദ്യം കണ്ണിൽ പെട്ടത് വലിയൊരു വടവൃക്ഷമാണ്. നമ്മുടെ അരയാൽ പോലെ ഒരു വലിയ വൃക്ഷം. അതോ ആൽമരം തന്നെയോ.?.. അത്ര ഓർമ്മയില്ല. ചുറ്റും തറ കെട്ടിയിരിക്കുന്ന അതിന് മുന്നിൽ ആളുകൾ താണു വണങ്ങുന്നു. ആൾക്കുട്ടത്തിനിടയിലൂടെ  അടുത്ത് ചെന്നപ്പോൾ കണ്ടു, നിറയെ കുങ്കുമവും, പട്ടുവസ്ത്രവും, പൂമാലകളുമൊക്കെ അണിയിച്ച്  രാമലല്ലാ വിഗ്രഹം. വൃദ്ധനായ ഒരു പൂജാരി അതിനടുത്തിരിക്കുന്നു.

 "ഈ ക്ഷേത്രം തുറന്നു കൊടുക്കുന്നത് വരെ നൂറ്റാണ്ടുകളായി, ഈ മരച്ചുവട്ടിലാണ് രാമവിഗ്രഹം വച്ച് ഹിന്ദുക്കൾ പൂജിച്ചിരുന്നത്", അച്ഛൻ പറഞ്ഞു തന്നു.. അവിടെ വണങ്ങി മുന്നിലേക്ക് നീങ്ങുമ്പോൾ പ്രവേശന കവാടം. കണ്ടിട്ട് ഇടിഞ്ഞു വീഴാറായത് പോലെ.. ആദ്യ നോട്ടത്തിൽ തോന്നിയത് അതാണ്. 

അവിടെ "രാമജന്മഭൂമി" എന്ന് ഹിന്ദിയിൽ എഴുതിയിരിക്കുന്നു. ഉള്ളിലും നിറയെ തിരക്കാണ്. അതിന് പ്രധാന കാരണം, ഒരാൾക്ക് മാത്രം നടക്കാനാവുന്ന രീതിയിൽ  മുളംകമ്പു കൊണ്ട് വേലി കെട്ടിത്തിരിച്ചിരിക്കുന്ന വഴിയിലൂടെ വേണം അകത്ത് പ്രദക്ഷിണം വച്ച് നീങ്ങാൻ.

ആൾക്കുട്ടം ഒഴിവാക്കി നേരെ നടയിലേക്ക് പോകാൻ കാവൽ നിൽക്കുന്ന സൈനികരിലൊരാൾ ഞങ്ങളെ വിളിച്ചുവെങ്കിലും, വേണ്ടായെന്ന് കൈ കൊണ്ട് ആംഗ്യം കാണിച്ച് അച്ഛനയാളെ മടക്കി. ('എനിക്ക് പക്ഷേ, അതത്ര ഇഷ്ടമായില്ല'..!)

അകം തുടർച്ചയായ മണിനാദങ്ങളാൽ ശബ്ദമുഖരിതമാണ്..  ഒപ്പം, ഉച്ചത്തിൽ ജയ് ശ്രീറാം വിളികളും...തിരക്കിൽ, പതുക്കെ മുന്നോട്ട് നീങ്ങവേ ചുറ്റും നോക്കി. 

വലിയ കല്ലുകൾ നിരത്തി പാകിയ തറ. ചെങ്ങന്നൂരമ്പലമാണ് ഓർമ്മ വന്നത്... വെളുത്ത കുമ്മായം പൂശിയ ഭിത്തികൾ നിറം മങ്ങി അഴുക്ക് നിറഞ്ഞിരിക്കുന്നു. അങ്ങിങ്ങായി ഭിത്തിയിൽ, വിളക്കു കൈയ്യിലേന്തിയ സാലഭഞ്ജികകളെ കൊത്തി വച്ചിരിക്കുന്നു. പലതിന്റ്റേയും കൈയ്യും, കാലും, തലയും, മുലയുമൊക്കെ തച്ചു തകർത്ത വിധമാണ്..

മുകൾ വശത്ത് രണ്ട് മിനാരങ്ങൾക്കിടയിൽ മുകൾപ്പരപ്പില്ലാത്ത സ്ഥലം.. ചുറ്റെടുത്ത് ചെല്ലവേ "രാമലല്ലാ"യുടെ ഗർഭഗ്രഹം. ശബ്ദവാദ്യാദി ഘോഷങ്ങളാൽ മുഖരിതമാണ്...  ഒപ്പം ഭയങ്കര തിക്കും തിരക്കും.. ആവേശപൂർവ്വമുള്ള അത്യൂജ്ജ്വല രാമമന്ത്ര ഘോഷണവും.

അന്നെനിക്ക് ഇതിന് പിന്നിലെ യഥാര്‍ത്ഥ വികാരമറിയില്ല..അതിനാൽ തന്നെ എല്ലായിടത്തും തൊഴുതെന്ന് വരുത്തി വെളിയിൽ ചാടിയാൽ മതിയെന്നായിരുന്നു..!!

തൊഴുത ശേഷം, ക്യൂവിൽ നിന്നുമാറി ഞങ്ങൾ അകത്ത് ഒന്നുകൂടി നടന്നെല്ലാം കണ്ടു. അച്ഛൻ, ചേട്ടനെല്ലാം വിവരിച്ചു കൊടുക്കുന്നതും കണ്ടു.. 

പുറത്തിറങ്ങിയ ശേഷവും നാലുചുറ്റും ഞങ്ങൾ നടന്നു. പിൻവശത്ത്, കുറച്ച് താഴ്ന്ന ഇടമുണ്ട്.  അവിടെ തിങ്ങി നിറഞ്ഞ് മരക്കൂട്ടമാണ്. അവിടെ നിന്നും അടുത്തയിടെ കല്ലേറുണ്ടായി എന്നും, അതിന് ശേഷമാണ് സൈന്യം തന്നെ അവിടെ കാവലിനെത്തിയതെന്നും സൈനികരിലൊരാൾ ഞങ്ങൾക്ക് പറഞ്ഞു തന്നത് ഇന്നും ഓർമ്മയിലുണ്ട്. 

സൈനികരും, പോലീസും, തീർത്ഥാടകരും, സന്യാസിമാരും, കച്ചവടക്കാരുമൊക്കെ ചേർന്ന് തിരക്കിട്ട സ്ഥലം. ഇതിനെല്ലാം പുറമേ, നിറയെ കുരങ്ങുകളും... ചെറുതും, വലുതുമായി ആയിരക്കണക്കിന് കുരങ്ങുകളാണ് അയോദ്ധ്യ നിറയേ..

മടക്കത്തിൽ, വലിയ പടിക്കെട്ടുകൾ കയറി ഹനുമാൻ ഗഡിയിലും ഞങ്ങൾ ദർശനം നടത്തി. നിറയെ കൊട്ടാരങ്ങളും, ക്ഷേത്രങ്ങളും നിറഞ്ഞ നഗരമാണ് അയോദ്ധ്യ. സീതാ ദേവിയുടേയും, കൗസല്യാദേവിയുടേയും ഒക്കെ കൊട്ടാരങ്ങൾ ഞങ്ങൾ നടന്നു കണ്ടു. വളരെ ഭംഗിയുള്ളവ.. 

ചേട്ടൻ യാഷിക ക്യാമറയിൽ നിറയെ കളർ ചിത്രങ്ങൾ എടുത്തിരുന്നു.  ക്ലിക്ക് ത്രീയിൽ ഞാനെമെടുത്തു, കുറെ ബ്ലാക്ക് ആൻഡ് വൈറ്റ് ചിത്രങ്ങൾ. ഒരു ആൽബം നിറയെ ചിത്രങ്ങൾ ഉണ്ടായിരുന്നു. ദൗർഭാഗ്യവശാൽ ചേട്ടന്റ്റെ കയ്യിലിരുന്ന അവയിലെ ഭൂരിഭാഗവും, 2018ലെ വെള്ളപ്പൊക്കത്തിൽ പെട്ട് കേടു വന്നു പോയി.

അയോദ്ധ്യയേയും, ഫൈസാബാദിനേയും തഴുകിയാണ് സരയൂ നദി ഒഴുകുന്നത്. അക്കരെ കാണാനാകാത്ത വിധം വീതിയാണ് നദിക്കവിടെ.  നദിക്ക് കുറുകെ ഒരു പാലവുമുണ്ട്. (ഈ പാലത്തിൽ നിന്നാണ് പിന്നീട് കർസേവകരെ വെടിവെച്ച ശേഷം എടുത്ത് പുഴയിൽ തള്ളിയത്..!)

സരയൂ തീരത്ത് സ്നാനഘട്ടും കാണാൻ അതി ഗംഭീരമാണ്. അവിടെ ബലിയിടുന്നതിനായി ധാരാളം കുടിലുകളും ഞങ്ങൾ കണ്ടു... സന്യാസിമാരേയും. പൗരാണികതയും, ആദ്ധ്യാത്മികതയും നിറഞ്ഞ സ്ഥലം. 

സരയുവിന്റ്റെ തീരത്ത് മറ്റൊരിടത്താണ്, ഗുപ്തർ ഘട്ട്. അവിടെയാണ് ഭഗവാൻ ശ്രീരാമൻ ജലസമാധിയടഞ്ഞത്. ചെറിയൊരു ക്ഷേത്രം അവിടെയുമുണ്ട്. 

ഇതായിരുന്നു 1986-ൽ ഞങ്ങൾ കണ്ട അയോദ്ധ്യ. ശരിക്കും ഒരു പുരാതനമായ നഗരം. നിറയെ ക്ഷേത്രങ്ങൾ... ഹിന്ദുക്കളും, മുസ്ലീങ്ങളും ഇടകലർന്ന ജനവിഭാഗം. ഇവിടെ മിലട്ടറി കൻറ്റോൺമെന്റ്റ് ഏരിയായുടെ ഉള്ളിൽ അതി മനോഹരമായി മാർബിളിൽ തീർത്ത ഒരു ശ്രീരാമക്ഷേത്രവുമുണ്ട്. ഞങ്ങൾ രണ്ടു പേരുടെയും  പ്രിയപ്പെട്ട സ്ഥലമായിരുന്നത്. അച്ഛന്റ്റെ വിജയാസൂപ്പറിൽ ചേട്ടനും ഞാനും സ്ഥിരം അവിടെ പോകുമായിരുന്നു.

അവധി കഴിഞ്ഞ് മടങ്ങുന്നതിന്റ്റെ തലേന്നും ഞങ്ങളിവിടെ പോയിരുന്നു. ഇനി ഇവിടെ വരാൻ സാധിക്കുമോ എന്നയെന്റ്റെ സങ്കടത്തോടെയുള്ള ചോദ്യത്തിന് ' നമ്മൾ ഇനിയും  ഇവിടെ വരുമെന്ന് ആത്മവിശ്വാസത്തോടെയുള്ള ചേട്ടന്റ്റെ മറുപടിയായിരുന്നു ആശ്വാസം. 

ഇനിയും അവിടെ പോകണം... ജന്മഭൂമിയിലെ "ശ്രീരാമമന്ദിരം" ഉയർന്ന ശേഷം...

രഞ്ജിത്ത് ഗോപാലകൃഷ്ണൻ