രത്‌നാകരൻ, കാട്ടിൽ സാധുക്കളെയും വഴിപോക്കരെയും പിടിച്ചുപറിച്ചും, കൊന്നുകളഞ്ഞും ജീവിച്ചു പോന്നു. ഒരിക്കൽ കാട്ടിലൂടെ സഞ്ചരിച്ചിരുന്ന നാരദ മുനിയുടെ മുന്നിൽ രത്‌നാകരൻ ചാടിവീണു, ഉള്ളത് ഒക്കെ എടുക്കാൻ പറഞ്ഞു, കൊടുത്തില്ലെങ്കിൽ തല അടിച്ചു പൊളിക്കും എന്ന് ആക്രോശിച്ചു. പക്ഷെ രാമ ഭക്തനായ മുനിയുടെ പ്രഭയുടെ മുന്നിൽ രത്‌നാകരൻ നിഷ്പ്രഭനായി. മുനി ചൊല്ലികൊടുത്ത രാമ നാമം പോലും ഉച്ചരിക്കാൻ രത്‌നാകരന് ആയില്ല. എന്നാൽ 'മരാ' എന്ന് ചൊല്ലാൻ ഉപദേശിച്ചു നാരദ മുനി യാത്ര തുടർന്നു. മരാ ക്രമേണ രാമ നാമം ആയി മാറി, രത്‌നാകരൻ എന്ന ശൂദ്രൻ തപസ്സ് കൊണ്ട് വാത്മീകി മഹർഷിയായി.
ശേഷം വാത്മീകി മഹർഷി നാരദ മുനിയുടെ തന്നെ ഉപദേശം സ്വീകരിച്ച്‌ രാമായണം എന്ന ലോകത്തിലെ ആദ്യത്തെ മഹാകാവ്യം എഴുതാൻ തുടങ്ങി, രാമന്റെ കഥ നാരദ മുനി വാത്മീകി മഹർഷിക്ക് പറഞ്ഞു കൊടുത്തു. ബാല കാണ്ഡം, അയോദ്ധ്യ കാണ്ഡം, ആരണ്യ കാണ്ഡം, കിഷ്കിന്ധ കാണ്ഡം, സുന്ദര കാണ്ഡം, യുദ്ധ കാണ്ഡം എന്നിങ്ങനെ ആറ് കാണ്ഡമായി ശ്രീരാമ പട്ടാഭിഷേകത്തോടെ വാത്മീകി രാമായണം അവസാനിക്കുന്നു.
"സർവ്വ ലക്ഷണസമ്പന്ന സർവ്വ ധർമ്മ പരായണ
ദശ വർഷ സഹസ്രാണി രാമോ രാജ്യം കാര്യത"
ശ്രീരാമൻ തന്റെ സർവ്വ ലക്ഷണമൊത്ത രാജ്യം ധർമ്മത്തിന്റെ പാതയിൽ പതിനായിരം വർഷം ഭരിച്ചു.
ഇങ്ങനെയാണ് വാത്മീകി തന്റെ രാമായണം അവസാനിപ്പിക്കുന്നത്. ശേഷം ഹിന്ദു ഗ്രന്ഥങ്ങളിൽ ഒക്കെ അവസാനം ചേർക്കുന്ന ഫല ശ്രുതിയാണ്. ഗ്രന്ഥം വായിച്ചവർക്ക് ലഭിക്കുന്ന കാര്യങ്ങൾ ആണ് ഫല ശ്രുതിയിൽ എഴുതാറ്.
എന്നാൽ പിന്നീട് ഉത്തര കാണ്ഡം രാമായണത്തിൽ എഴുതി ചേർത്തു, പ്രക്ഷിപ്തങ്ങൾ എന്നാണ് അങ്ങനെ ചെയ്തവയെ പറയുക. അത് തെളിയിക്കാൻ പല വഴികളും ഉണ്ട്. വ്യാകരണവും, ഉപയോഗിച്ച ശൈലിയുമാണ് എടുത്ത് കാണിക്കുന്നവ. എന്നാൽ രാമായണത്തിന്റെ കാര്യത്തിൽ അത് മാത്രമല്ല ഫല ശ്രുതി തന്നെ ഉത്തര കാണ്ഡത്തിന്റെ മുന്നേ വന്നു. കൂടാതെ മഹാഭാരത്തിലെ വനപർവത്തിൽ രാമ ഉപഖ്യാനത്തിൽ രാമായണ കഥ പറയുന്നതിലും രാമൻ സീതയെ ഉപക്ഷിച്ചതിനെ പറ്റിയോ, ഉത്തര കാണ്ഡത്തെ പറ്റിയോ പരാമർശം ഇല്ല.
അതായത് വാത്മീകി രാമായണത്തിലെ മര്യാദ പുരുഷോത്തമൻ ആയ ശ്രീരാമചന്ദ്രനെ ഒട്ടും മര്യാദ ഇല്ലാത്ത ആളാക്കാൻ നൂറ്റാണ്ടുകളായി ശ്രമം നടന്നിരുന്നു എന്ന് വേണം മനസിലാക്കാൻ. ശംബൂകൻ എന്ന ശൂദ്രനെ തപസ്സ് ചെയ്തതിനു ശ്രീരാമൻ കൊന്നുകളഞ്ഞു എന്നാണ് ഒരു വാദം. രാമനെ തന്നെ തപസ്സ് ചെയ്ത രത്‌നാകരൻ, രാമന്റെ അനുഗ്രഹത്തോടെ വാത്മീകിയായി. കാട്ടാള വംശത്തിലെ ശബരി രാമനെ തപസ്സ് ചെയ്തു കാത്തിരുന്ന ഭക്തയായിരുന്നു. താൻ കടിച്ചു രുചിച്ചു നോക്കിയ പഴങ്ങൾ രാമന് നൽകിയപ്പോൾ രാമൻ തെല്ലും അറപ്പില്ലാതെ അതു മുഴുവൻ കഴിച്ചു. കാട്ടാള സ്ത്രീയും ശൂദ്ര വംശത്തിൽ പെട്ടതായിരുന്നു.
രത്‌നാകരൻ പണ്ട് ചെയ്തിരുന്നത് തന്നെയാണ് കമ്മികൾ ഇന്ന് ചെയ്യുന്നത്. രത്‌നാകരൻ മാറി വാത്മീകി ആവൻ രാമ നാമം തല തിരിച്ചാണ് ചൊല്ലി തുടങ്ങിയത്, അതുകൊണ്ട് നമ്മൾ രാമായണം ഇവർ എങ്ങനെ വക്രീകരിച്ചാലും നിരാശപ്പെടേണ്ടതില്ല. ഈശ്വരനോട് ഉള്ള ശത്രുതയും ഭക്തിയായി കണക്ക് കൂട്ടുന്ന ദൈവങ്ങൾ ആണ് നമ്മുക്ക് ഉള്ളത്.
ആകാശാത്‌ പതിതം തോയം യഥാ ഗച്ഛതി സാഗരേ സര്‍വ്വ ദേവ നമസ്കാരം കേശവ പ്രതി ജായതേ"
ആകാശത്ത് നിന്ന് പതിക്കുന്ന ജലം എപ്രകാരം സമുദ്രത്തില്‍ എത്തി ചേരുന്നുവോ അപ്രകാരം ഏത്‌ ദേവനുള്ള നമസ്കാരവും എന്നിൽ (കേശവന്‍ ) എത്തിചേരുന്നു.
No comments:
Post a Comment