"സോണിയയുടെ ക്ഷേത്ര_ ദർശനവും, നേപ്പാളില്‍ ശത്രുതയും"

𝐒𝐭𝐚𝐭𝐞𝐦𝐞𝐧𝐭𝐬 𝐨𝐟 𝐑𝐀𝐖 𝐒𝐩𝐞𝐜𝐢𝐚𝐥 𝐃𝐢𝐫𝐞𝐜𝐭𝐨𝐫 

ലോകത്തിലെ ഏറ്റവും ശക്തമായ ഹിന്ദുരാഷ്ട്രമായിരുന്നു ഇന്ത്യ എന്ന് പറയാം. കാരണം, ഹൈന്ദവ രാഷ്ട്ര സങ്കൽപം മറ്റു മതങ്ങളുടെ മതരാഷ്ട്രം പോലെയല്ല. നേപ്പാളും ഒരു സമ്പൂർണ്ണ ഹിന്ദുരാഷ്ട്രമായിരുന്നു.എന്നാൽ, നേപ്പാൾ നമുക്കെതിരെ തിരിഞ്ഞിരിക്കുന്നു. വസ്തുനിഷ്ഠമായി പറഞ്ഞാൽ, ചൈനീസ് സർക്കാർ നിയന്ത്രിക്കുന്ന നേപ്പാളിലെ കമ്മ്യൂണിസ്റ്റ് കളിപ്പാവ ഗവൺമെന്റ്.ലോകത്തിലെ ഒരേ ഒരു ഹിന്ദു രാഷ്ട്രമായ നേപ്പാളിന് യഥാർത്ഥത്തിൽ സംഭവിച്ചതെന്താണ്..? എങ്ങനെയാണ് ഗോരഖ്നാഥ സിദ്ധന്റെ വംശജരായ ഗൂർഖകളുടെ മണ്ണും ഭാരതവും തമ്മിൽ ശത്രുതയാരംഭിച്ചത്..?

ഇന്ത്യൻ രഹസ്യാന്വേഷണ സംഘടനയായ റിസർച്ച് അനാലിസിസ് വിംഗ് അഥവാ റോയുടെ സ്പെഷ്യൽ ഡയറക്ടറായിരുന്നു അമർ ഭൂഷൻ.അദ്ദേഹം തന്റെ ഇൻസൈഡ് നേപ്പാൾ എന്ന ഗ്രന്ഥത്തിൽ വിഖ്യാതമായ ചില വെളിപ്പെടുത്തലുകൾ നടത്തുന്നുണ്ട്.ശാന്തമായ ഒരു ഹിന്ദു രാഷ്ട്രമായി നിലനിന്നിരുന്ന നേപ്പാൾ, എപ്രകാരമാണ് ഒരു കമ്മ്യൂണിസ്റ്റ് രാഷ്ട്രമായതെന്ന് ഈ ഗ്രന്ഥം നമ്മളോട് പറയും.

നേപ്പാൾ രാജഭരണം തകർന്നതല്ല, ഇന്ത്യൻ പ്രധാനമന്ത്രി രാജീവ് ഗാന്ധി മുൻകൈയെടുത്ത് തകർത്തതാണെന്ന റോ മേധാവിയുടെ വെളിപ്പെടുത്തൽ ഏവരെയും സ്തബ്ധരാക്കിയിരുന്നു.രാജീവിന്റെ താൽപര്യ പ്രകാരം നേപ്പാളിലെ ഹിന്ദു രാജഭരണം അട്ടിമറിക്കപ്പെട്ടതിന് പിന്നിൽ പ്രവർത്തിച്ചത് റോയുടെ കരങ്ങൾ തന്നെയാണ്.1972 മുതൽ നേപ്പാൾ ഭരിച്ചിരുന്ന ബീരേന്ദ്ര ബീർ ബിക്രം ഷായുടെ ഭരണം അട്ടിമറിക്കാനുള്ള അതീവ രഹസ്യ ദൗത്യം ഇന്ത്യൻ സർക്കാർ ഏൽപ്പിച്ചിരുന്നത് അമർ ഭൂഷണിനെയായിരുന്നു.അതിനു വേണ്ടി നേപ്പാളിൽ പ്രവർത്തിച്ചിരുന്ന ഏജന്റുമാരെ ശക്തിപ്പെടുത്താനും നിയന്ത്രിക്കാനുള്ള ചുമതലയും അദ്ദേഹത്തിനായിരുന്നു.

കഥ തുടങ്ങുന്നത് ഇങ്ങനെയാണ്.ലോകത്തിലെ അവസാന ഹിന്ദു രാഷ്ട്രമായ നേപ്പാളിന്റെ ഹൈന്ദവ രാജാധികാരത്തിൽ ഇന്ത്യൻ പ്രധാനമന്ത്രി രാജീവ് ഗാന്ധി അശേഷം സംതൃപ്തനായിരുന്നില്ല. അതിനു കാരണവുമുണ്ട്. ഒരിക്കൽ, 1984-ൽ, രാജീവ് ഗാന്ധിയും പത്നി സോണിയയും നേപ്പാളിലെ വിദ്യാലയമായ പശുപതിനാഥ ക്ഷേത്രം സന്ദർശിച്ചു. എന്നാൽ ക്രിസ്ത്യാനിയായ സോണിയാഗാന്ധിയെ, ക്ഷേത്രപാലകർ അകത്തു കയറാനനുവദിച്ചില്ല. ഹൈന്ദവ പുരോഹിതന്മാരുടെ ജനസ്വാധീനം അറിയാവുന്ന രാജാവ് പോലും രാജീവ്ഗാന്ധിയുടെ അഭ്യർത്ഥന ചെവിക്കൊണ്ടില്ല. രാജീവ് ഗാന്ധിക്ക് മുഖത്തേറ്റ അടിയായിരുന്നു ഈ തീരുമാനം.സ്വാഭാവികമായും ഇന്ത്യ-നേപ്പാൾ നയതന്ത്രബന്ധത്തിൽ ഇത് വളരെ വലിയ വിള്ളലുണ്ടാക്കി.തിരുവായ്ക്ക് എതിർവാ ഇല്ലാത്ത കാലമാണ് എന്നോർക്കണം.ഏതു സംസ്കാരത്തിനാണോ ഭാരതം ജന്മം കൊടുത്തത്, അതിന്റെ ചിട്ടകളിൽ ഒന്ന് പാലിക്കാനുള്ള ശ്രമത്തിൽ ഭാരതം തന്നെ ആ കുഞ്ഞു രാഷ്ട്രത്തിനെതിരായി.

രാജീവ് ഗാന്ധി എന്നാൽ അപ്പോഴൊന്നും പ്രതികരിച്ചില്ല.കുറച്ചുകാലം കഴിഞ്ഞു, സത്യമോ മിഥ്യയോ എന്നറിയില്ല, നേപ്പാളും ചൈനയും തമ്മിലുള്ള അവിശുദ്ധ കൂട്ടുകെട്ടിനെ കുറിച്ച് സമൂഹത്തിൽ കഥകൾ പരന്നു തുടങ്ങി.തികച്ചും സ്വാഭാവികം! രാജീവ് ഗാന്ധിയുടെ ശ്രദ്ധ, നേപ്പാളിലെ ഹിന്ദു രാജഭരണത്തിലായി.ഹിന്ദുരാഷ്ട്രമായിരുന്ന നേപ്പാളിനെ ജനാധിപത്യത്തിലേക്ക് കൊണ്ടുവരാൻ രാജീവ് കരുക്കൾ നീക്കിത്തുടങ്ങി.രണ്ടു മൂന്നു തവണ അദ്ദേഹം നേരിട്ട് അക്കാര്യം ഉന്നയിക്കുകയും ചെയ്തു.എന്നാൽ, തന്റെ രാജ്യാധികാരം ജനാധിപത്യത്തിനു വിട്ടുകൊടുക്കാൻ തലമുറകളായി രാജ്യം ഭരിച്ചിരുന്ന രാജകുടുംബത്തിലെ അമരക്കാരന് താൽപര്യമുണ്ടായിരുന്നില്ല.

പലതവണയായുള്ള നയതന്ത്ര ചർച്ചകൾ ഫലം കാണാതെ വന്നപ്പോൾ രാജീവ് ഗാന്ധിയുടെ പക സർവ്വ സീമകളും ലംഘിച്ചു.രാജീവ് ഗാന്ധി സർക്കാർ നേപ്പാളിനെതിരെ സാമ്പത്തിക ഉപരോധം പ്രഖ്യാപിച്ചു.ചൈനയും നേപ്പാളുമായി ഇന്ത്യക്ക് ഭീഷണിയാകുന്ന അവിശുദ്ധ ബന്ധമുണ്ടെന്നു ചൂണ്ടിക്കാട്ടിയായിരുന്നു ഉപരോധം.നേപ്പാളിനു നൽകിയിരുന്ന ഭക്ഷ്യോല്പന്നങ്ങളുടെ വിതരണം തടഞ്ഞു.സംയുക്തമായ ഹൈന്ദവ പാരമ്പര്യവും സനാതന സംസ്കാരവും നിമിത്തം ഇന്ത്യയോട് നിർവിശേഷമായ വിധേയത്വമുണ്ടായിരുന്ന നേപ്പാളിന്റെ അഭിമാനം വ്രണപ്പെട്ടു.ചൈനയുടെ സ്വാർത്ഥ താല്പര്യങ്ങൾ അറിയുന്നതിനാൽ അവരെ പടിക്കു പുറത്ത് നിർത്തിയിരുന്ന നേപ്പാൾ മാറി ചിന്തിച്ചു തുടങ്ങി.സമ്മർദ്ദം വർദ്ധിച്ച ബിക്രം ഷാ, ഭക്ഷ്യ ഉത്പന്നങ്ങളുടെ ലഭ്യതയ്ക്ക് ചൈനയുടെ സഹായം തേടി.

വെളുക്കാൻ തേച്ചത് പാണ്ടായി എന്നറിഞ്ഞ് രാജീവ് ഗാന്ധി റോയെ കാര്യങ്ങൾ ഏൽപ്പിച്ചു. ഏതുവിധേനയും നേപ്പാളിലെ ഹിന്ദു സർക്കാരിനെ താഴെയിറക്കാൻ ഉത്തരവിട്ടു.റോയുടെ തലവനായ എ.കെ വർമ്മയെയാണ് രാജീവ് ഗാന്ധി ഇക്കാര്യം ഏൽപ്പിച്ചത്.വർമ്മ തന്റെ ഏറ്റവും മികച്ച ആയുധമായ 'ജീവനാഥൻ' എന്ന അമർ ഭൂഷണെ ഈ ദൗത്യത്തിന് നിയോഗിച്ചു.ദൗത്യം ഏറ്റെടുത്തു ജീവനാഥൻ നേപ്പാളിലേക്ക് തിരിച്ചു.നേപ്പാൾ രാജ ഭരണം അട്ടിമറിക്കാൻ ആദ്യം വേണ്ടത് മാവോയിസ്റ്റ് സംഘടനയെ ശക്തമാക്കുകയാണ് എന്ന് ജീവനാഥൻ മനസ്സിലാക്കി.നിരവധി നാളത്തെ അന്വേഷണത്തിന് ശേഷം, നേപ്പാളിലെ മാവോയിസ്റ്റ് തലവനായ പുഷ്പ കമൽ ദഹലിനെ കണ്ട് ജീവനാഥൻ സഹായം വാഗ്ദാനം ചെയ്തു.എന്നാൽ, കടുത്ത തീവ്രവാദിയായ പുഷ്പ കമൽ, ജീവനെ വിശ്വസിക്കാൻ തയ്യാറായില്ല.അവസാനം, ഗത്യന്തരമില്ലാതെ സ്വന്തം വിവരങ്ങളും ആഗമനോദ്ദേശവും ഇതിന്റെ പുറകിലുള്ള ഇന്ത്യൻ സർക്കാരിന്റെ താൽപര്യവും വിശദമായി ജീവനാഥൻ പുഷ്പനെ ധരിപ്പിച്ചു.പുഷ്പ കമൽ ദഹൽ, നേപ്പാളിലെ മറ്റു രാഷ്ട്രീയ പാർട്ടികളുമായി ധാരണയിലെത്തി രാജകുടുംബത്തിനെതിരെ അതിശക്തമായ ഒരു ബെൽറ്റ് സൃഷ്ടിച്ചു.നേപ്പാളിനകത്തെ ചൈനീസ് കമ്മ്യൂണിസ്റ്റുകളെ, ഇന്ത്യൻ രഹസ്യാന്വേഷണ സംഘടനയുടെ ഏജന്റുമാർ രഹസ്യമായി സഹായിച്ചു തുടങ്ങി.രാജീവ് ഗാന്ധിയുടെ ഭരണവാഴ്ചയിലുടനീളം റോയുടെ പിന്തുണ കമ്മ്യൂണിസ്റ്റുകാർക്ക് ലഭിച്ചിരുന്നു.

1991-ൽ രാജീവ് ഗാന്ധി കൊല്ലപ്പെട്ടെങ്കിലും, അദ്ദേഹം തുടങ്ങി വച്ച പ്രവർത്തനങ്ങളുടെ പ്രത്യാഘാതങ്ങൾ അതിവേഗം മുന്നോട്ടു പോയി.തൊണ്ണൂറുകളിൽ, നേപ്പാളിലെ ആഭ്യന്തരകലാപം അതിശക്തമായി. മാവോയിസ്റ്റുകൾ നിഷേധിക്കാനാവാത്ത ശക്തിയായി വളർന്നു. ഇടതുപക്ഷത്തെയും കമ്യൂണിസത്തെയും പിന്താങ്ങുന്നവരായി സ്വത്വം നഷ്ടപ്പെട്ട നേപ്പാളി യുവതലമുറ മാറി.വഴിതെറ്റിപ്പോയ യുവത്വത്തിന്റെ അതിശക്തമായ ഊർജ്ജം മുഴുവൻ തെറ്റായ പാതയിലൂടെ പ്രവർത്തിച്ചു.2001 ജൂൺ ഒന്നാം തീയതി നേപ്പാൾ രാജകുടുംബത്തിൽ ഉണ്ടായ കൂട്ടക്കൊലയിൽ രാജാവായ ബീരേന്ദ്ര ബീർ ബിക്രം ഷായും, രാജ്ഞിയായ ഐശ്വര്യയുമടക്കം ഒമ്പത് പേർ വധിക്കപ്പെട്ടു.അവശേഷിച്ചവരിൽ, ഗ്യാനേന്ദ്ര ബീർ ബിക്രം ഷാ നിയമാനുസൃത പരമാധികാരി എന്ന നിലയ്ക്ക് രാജാവായി രാജ്യം ഭരിച്ചു.2008-ൽ ലോകത്തിലെ അവസാനത്തെ ഹിന്ദു രാജാവായ അദ്ദേഹം അധികാരമൊഴിഞ്ഞു.25 വർഷത്തെ ഒളിവു ജീവിതത്തിനു ശേഷം 2008 മുതൽ 2009 വരെയുള്ള കാലഘട്ടം "പ്രചണ്ഡ" എന്നറിയപ്പെട്ട പുഷ്പ കമൽ ദഹൽ നേപ്പാൾ ഭരിച്ചു. നേപ്പാളി സൈനിക തലവനായ രുക്മൻഗുഡ് കട്ട്വാളിനെ പുറത്താക്കാൻ നടത്തിയ നീക്കം പിഴച്ചതോടെ പ്രചണ്ഡയ്ക്ക് രാജിവെക്കേണ്ടിവന്നു.2016-ൽ അദ്ദേഹം വീണ്ടും അധികാരത്തിൽ വന്നെങ്കിലും പിറ്റേവർഷം രാജിവെച്ചു.

അമർ ഭൂഷന്റെ പുസ്തകത്തിലുള്ള വെളിപ്പെടുത്തലുകൾ, രാജീവ് ഗാന്ധിയുടെ സ്വാർത്ഥ താത്പര്യങ്ങളെ കുറിച്ചാണ്.പക്ഷേ, രാജീവ് ഗാന്ധി വളമിട്ട് വളർത്തിയ നേപ്പാൾ കമ്മ്യൂണിസം വളർന്നു വളർന്ന് ശാഖകൾ ഇന്ത്യക്ക് മേലെ ചാഞ്ഞു തുടങ്ങിയിരിക്കുന്നു. ഇപ്പോഴത്തെ മേഘാലയ ഗവർണറായ തഥാഗത റോയ് ഇക്കാര്യം തുറന്നടിച്ചു പറഞ്ഞിരുന്നു{ട്വിറ്ററിന്റെ ലിങ്ക് കൂടെ കൊടുക്കുന്നു} കമ്മ്യൂണിസം എന്ന വിഷവൃക്ഷം ആരു നട്ടുവളർത്തിയാലും ആ നാടിനെ കാത്തിരിക്കുന്ന ഗതി നിരവധി ലോകരാഷ്ട്രങ്ങൾ തെളിയിച്ചതാണ്. നേപ്പാളിന്റെ കാര്യത്തിലും അത് സത്യമായി. ചിന്താശേഷിയില്ലാത്ത പൂർവികരുടെ പ്രവർത്തിയുടെ തിക്തഫലങ്ങൾ ഇന്നത്തെ തലമുറയ്ക്ക് അനുഭവിക്കാതെ തരമില്ലല്ലോ..

https://twitter.com/tathagata2/status/1271011393643229184

കമാ' അഥവാ കടപയാദി അക്ഷരമാല

എന്റെ കൂടെ നീ വരുന്നത് കൊള്ളാം .

പക്ഷെ അവിടെ ചെന്ന് '' കമ '' എന്ന് ഒരക്ഷരം മിണ്ടിപ്പോകരുത് .

ഈ വാചകം നമ്മളിൽ പലരും ഇത് കേട്ടിട്ടുണ്ട് / പറഞ്ഞിട്ടുണ്ട് . 

എന്താണ് ഈ '' കമ '' ........ ? 

ഒരക്ഷരം ആണോ ......... ?

അതോ ഒരു വാക്കോ ........... ?

കേരളത്തിൽ പണ്ട് ഉണ്ടായിരുന്ന / ഉപയോഗിച്ചിരുന്ന ഒരു അക്ഷര സംഖ്യാ കോഡ്‌ ആണ് '' കടപയാദി '' അഥവാ '' പരൽപ്പേര് '' അഥവാ '' അക്ഷരസംഖ്യ '' എന്നത് . 

സംഖ്യകൾക്ക് പകരം അക്ഷരങ്ങൾ ഉപയിഗിക്കുന്ന ഒരു ആശയവിനിമയ സമ്പ്രദായമാണിത് . 

മലയാളത്തിലെ അൻപത്തിഒന്ന്  അക്ഷരങ്ങൾക്ക് പകരം പൂജ്യം  മുതൽ ഒൻപതുവരെയുള്ള അക്കങ്ങൾ നൽകി എഴുതുന്ന ഒരു രീതിയാണ് ഇത് . സംഖ്യകളെ  എളുപ്പം ഓർത്തു വയ്ക്കത്തക്ക വിധം വാക്കുകൾ ആയും / കവിതകൾ ആയും മാറ്റി  എഴുതുന്ന ഈ സമ്പ്രദായം പ്രധാനമായും ഗണിതശാസ്ത്രം /  ജ്യോതിശാസ്ത്രം / തച്ചുശാസ്ത്രം /  ആയുർവേദം എന്നീ മേഖലകളിലാണ് ഉപയോഗിച്ചിരുന്നത് . 

യുദ്ധ വേളകളിൽ മാർത്താണ്ഡവർമ്മ /  പാലിയത്തച്ഛൻ എന്നിവർ രഹസ്യ സന്ദേശങ്ങൾ കൈമാറിയിരുന്നത് " കടപയാദി " രേഖകളിൽ ആയിരുന്നു എന്ന്‌ കേട്ടിട്ടുണ്ട് .

താഴെ കാണുന്ന പ്രകാരമാണ് കോഡിങ് നടത്തുന്നത് .

ക1 / ഖ 2 / ഗ 3 / ഘ 4 / ങ 5 .

ച 6 / ഛ 7 / ജ 8 / ഝ 9 /  ഞ 0 .

ട 1 / ഠ 2 / ഡ 3 /  ഢ 4 / ണ 5 .

ത 6 / ഥ 7 / ദ 8 / ധ 9 / ന 0 .

പ1 / ഫ 2 / ബ 3 / ഭ 4 / മ 5 .

യ 1 /  ര 2 / ല 3 / വ 4 / ശ 5 /  ഷ 6 / സ 7 / ഹ 8 / ള 9 ഴ / റ 0 .

സ്വരാക്ഷരങ്ങൾക്ക് എല്ലാം പൂജ്യം  ആണ് മൂല്യം.

കൂട്ടക്ഷരങ്ങളിൽ അവസാനത്തെ അക്ഷരത്തിനു മാത്രം വില . 

( ഉദാഹരണം : '' ക്ത '' എന്നതിൽ '' ത '' ക്ക് മാത്രം വില . )

ചിലക്ഷരങ്ങൾക്ക് വിലയൊന്നുമില്ല.

ഈ കൺവേർഷൻ നടത്തിയതിനു ശേഷം അർത്ഥവത്തായ വാക്കുകൾ ഉണ്ടാക്കി  വലത്തു നിന്നും ഇടത്തേക്ക്‌ വായിക്കുക.

ഇത് പ്രകാരം '' കമ '' എന്നത്  ക1 / മ5 . 

തിരിച്ചു വായിച്ചാൽ 51 . 

മലയാളത്തിലെ 51 അക്ഷരങ്ങളിൽ ഒരക്ഷരം പോലും മിണ്ടരുത് എന്നാണ് കല്പന ....... !!!

ഉദാഹരണങ്ങൾ നോക്കുക .

കമലം : 351 ( ക1 / മ 5 / ല 3 )

ഭാരതം : 624 ( ഭ 4 / ര 2 / ത 6 )

രഹസ്യം : 182 ( ര 2 / ഹ 8 / യ1)

രാജ്യരക്ഷ :  6212 ( ര 2 / യ 1 / ര 2 / ഷ 6 )

ഇഗ്ളീഷ് മാസങ്ങളിലെ ദിവസങ്ങളുടെ എണ്ണം  കൊടുങ്ങല്ലൂർ കുഞ്ഞികുട്ടൻ തമ്പുരാൻ തന്റെ  ശ്ലോകത്തിലൂടെ പറഞ്ഞിരിക്കുന്നത് നോക്കുക .

" പലഹാരേ പാലു നല്ലൂ

പുലർന്നാലോ കലക്കിലാം

ഇല്ല പാലെന്നു ഗോപാലൻ

ആംഗ്ലമാസം ദിനം ക്രമാൽ "

ഇവിടെ  പല 31 / ഹാരേ 28 / പാലു 31 / നല്ലൂ 30

പുലർ 31/  ന്നാലോ 30 /  കല 31/  ക്കിലാം 31

ഇല്ല 30 / പാലെ 31 / ന്നുഗോ 30 / പാലൻ 31

എത്ര രസകരമായ / മനോഹരമായ അവതരണം.

കർണ്ണാടക സംഗീതത്തിലെ എഴുപത്തിരണ്ട്  മേളകർത്താ രാഗങ്ങളുടെ പേരുകൾ കടപയാദിയിൽ ആണെന്ന് നമ്മുക്ക്‌ എത്ര പേർക്കറിയാം ....... ? 

ഉദാഹരണങ്ങൾ .

കനകാംഗി : ക 1 ന 0 = ഒന്നാമത്തെ രാഗം .

ഖരഹരപ്രിയ : ഖ 2 ര 2 = ഇരുപത്തിരണ്ടാമത്തെ രാഗം .

ധീരശങ്കരാഭരണം : ധ 9 ര 2 = ഇരുപത്തിഒന്പതാമത്തെ രാഗം .

ഹരി കാംബോജി :  ഹ 8 ര 2 = ഇരുപത്തിഎട്ടാമത്തെ രാഗം .

കലിവർഷം /  കൊല്ലവർഷം /  ക്രിസ്തുവർഷം എന്നിവയുടെ കൺവേർഷൻ നടത്തുന്നത് കാണുക .

" കൊല്ലത്തിൽ തരളാംഗത്തെ കൂട്ടിയാൽ കലിവത്സരം

കൊല്ലത്തിൽ ശരജം കൂട്ടി ക്രിസ്ത്വബ്ദം കണ്ടുകൊള്ളണം ."

തരളാംഗം :  3926 .

ശരജം : 825 .

കൊല്ലവർഷത്തോട് 3926 കൂട്ടിയാൽ കലിവർഷവും / 825 കൂട്ടിയാൽ ക്രിസ്തു വർഷവും ലഭിക്കും.

വിദ്യാരംഭത്തിൽ കുറിക്കുന്ന '' ഹരിശ്രീ ഗണപതയെ നമ '' എന്ന ശ്ലോകം കടപയാദിയിലേക്ക് മാറ്റിയാൽ മലയാള ഭാഷയിലെ  അക്ഷരങ്ങളുടെ എണ്ണം ലഭിക്കുമെന്ന് കാണാം . ( അമ്പത്തൊന്നക്ഷരാളീ. )

ഹരി 28 / ശ്രീ 2 / ഗ 3 / ണ 5 /  പ1 / ത 6 / യ1 / ന 0 / മ 5 .

28 + 2 + 3 + 5 + 1 + 6 + 1+ 0 + 5 = 51.

മേൽപ്പത്തൂർ നാരായണ ഭട്ടതിരി തന്റെ കൃതിയായ '' നാരായണീയം '' അവസാനിപ്പിക്കുന്നത് '' ആയുരാരോഗ്യ സൗഖ്യം കൃഷ്ണാ '' എന്നു പറഞ്ഞു കൊണ്ടാണ് . ഇതിൽ '' ആയുരാരോഗ്യസൗഖ്യം '' എന്നത് കടപയാദി സംഖ്യ പ്രകാരം 1712210 ആണ്. 

ഈ കലിദിനസംഖ്യക്ക് തുല്യമായ കൊല്ല വർഷദിനം 762 വൃശ്ച്ചികം 28 . 

മേൽപ്പത്തൂർ " നാരായണീയം '' എഴുതി പൂർത്തിയാക്കിയ ദിവസം .

മഹാകവി ഉള്ളൂർ മരിച്ചപ്പോൾ  കൃഷ്ണവാരിയർ എഴുതിയ ശ്ലോകത്തിന് പേര് നൽകിയത് '' ദിവ്യ തവ വിജയം '' എന്നാണ് . 

( ദ 8 / യ1 / ത 6 / വ 4 / വ 4 / ജ 8 / യ 1 )  1844619 എന്ന കലി ദിന സംഖ്യ ക്രിസ്തു വർഷമാക്കിയാൽ 1949 ജൂൺ 15 - ആണ് ലഭിക്കുക . 

ഉള്ളൂരിന്റെ ചരമദിനം .......... !!!!

ഗണിതശാസ്ത്രത്തിലെയും /  ജ്യോതിശാസ്ത്രത്തിലെയും  ചില കണക്കുകൾ നോക്കുക .

1 /  അനന്തപുരി - 21600 = വൃത്തത്തിന്റെ അംഗുലർ ഡിഗ്രി 360 X 60 .

2 /  അനൂനനൂന്നാനനനുന്നനിത്യം (1000000000000000 ) വ്യാസമുള്ള ഒരു വൃത്തത്തിന്റെ പരിധി / ചണ്ഡാം ശുചന്ദ്രാധമകുംഭിപാല ( 31415926536 ) ആയിരിക്കും എന്നു്‌ .  

പൈ യുടെ മൂല്യം പത്തു ദശാംശസ്ഥാനങ്ങൾക്കു ശരിയായി ഇതു നൽകുന്നു.

3 /  ഭൂമിയുടെ അംഗുലർ വെലോസിറ്റി - '' ഗോപാജ്‌ഞയാ ദിനധാമ ''

ഗ 3 / പ1 / ഞ 0 / യ1 / ദ 8 / ന 0  / ധ 9 / മ 5 .

അതായത് 59 മിനിറ്റ് / 08 സെക്കന്റ് / 10 ഡെസി സെക്കന്റ് / 13 മൈക്രോ സെക്കന്റ് .

നമ്മുടെ നാടിന്റെ പൈതൃകമായ അത്ഭുതാവഹമായ ഇത്തരം അറിവുകൾ എത്ര പേർക്കറിയാം ?

പുരുഷസൂക്തം

🇲🇰🕉🇲🇰🌸🇲🇰🕉🇲🇰🕉🇲🇰

       *( ഋഗ്വേദത്തിൽ നിന്ന് )*

*ഈശ്വര ഉപാസനയ്ക്കുള്ള ജപ സമ്പ്രദായങ്ങളിൽ ഒന്നാണ് സൂക്ത ജപം. മന്ത്രജപം, സ്തോത്ര ജപം, നാമ ജപം എന്നിങ്ങനെ ജപ രീതികൾ വിവിധ തരത്തിലുണ്ട്*.

*ഇവിടെ പുരുഷ സൂക്തം എന്ന സൂക്തത്തിൽ ' പുരുഷൻ ' എന്ന വാക്കാണ് പലപ്പോഴും ചിലർക്ക് സംശയത്തിനിട നൽകുന്നത്. പുരുഷൻ എന്നാൽ 'ആൺ' ( Male ) എന്ന അർത്ഥമല്ല ഇവിടെയുള്ളത്. മറിച്ച് പുരുഷന് ഈശ്വരൻ ( Eg :വിരാട് പുരുഷൻ ) എന്ന അർത്ഥതലമാണ് ഇവിടെയുള്ളത്.  വേദത്തിലെ പല വാക്കുകളുടെയും അർത്ഥം ശരിയായി മനസിലാക്കിയില്ലെങ്കിൽ പല തെറ്റിദ്ധാരണകളും ഉണ്ടാവും. അതാണ് നിരുക്തം പഠിക്കാതെ വേദമന്ത്രങ്ങളുടെ / വാക്കുകളുടെ  അർത്ഥത്തെ വ്യാഖ്യാനിച്ചാൽ ഋഷി ഉദ്ദേശിച്ച അർത്ഥമായില്ല പലപ്പോഴും ലഭിക്കുന്നത്*.

*സഹസ്ര ശീർഷ പുരുഷ :*  *സഹസ്രാക്ഷ: സഹസ്രപാദ്*

*ഋഗ്വേദത്തിന്റെ പത്താം മണ്ഡലത്തിലാണ് പുരുഷസൂക്തം. ഇതിനെ അടിസ്ഥാനപ്പെടുത്തിയാണ് ചാതുർവർണ്ണ്യവ്യവസ്ഥ നിലവിൽ വന്നത്. ബ്രാഹ്മണർ, ക്ഷത്രിയർ, വൈശ്യർ, ശൂദ്രർ എന്നതാണ് ചാതുർവർണ്ണ്യവിഭാഗങ്ങൾ. ഇതിൽ ബ്രഹ്മാവിന്റെ (പുരുഷന്റെ) ശിരസ്സ്, കരങ്ങൾ, ഊരുക്കൾ, കാൽപ്പാദം എന്നിവിടങ്ങളിൽ നിന്ന് യഥാക്രമം ബ്രാഹ്മണർ, ക്ഷത്രിയർ, വൈശ്യർ, ശൂദ്രർ എന്നിവർ സൃഷ്ടിക്കപ്പെട്ടു എന്ന് പുരുഷസൂക്തത്തിൽ പറയുന്നു*.

*പുരുഷസൂക്തയന്ത്രം* :

*പുരുഷസൂക്തയന്ത്രം സന്താനങ്ങളേയും, ദീര്‍ഘായുസ്സിനേയും, കീര്‍ത്തിയേയും, സൗന്ദര്യത്തെയും ഉണ്ടാക്കും. സകലവിധ പാപങ്ങളേയും നശിപ്പിക്കും. ധനസമ്പത്ത് വര്‍ദ്ധിപ്പിക്കും. ധര്‍മ്മം, അര്‍ത്ഥം, കാമം, മോക്ഷം എന്നീ പുരുഷാര്‍ത്ഥങ്ങളെ സാധിപ്പിയ്ക്കുകയും ചെയ്യും.  കദളിവാഴയുടെ ഒരു നാക്കില വാട്ടി പശുവിന്‍റെ വെണ്ണ, നെയ്യ് അതില്‍ പരത്തി, ഈ പുരുഷസൂക്തയന്ത്രം അതില്‍ വരച്ച് അത് തൊട്ടുകൊണ്ട് പുരുഷസൂക്തം മൂന്നുരു ജപിച്ച്, കാലത്ത് ആറ് നാഴിക പുലരുന്നതിന് മുമ്പ് മൂന്നുമാസം തികയാത്ത ഗര്‍ഭിണി ആ വെണ്ണനെയ്യ് സേവിക്കണം. എന്നാല്‍ അവള്‍ അതിസമര്‍ത്ഥനും വിഷ്ണുഭഗവാനോട് തുല്യനുമായ പുത്രനെ പ്രസവിയ്ക്കുന്നതാണ്.  വെണ്ണനെയ്യില്‍ ഈ യന്ത്രം വരച്ച് പുരുഷസൂക്തം ജപിച്ച് സേവിച്ചാല്‍ വലിയ വിഷബാധയും, ഗംഭീരങ്ങളായ ആഭിചാരോപദ്രവങ്ങളും, ഭ്രാന്ത്, അപസ്മാരം മുതലായ വലുതായ ചിത്തരോഗങ്ങളും ശമിച്ച് സുഖം കിട്ടുന്നതായിരിക്കും*.

*സർവ്വാദീഷ്ട സിദ്ധിപക്ക് ഉത്തമമായ വേദമന്ത്രമാണ് പുരുഷസൂക്തം. വൈഷ്ണവ ക്ഷേത്രങ്ങളില് വെണ്ണ സമർപ്പിച്ച് പുരുഷസൂക്ത അർച്ചന നടത്തുന്നത് പെട്ടെന്നുള്ള ദുരിത ശാന്തിക്ക് ഉത്തമമാണ്*. *ഐശ്വര്യം, ദൈവാ ദീനം വർദ്ധിക്കൽ, ധനലാഭം*, *വ്യാപാരാഭിവൃദ്ധി എന്നിവയ്ക്കും ഉത്തമമാണ്*.

*ഇഷ്ട സന്താനലബ്ധിക്കായി സ്ത്രീകൾ ദിവസം* *പുരുഷസൂക്ത ജപം നടത്തിയ വെണ്ണ അല്ലെങ്കിൽ പാല് പഴം ഇവ സേവിച്ചാൽ അതീവ ബുദ്ധിയും ദൈവാ ദീനം ഉള്ളതുമായിരിക്കും*. *പുരുഷസൂക്തം ചൊല്ലി ഭഗവാന് അഭിഷേകം നടത്തിയാല് വേഗം രോഗ ശാന്തി കൈവരും*. 

*സഹസ്രശീർഷാപുരുഷഃ-* 

*സഹസ്രാക്ഷാഃ സഹസ്രപാദ്,സഭൂമിം* *വിശ്വതോവൃത്വാ*

*ത്യതിഷ്ഠദ്ദശാംഗുലം.*

*നല്ല ജോലിലഭിക്കാനുള്ള ഈ മന്ത്രം ഋഗ്വേദത്തില് ഉള്ളതാണ്. രാവിലെയും വൈകുന്നേരവും ഈ മന്ത്രം അര്ത്ഥമറിഞ്ഞു കുറഞ്ഞത് 21 തവണയെങ്കിലും കുറഞ്ഞ ശബ്ദത്തില് ജപിക്കണം. ജപിക്കുന്ന സമയത്ത് വെള്ളവസ്ത്ര മുടുത്താല് വളരെ നന്ന്*

*ഓം ത്വം നോ ആഗ്നേ സനയേ ധനാനാം*

*യശസം കാരും കൃണൂഹി സ്തവാന:*

*ഋധ്യാമ കര്മാുപസാ നവേന*

*ദേവൈര്ദ്യാരവാപൃഥിവീ പ്രാവതം ന:*

*ഈശ്വരാ ഞങ്ങളെ സകല ഐശ്വര്യങ്ങളും ലഭിക്കുന്ന ജോലിക്കുടമകളാക്കിയാലും. ആ ജോലിയിലൂടെ എനിക്ക് കീര്ത്തി യും യശസ്സും ഐശ്വര്യവും ഉണ്ടാകട്ടെ. പുതുയ ഉദ്യോഗംകൊണ്ടു ഞാന് സമൃദ്ധനാകട്ടെ. എന്റെ ഈ പുതിയ ജോലിയെ ഈശ്വരന് രക്ഷിക്കട്ടെ*

*വൈദിക സാഹിത്യത്തിലെ ഏറ്റവു പ്രധാനപ്പെട്ട ഒരു സൂക്തമാണ് പുരുഷസൂക്തം. വിരാട്പുരുഷ വർണ്ണനയാണ് ഇതിലെ പ്രതിപാദ്യം.. പിന്നീട് മഹാവിഷ്ണു വിലേക്ക് വിരാട് പുരുഷനെ ഐക്യപ്പെടുത്തി എങ്കിലും വൈകിക വിരാട് പുരുഷസങ്കല്പം വെത്യസ്തമാണ്. തിരുവല്ല ശ്രീവല്ലഭൻ വിരാട് പുരുഷൻ ആണെന്നു പറയപ്പെടുന്നു. അവിടുത്തെ വൈദികസമ്പ്രദായത്തിലുള്ള പൂജ അതിനു തെളിവാണെന്ന് ചൂണ്ടിക്കാട്ടപ്പെടുന്നു*.

*കടപ്പാട്-*

 *ഓം നമശിവായ ഗ്രൂപ്പ്*

🌳🌈🌸🌳🌈🌸🌳🌈🌸

നെഹ്‌റു കറ കളഞ്ഞ ഒരു രാജ്യദ്രോഹി

1951ൽ നേപ്പാൾ രാജാവ് ത്രിഭുവൻ വീർ വിക്രം ഷാ  നെഹ്‌റുവിനോട് അപേക്ഷിച്ചു നേപ്പാളിനെ ഭാരതത്തിൽ ലയിപ്പിയ്ക്കാൻ,,, എന്നാൽ നെഹ്റു തള്ളിക്കളഞ്ഞു,ബലൂചിസ്ഥാൻ ഭരണാധികാരി നവാബ് ഖാൻ ഒരു മാനദണ്ഡവും കൂടാതെ ഭാരതത്തിൽ ലയിയ്ക്കാൻ തയ്യാറായി വന്നു നെഹ്റു അതും വേണ്ടായെന്ന് പറഞ്ഞു, പിന്നെ പാകിസ്ഥാൻ തോക്കിൻമുനയിൽ ബലൂച് പിടിച്ചടക്കി. 1947ൽ ഒമാൻ ഗദ്ദാർ തുറമുഖം ഭാരതത്തിന് നൽകാൻ തയ്യാറായി  നെഹ്റു അതും വേണ്ടായെന്ന് പറഞ്ഞു, പിന്നീട് പാകിസ്ഥാൻ ഏറ്റെടുത്തു ചൈനയ്ക്ക്  കൈമാറി ഇപ്പോൾ ചൈന നമുക്ക് അവിടെ നിന്നും പണി തരാൻ നോക്കുന്നു. 1948ൽ അമേരിക്കൻ പ്രസിഡന്റ് നെഹ്റുവിനോട് 

പറഞ്ഞു നിങ്ങൾ ആണവരാജ്യമാകൂ,  ആണവ റിയാക്ടർ സ്ഥാപിക്കൂ, നിങ്ങൾക്ക് UN ൽ സ്ഥിരാഗത്വം നൽകാം നെഹ്റു പറഞ്ഞു ഞങ്ങൾ ചേരിചേരാനയക്കാരാണ് വേണ്ടായെന്ന് പിന്നീടത് ചൈനയ്ക്ക് കിട്ടി.

 1950ൽ കോകോ ഐലൻഡ് ബർമ്മയ്ക്ക് നെഹ്റു ദാനം ചെയ്തു ബർമ്മ പിന്നീട് അത് ചൈനയ്ക്ക് വിറ്റു. ഇപ്പോൾ ചൈനയുടെ സൈനിക താവളമാണ് അവിടെ. 1952ൽ നെഹ്റു 223270 സ്ക്വയർ കിലോമീറ്റർ സ്ഥലം അച്ഛന്റെ സ്വന്തം സ്ഥലം പോലെ ബർമ്മയ്ക്ക് വീണ്ടും ദാനം ചെയ്തു അതാണ് ഇന്നത്തെ ചൈനയുടെ ടൂറിസം കേന്ദ്രമായ കാവ വോലി  ഇപ്പോൾ ചൈന അവിടെ നിന്നും നമ്മളെനോക്കി കണ്ണുരുട്ടുന്നു.1962ൽ ഭാരത-ചൈന യുദ്ധത്തിൽ നിരുപാധികം കീഴടങ്ങി 18000 സ്ക്വയർ കിലോമീറ്റർ സ്ഥലം ചൈനയ്ക്ക് വിട്ടുകൊടുത്തു അതാണ് ഇന്നത്തെ അക്‌സായി ചിൻ.ആ യുദ്ധത്തിൽ ഭാരതത്തിന്റെ3000 സൈനികരാണ് വീരമൃത്യു വരിച്ചത്.

സാളഗ്രാമങ്ങളുടെ പേരുകളും അവയുടെ ലക്ഷണങ്ങളും

സാളഗ്രാമങ്ങൾ പത്തൊൻപത് തരത്തിൽ ഉണ്ടെന്ന് പുരാണം പറയുന്നു. 

1.ലക്ഷ്മീനാരായണ

*******************

ഒരു ദ്വാരവും നാല് ചക്രങ്ങളും വനമാലയും(വനമാല പോലെ ഒരു രേഖ)കാർമേഘംപോലെ നിറത്തോടും കൂടിയത്. 

2.ലക്ഷ്മീജനാർദ്ദനം

*********************

ഇത് ലക്ഷ്മീനാരായണം പോലെ തന്നെ.എന്നാൽ വനമാല ഉണ്ടായിരിക്കയില്ല. 

3.രഘുനാഥം  

**************

രണ്ടു ദ്വാരവും നാല് ചക്രങ്ങളും പശുക്കിടാവിന്റെ കുളമ്പടി പോലെയുള്ള അടയാളവും ഉള്ളത് ; ഇതിനും വനമാല ഉണ്ടായിരിക്കയില്ല. 

4.വാമനം 

**********

വളരെ ചെറുതായി രണ്ട് ചക്രങ്ങളോടും കാർമേഘനിറത്തോടും കൂടിയിരിക്കുന്നത്. ഇതിനും വനമാല ഉണ്ടായിരിക്കില്ല. 

5.ശ്രീധരം 

**********

വാമനത്തെപ്പോലെയിരിക്കുന്നതും എന്നാൽ വനമാലയോടുകൂടിയതുമായ ലിംഗം. ഇതിരിക്കുന്ന ഗൃഹത്തിൽ സദാ ശ്രീ ഉണ്ടായിരിക്കുന്നതാണ്. 

6.ദാമോദരം

*************

വലുതായും ഉരുണ്ടും വനമാല ഇല്ലാതെയും രണ്ട് ചക്രത്തോടുകൂടിയും ഇരിക്കുന്നത്. 

7.രണരാമം 

************

അധികം വലുതാകാതെയും നന്നേ ചെറുതാകാതെയും മധ്യമവലുപ്പത്തിൽ ഉരുണ്ട് രണ്ട് ചക്രങ്ങളോടും, ബാണപ്രഹാരചിഹ്നത്തോടും അമ്പ്, ആവനാഴി ഇവയുടെ ചിഹ്നത്തോടുകൂടിയും ഇരിക്കുന്നത്. 

8.രാജരാജേശ്വരം 

******************

രണരാമവലുപ്പത്തിൽ ഏഴ് ചക്രങ്ങളോട് കൂടിയും ഛത്രഭൂഷണഭൂഷിതമായും ഇരിക്കുന്നത്. ഇത് മനുഷ്യർക്ക് രാജസമ്പൽപ്രദമാകുന്നു. 

9.അനന്തം

************

 സാമാന്യം സ്ഥൂലിച്ച് പതിനാല് ചക്രങ്ങളോടുകൂടി കാർമേഘത്തെപ്പോലെ കറുത്തിരിക്കുന്നത്; ഈ സാളഗ്രാമം മനുഷ്യർക്ക് ധർമ്മാർത്ഥകാമമോക്ഷങ്ങളാകുന്ന നാല് പുരുഷാർത്ഥങ്ങളെയും കൊടുക്കുന്നതാണ്. 

10.മധുസൂദനം

*****************

 ചക്രാകാരമായും രണ്ട് ചക്രങ്ങളോടുകൂടിയും  ഗോഷ്‌പദചിഹ്നത്തോടുചേർന്നും കാർമേഘനിറം കലർന്നും സാമാന്യം വലുപ്പത്തോടുകൂടിയും ഇരിക്കുന്ന സാളഗ്രാമം. ഇത് നല്ലശോഭയുള്ളതായിരിക്കും. 

11.സുദർശനം 

****************

സുദർശനത്തിന് ഒറ്റ ചക്രം മാത്രമേ ഉണ്ടായിരിക്കുകയുള്ളൂ. 

12.ഗദാധരം

*************

ഇതിനും ഒരു ചക്രമേ ഉടായിരിക്കയുള്ളൂ. അതുതന്നെ നല്ലപോലെ പ്രകാശിക്കാത്തതുമായിരിക്കും. 

13.ഹയഗ്രീവം 

***************

ഇതിന് രണ്ട് ചക്രങ്ങളും അശ്വമുഖാകൃതിയും ഉണ്ടായിരിക്കുന്നതാണ്. 

14.നരസിംഹം 

****************

വളരെ വിസ്താരമായ വായും രണ്ട് ചക്രങ്ങളും ഭയങ്കരമായ ആകൃതിയും ഉള്ള നരസിംഹസാളഗ്രാമം ഉടനടിയായിത്തന്നെ വൈരാഗ്യത്തെ കൊടുക്കുന്നതാകുന്നു. 

15.ലക്ഷ്മീനരസിംഹം 

***********************

ഇതിനും വിസ്താരമായ വായും രണ്ട് ചക്രങ്ങളും ഉണ്ടായിരിക്കും. അവയ്ക്കുപുറമെ വനമാലയും കൂടെ കാണാം. ഈ സാളഗ്രാമം ഗൃഹസ്ഥന്മാർക്ക് സുഖത്തെ പ്രദാനം ചെയ്യുന്നു. 

16.വാസുദേവം 

****************

ദ്വാരദേശത്തിങ്കൽ രണ്ട് ചക്രങ്ങളും ഉരുണ്ട ആകൃതിയും സ്ഫുടതയും പ്രകാശവുമുള്ള സാളഗ്രാമത്തിനു പേര് വാസുദേവം. ഇത് സർവ്വാഭിഷ്ടങ്ങളും പ്രദാനം ചെയ്യുന്നു. 

17.പ്രദ്യുമ്നം 

**************

ഇതിന് സൂഷ്മമായ ഒരു ചക്രം മാത്രമേ ഉണ്ടായിരിക്കുകയുള്ളൂ. നിറം കാർമേഘംപോലെയും ആണ്. എന്നാൽ പുറമേകാണപ്പെടുന്ന ഒരു സുഷിരത്തിനകത്ത് അനേകച്ഛിദ്രങ്ങൾ ഉണ്ടായിരിക്കുന്നതാണ്. ഇത് ഗൃഹസ്ഥന്മാർക്ക് സദാ സുഖം പ്രദാനം ചെയ്യുന്നു. 

18.സങ്കർഷണം 

*****************

സങ്കർഷണലിംഗത്തിന് രണ്ട് ചക്രങ്ങളുടെ മുഖങ്ങൾ പരസ്പരം ചേർന്നിരിക്കുന്നത് കാണാം. പിൻഭാഗം മുൻഭാഗത്തേക്കാൾ കനമുള്ളതായിരിക്കുകയും ചെയ്യും. ഇതും ഗൃഹസ്ഥന്മാർക്ക് സദാ സുഖം പ്രദാനം ചെയ്യുന്നു. 

19.അനിരുദ്ധം 

****************

ഇതിന്റെ വർണ്ണം പീതമാണ്. നല്ലപോലെ ഉരുണ്ടും അതിയായ ശോഭയോടുകൂടിയും ഇരിക്കുന്നതാണ്. ഇതും ഗൃഹസ്ഥന്മാർക്ക് സദാ സുഖം പ്രദാനം ചെയ്യുന്നു.

അതിജീവനം, കേരളാമോഡൽ

നമ്മൾ അതിജീവിക്കും, ഇത് കേരളമാണ്, ഇവിടെ ഒരു മുഖ്യമന്ത്രി ഉണ്ട്, അതിലും വലിയ ഒരു ആരോഗ്യ മന്ത്രി ഉണ്ട്.. ഇജ്ജാതി തള്ളുകളൊക്കെ  വരുന്നതിന് മുൻപിലത്തെ ചില കാര്യങ്ങളാണ്; 

1. വർഷം 2001: -  കേരളത്തിൽ ആന്ത്രാക്സ് പടർന്നു പിടിച്ചു. അന്ന് കേരള മുഖ്യമന്ത്രി എകെ ആന്റണി ആണ്. അടുത്തയിടെ അന്തരിച്ച പി ശങ്കരൻ ആണ് ആരോഗ്യ മന്ത്രി.  മനുഷ്യരും, വളർത്തു മൃഗങ്ങളും അടക്കം നിരവധി മരണം. കേരളത്തിൽ മാത്രം നൂറിലേറെ മനുഷ്യർക്ക് ജീവൻ നഷ്ടമായി. രാജ്യം അതിനെ നേരിട്ടു, വിജയകരമായി അതിജീവിച്ചു. ഒപ്പം കേരളവും. അന്നൊന്നും ആരും ദിവസം മൂന്ന് നേരം പത്ര സമ്മേളനം നടത്തിയില്ല രാഷ്ട്രിയം പറയണ്ട എന്ന് പറഞ്ഞില്ല.  പ്രതിപക്ഷത്തെ പരിഹസിച്ചതുമില്ല.

2. 2005ലാണ് ആദ്യമായി പക്ഷിപ്പനി പടർന്നു പിടിക്കുന്നത്. അന്ന്, മുഖ്യമന്ത്രി ഉമ്മൻചാണ്ടിയാണ്. ആരോഗ്യമന്ത്രി കെ കെ രാമചന്ദ്രൻ മാസ്റ്റർ. അന്നും കേരളം ആ മഹാമാരിയെ നേരിട്ടു, അതിജീവിച്ചു. ആരാണ് ആരോഗ്യ മന്ത്രി എന്ന് പോലും ആരും തിരക്കിയില്ല. 

3. 2009 ൽ പന്നിപ്പനി വന്നു. മറ്റൊരു മഹാവിപത്ത്. മഴക്കാലത്ത് കേരളം വിറങ്ങലിച്ചു നിൽക്കവെ നൂറ് കണക്കിന് ആളുകളെ ആ മഹാവ്യാധി കൊന്നു. 

അന്നത്തെ മുഖ്യമന്ത്രി വി എസ്സും, 

ആരോഗ്യമന്ത്രി നമ്മുടെ എപ്പിഡമി ടീച്ചർ,  പി കെ ശ്രിമതിയുമായിരുന്നു. ആ മഹാവ്യാധിയേയും, കേരളം ഒറ്റക്കെട്ടായി നിന്ന് അതിജീവിച്ചു. അന്നത്തെ 

ആരോഗ്യ മന്ത്രി, ശ്രീമതി ആയിട്ട് പോലും അവരൊന്നും തള്ളി മറിച്ചിട്ടില്ല. 

4. 2014-ൽ, ആഫ്രിക്കൻ എബോള എന്ന മഹാരോഗം കേരളത്തിലും വന്നു. അന്ന് വീണ്ടും ഉമ്മൻ ചാണ്ടി ആണ് മുഖ്യമന്ത്രി. അടുത്തയിടെ അനധികൃത സമ്പാദ്യവുമായി കേസിൽ കുടുങ്ങിയ വിഎസ് ശിവ കുമാർ ആണ് ആരോഗ്യ വകുപ്പ് മന്ത്രി.. അങ്ങേരും ഈ 'തള്ളി മറിക്കൽ' അവസരം കണ്ടെത്തിയില്ല. 

5. ഇവരുടെ കാലത്ത് തന്നെ 2016-ൽ സിക്ക വൈറസ് വന്നു. വളരെ ഗുരുതരമായിരുന്നു, സ്ഥിതി. അന്ന് സംസ്ഥാനത്തെ അഞ്ചു തുറമുഖങ്ങളിലും എല്ലാ രാജ്യാന്തര വിമാനത്താവളത്തിലും നിരീക്ഷണം ശക്തമാക്കി. സിക്ക വൈറസ് സ്ഥിരീകരിച്ച രാജ്യങ്ങളില്‍ നിന്നും എത്തിയ ആളുകളെ രണ്ടാഴ്ച കാലത്തോളം quarantine ചെയ്ത് നിരീക്ഷിക്കാനുള്ള സംവിധാനം  സർക്കാർ ആരോഗ്യ വകുപ്പ് നടത്തി .. ഇതൊക്കെ ആരെങ്കിലും അറിഞ്ഞോ..?. എവിടെ?!!..

ഇതു പോലെ എല്ലാ ദുരന്തങ്ങളേയും നമ്മൾ അതിജീവിച്ചു. ഒരു വിധ പബ്ലിസിറ്റി സ്റ്റൻഡും ഉണ്ടായിരുന്നില്ല. ശിവകുമാർ ഇപ്പോൾ ഒരുപക്ഷേ ദുഖിക്കുന്നുണ്ടാവണം. ആൾ ദൈവമാകാൻ രണ്ട് അവസരം കിട്ടിയപ്പോഴും അതുപയോഗിക്കാതെ അഴിമതി നടത്തി കാശ് മാത്രം ഉണ്ടാക്കിയതിൽ പുള്ളി ഇന്ന് ദുഃഖിക്കുന്നുണ്ടാവും, ഉറപ്പു..!!

6. ഈ മുകളിൽ പറഞ്ഞ മഹാമാരികളും, വ്യാധികളുമൊക്കെ മുൻ സർക്കാരുകളുടെ  കാലങ്ങളിൽ ആയിരുന്നു എങ്കിൽ 2017-ലെ മൺസൂൺ കാലം പേരറിയാത്ത ഒരു പനിയുടെ കാലമായിരുന്നു. 700-ലേറെ ആളുകളാണ് അന്ന് കേരളത്തിൽ മാത്രം മരണമടഞ്ഞത്. അന്ന് ഈ പനിമരണങ്ങൾ കണ്ടു പേടിച്ച് എന്നെ പോലെ പല പ്രവാസികളും, നാട്ടിലേക്കുള്ള അവധി യാത്ര വരെ  ക്യാൻസൽ ചെയ്തു. അന്നും മുഖ്യമന്ത്രി പിണറായി വിജയനും, ആരോഗ്യ മന്ത്രി ശ്രീമതി കെ.കെ. ശൈലജയുമാണ്. പക്ഷേ അന്ന് ഇന്നത്തെയത്ര പരസ്യമോ, ജാഡകളോ ഇല്ലായിരുന്നു. ഭരണത്തിൽ കയറി ഒന്നിരുന്നതല്ലേ ഉണ്ടായിരുന്നുള്ളൂ. അതാകും. ഏതായാലും ആ പ്രശ്നവും കേരളം അതിജീവിച്ചു. 

7. പിന്നെ 2018-ലാണ് ഇവർ കേരളത്തിന് പ്രളയത്തെ സമ്മാനിച്ചത്. അവസാന നിമിഷം വരെ ഒന്നും പേടിക്കേണ്ടാന്നാണ്  പറഞ്ഞത്. ഒടുവിൽ, ഡാം പൊട്ടാറായപ്പോൾ പാതിരാത്രിയിൽ എല്ലാ ഡാമുകളും കൂടി ഒന്നിച്ചു തുറന്നു വിട്ടിട്ട്, ഓടിക്കോ'ന്ന് പറഞ്ഞു ഫേസ്ബുക് പോസ്റ്റ് ഇട്ടിട്ട് മന്ത്രി ആശാൻ മുങ്ങി... 

പക്ഷേ, ചെയ്ത മഹാപാതകങ്ങളെ ഗീബ്ലസിനെ കവച്ചു വയ്ക്കുന്ന PR  തന്ത്രങ്ങളിലൂടെ അവർ മറികടക്കുന്ന കാഴ്ചയാണ് പിന്നീട് കേരളം കണ്ടത്. മോഷണം ബോണസ്സുമായി.

 "സർക്കാർ ഒപ്പമുണ്ടെന്ന" ആ വലിയ പരസ്യം ഓർമ്മയില്ലേ..??!!! അന്ന് തുടങ്ങിയ "തള്ള'ലുകളാണ് ഇപ്പോഴും തുടരുന്നത്. 

'പ്രളയവും, ശേഷം, നിപ്പയും ഇപ്പോൾ കൊറോണയും' ... ഭാവിയിൽ പി.ആർ പഠിപ്പിക്കുന്ന institutes നായി, കേരളത്തിന്റെ   മാതൃക വച്ച്, നമ്മൾ ലോകത്തിന് പുതിയ സിലബസ് തന്നെ സമ്മാനിക്കണം..!

അതിലേക്കുള്ള ചേരുവകൾ ചുവടെ; 

1. 'കേൾക്കാൻ ഇമ്പമാർന്ന രണ്ടോ, മൂന്നോ സ്ലോഗനുകൾ;, 

"സർക്കാർ ഒപ്പമുണ്ട്",

 "നമ്മൾ അതിജീവിക്കും"

"ദുരന്ത സമയത്ത് രാഷ്ട്രീയം പറയരുത്"

- ഇതു പോലെ; 

2. ഇവ പ്രചരിപ്പിക്കാൻ കുറഞ്ഞത് അര ഡസൻ ചാനലുകളും, കാൽ ഡസൻ പത്രങ്ങളും.., ആവശ്യത്തിന് ചാനൽ-പത്ര തൊഴിലാളികളും, ചർച്ചാ തൊഴിലാളികളും.. കൂടാതെ ഫേസ്ബുക് തള്ളി മറിച്ചിടുന്ന  ഒന്നോ, രണ്ടോ അന്താരാഷ്ട്ര ദുരന്ത വിദഗ്ധ അന്തങ്ങളേയും കൂടെ കൂട്ടാം. 

എല്ലാ വർഷവും ദുരന്തങ്ങൾ വരും എന്നത് കൊണ്ട്, എകെജി സെന്ററിൽ നിന്ന് ചെയ്യും പോലെ, ഒരു കൺട്രോൾ റൂമിൽ നിന്നും സ്ഥിരം പേ റോളിലുള്ള മാദ്ധ്യമ പ്രവർത്തകരുടെ ഒരു പാനൽ തന്നെ  ഉണ്ടാക്കുക. 

3. ബന്ധപ്പെട്ട വകുപ്പ് മന്ത്രി അല്ലെങ്കിൽ മുഖ്യമന്ത്രി വക ആവശ്യത്തിൽ കൂടുതൽ  പത്രസമ്മേളനങ്ങൾ... ദിവസം കുറഞ്ഞത് മൂന്ന് നേരം. അതിനിടയിൽ മൂത്രമൊഴിച്ചില്ല, ആഹാരം കഴിച്ചില്ല തുടങ്ങിയ ഡയലോഗുകൾ  ആവശ്യം അനുസരിച്ച് ചേർക്കുക. ദുരന്ത സമയത്ത് രാഷ്ട്രീയം പറയരുതെന്ന് ഇടയ്ക്കിടെ ഓർമ്മിപ്പിക്കുക..

3. സോഷ്യൽ മീഡിയ വഴി നല്ല attractive ആയ പോസ്റ്റർ ഇറക്കാൻ പറ്റിയ അര ഡസൻ ഗ്രാഫിക്ക് ഡിസൈനറന്മാരെ കൺട്രോൾ റൂമിൽ സ്ഥിരമായോ, കരാറടിസ്ഥാനത്തിലോ നിയമിക്കുക.

ഓൺലൈൻ പത്രങ്ങളിൽ മുതൽ സകല മാദ്ധ്യമങ്ങളിലും, സാഹചര്യത്തിനൊത്ത അപദാനങ്ങൾ, സ്നേഹമസൃണമായ വിശേഷണങ്ങൾ എല്ലാം ചേർത്ത്, നേതാവിനെ അഥവാ മന്ത്രിയെ, പരമാവധി  വൈറലാക്കാൻ, സോഷ്യൽ മീഡിയയിലെ അന്തങ്ങളോട് നിർദ്ദേശിക്കുക.. 

അല്ലാതെ, ഇത് പോലെ ഏത് ദുരന്തം ഉണ്ടായാലും, പ്രത്യേകിച്ചും ആരോഗ്യ മേഖലയിൽ, എന്ത് ദുരന്തം വന്നാലും അതിന്റെ ക്രഡിറ്റ് ബന്ധപ്പെട്ട മേഖലയിലെ കഷ്ടപ്പാടുകൾ സഹിക്കുന്ന വിദഗ്ധർക്ക് പോവരുത്., പകരം, ഇത് പോലെ "ടീച്ചർമ്മ"യെ സൃഷ്ടിച്ച് അവർക്ക് നൽകുക. ഇതാണ് പരമ പ്രധാനമായ പാഠം..!!!

രഞ്ജിത്ത് ഗോപാലകൃഷ്ണൻ

പ്രധാനമന്ത്രി ശ്രീ. നരേന്ദ്രമോദി ഭാരതത്തിലെ ജനങ്ങൾക്കായി ചെയ്തതെന്ന്?..

(അദ്ദേഹം നടപ്പിലാക്കിയ ഏതാനും കാര്യങ്ങളാണ് ചുവടെ ചേർത്തിരിക്കുന്നത്. എല്ലാം ഇതിലുൾപ്പെടുത്താൻ സാധിച്ചിട്ടില്ല)

ഇതിൽ പല പദ്ധതികളും പേര് മാറ്റി കേരളത്തിൽ നടപ്പിലാക്കുന്നുണ്ട് 

1. വ്യവസായസംരംഭം തുടങ്ങാൻ ഈടില്ലാത്ത വായ്പയുമായി *മുദ്ര ബാങ്ക് യോജന*

2. ഇന്ത്യയെ ആഗോളവ്യവസായിക ഉൽപാദനകേന്ദ്രമാക്കാൻ *മേക്ക് ഇൻ ഇന്ത്യ പദ്ധതി*

3. *ജൻധൻ യോജനയിലൂടെ* എല്ലാവർക്കും ബാങ്ക് അക്കൗണ്ട്, ഇൻഷുറൻസ് പരിരക്ഷ.

4. ശുചിത്വമുള്ള രാഷ്ട്രം സൃഷ്ടിക്കാൻ *സ്വച്ഛ് ഭാരത് അഭിയാൻ*

5. എല്ലാ സംസ്ഥാനങ്ങൾക്കും ഇടംനൽകി *നീതി ആയോഗ്* സംവിധാനം

6. യുവജനങ്ങളുടെ തൊഴിൽ വൈദഗ്ധ്യത്തിന് *സ്കിൽ ഇന്ത്യ പദ്ധതി*

7. ഏഴു രോഗങ്ങളുടെ നിവാരണം ലക്ഷ്യമിട്ട് *മിഷൻ ഇന്ദ്രധനുഷ്*

8. 2022 ൽ എല്ലാവർക്കും *പാർപ്പിടം പദ്ധതിയിലൂടെ* 20000000 വീടുകളുടെ നിർമാണം.

9. രാജ്യത്ത് 500 മാതൃകാ നഗരങ്ങളുടെ നിർമാണം ലക്ഷ്യമിട്ട് *അമൃത് പദ്ധതി*

10. കർഷകർക്ക് കുറഞ്ഞ പ്രീമിയത്തോടെ *പ്രധാനമന്ത്രി വിള ഇൻഷുറൻസ് പദ്ധതി*

11. തുറമുഖങ്ങൾ അന്താരാഷ്ട്ര നിലവാരത്തിലെത്തിക്കാൻ *സാഗർമാത പദ്ധതി*

12. *സ്മാർട്ട് സിറ്റീസ് മിഷനിലൂടെ* 100 ആധുനിക സ്മാർട്ട് സിറ്റികൾ

13. *ഡിജിറ്റൽ ഇന്ത്യ* പദ്ധതിയിലൂടെ രാജ്യമാകെ നെറ്റ് കണക്ടിവിക്ടിയിലേക്ക്

14. ലേലത്തിലൂടെ മാതൃകാപരമായ കൽക്കരി, ടെലികോം സ്പെക്ട്രം വിതരണം

15. കള്ളപ്പണം തിരിച്ചുപിടിക്കാൻ സ്പെഷൽ ഇൻവെസ്റ്റിഗേഷൻ ടീം രൂപീകരണം

16. കള്ളപ്പണ ഇടപാടുകൾ തടയാൻ കർശന ബ്ലാക്ക് മണി നിയമം പാസാക്കി

17. നീണ്ട കാത്തിരിപ്പിനൊടുവിൽ സൈനികർക്ക് *വൺ റാങ്ക്, വൺ പെൻഷൻ പദ്ധതി*

18. അഭ്യസ്തവിദ്യരായ യുവാക്കൾക്ക് സ്വയം തൊഴിൽ കണ്ടെത്താൻ *സേതു യോജന*

19. യാത്രാസൗകര്യം വർധിപ്പിക്കാൻ ട്രെയിൻ ആധുനികവൽക്കരണത്തിന് തുടക്കമായി

20. ഇന്ത്യയിലേക്ക് വിദേശനിക്ഷേപം ആകർഷിക്കുന്നതിൽ വൻ മുന്നേറ്റം

21. പുത്തൻ വ്യവസായ സംരംഭം തുടങ്ങാൻ സഹായവുമായി *സ്റ്റാർട്ട് അപ് ഇന്ത്യ പദ്ധതി*

22. യുവാക്കൾക്ക് നൈപുണ്യപരിശീലനം നൽകാൻ *കൗശൽ വികാസ് യോജന*

23. റയിൽവേയുടെ അടിസ്ഥാന സൗകര്യവികസനത്തിന് വമ്പൻ പദ്ധതികൾക്ക് തുടക്കം.

24. യുവാക്കൾക്ക് തൊഴിൽ ലഭ്യമാക്കാൻ *ദീൻദയാൽ ഗ്രാമീൺ കൗശല്യ യോജന*

25. *ലൈഫ് പദ്ധതിയിലൂടെ* തൊഴിലുറപ്പ് പദ്ധതിയംഗങ്ങൾക്ക് നൈപുണ്യവികസനം

26.അടിസ്ഥാന സൗകര്യ വികസനത്തിൽ വൻകുതിപ്പിന് *സേതുഭാരതം പദ്ധതി*

27. *അടൽ പെൻഷൻ യോജനയിലൂടെ* സാധാരണ തൊഴിലാളികൾക്കും പെൻഷൻ ആനുകൂല്യം

28. *സുരക്ഷാ ബീമ യോജനയിലൂടെ* പ്രതിവർഷം 12 രൂപയ്ക്ക് ഇൻഷുറൻസ് പരിരക്ഷ

29. *ജീവൻ ജ്യോതി യോജനയിലൂടെ* പ്രതിവർഷം 330 രൂപയ്ക്ക് ഇൻഷുറൻസ് പരിരക്ഷ

30. *കൃഷി അംബനി ബീമാ യോജന* കർഷകർക്ക് ഇൻഷുറൻസ് പരിരക്ഷ

31. *പഹൽ യോജനയിലൂടെ* നേരിട്ടുള്ള സബ്സിഡി തുക വിതരണത്തിന് കുറ്റമറ്റ സംവിധാനം

32. ഓട്ടോ ഡ്രൈവർമാരുൾപ്പെടെയുള്ളവർക്ക് *ഇഎസ്ഐ ആനുകൂല്യം* ഏർപ്പെടുത്തി

33. എംപ്ലോയീസ് പ്രോവിഡന്റ് ഫണ്ടിന് കുറഞ്ഞ പെൻഷൻ 1000 രൂപ

34. ദേശീയ ഗ്രാമീണ തൊഴിലുറപ്പ് പദ്ധതിക്ക് കൂടുതൽ വിഹിതം

35. ഇടനിലക്കാരെ ഒഴിവാക്കി തൊഴിലുറപ്പ് വേതനം നേരിട്ട് ബാങ്കിലൂടെയാക്കി

36. 60 വയസ് പൂർത്തിയായവർക്കു *വരിഷ്ഠ പെൻഷൻ പോളിസി,*

37. പെൺകുട്ടികൾക്കുള്ള ഭാവിനിക്ഷേപത്തിന് *സുകന്യ സമൃദ്ധി യോജന*

38. കുറഞ്ഞ വിലയ്ക്ക് മരുന്ന് ലഭ്യമാക്കാൻ *പ്രധാനമന്ത്രി ജൻഔഷധി യോജന*

39. രാജ്യം കാത്തിരുന്ന ബുള്ളറ്റ് ട്രെയിൻ സ്വപ്നപദ്ധതിക്ക് തുടക്കം

40. എല്ലാ സംസ്ഥാനങ്ങളിലും *എയിംസ്* ആശുപത്രികൾക്ക് തീരുമാനം

41. പ്രവാസി തൊഴിലാളികൾക്കായി *മഹാത്മാഗാന്ധി പ്രവാസി സുരക്ഷാ യോജന*

42. നൈപുണ്യവികസനം വഴി തൊഴിലവസരം ഉറപ്പാക്കാൻ *ഉഡാൻ പദ്ധതി*

43. എല്ലാ സംസ്ഥാനങ്ങളിലും *ഐ ഐ ടി* തുടങ്ങാൻ തീരുമാനം

44. ദേശീയ പെൻഷൻ പദ്ധതി നിക്ഷേപത്തിന് നികുതിയിളവ് അനുവദിച്ചു

45. എല്ലാ കൃഷിയിടങ്ങളിലും ജലം എത്തിക്കാൻ ലക്ഷ്യമിട്ട് *കൃഷി ജലസേചൻ യോജന*

46. ഭരണത്തിൽ പൊതുജനങ്ങളുടെ ഇടപെടൽ സാധ്യമാക്കി *മൈ ഗവ് പോർട്ടൽ* സൗകര്യം

47. ബിസിനസ് സൗഹൃദ അന്തരീക്ഷമുറപ്പാക്കുന്ന നയപരിഷ്കാരങ്ങൾ ആവിഷ്കരിച്ചു

48. സ്വർണം നിക്ഷേപമായി സ്വീകരിക്കുന്ന *ഗോൾഡ് മോണിറ്ററൈസിംഗ് പദ്ധതിക്ക്* തുടക്കം.

49. എംപ്ലോയീസ് പ്രോവിഡന്റ് ഫണ്ട് അംഗങ്ങൾക്ക് ഭവനനിർമാണ പദ്ധതിക്ക് നിർദേശം

50. ദേശീയ ഗ്രാമീണ ഭവന പദ്ധതിയിലൂടെ വീട് പണിയാൻ 1.50 ലക്ഷം രൂപ സഹായം

51. എല്ലാ ഗ്രാമങ്ങളിലും 1000 ദിനത്തിനുള്ളിൽ വൈദ്യുതി എത്തിക്കാൻ *ഗ്രാമജ്യോതി യോജന*

52. മാതൃകാഗ്രാമങ്ങൾ സൃഷ്ടിക്കായി സംസദ് *ആദർശ് ഗ്രാമയോജന*

53. ചെറുകിട ഫാക്ടറികൾക്കായി *ശ്രം സുവിധ പോർട്ടൽ* സൗകര്യം ഏർപ്പെടുത്തി

54. *പ്രധാനമന്ത്രി വിദ്യാലക്ഷ്മി* പരിപാടിയിലൂടെ ദേശീയതല സ്കോളർഷിപ്പ് സഹായം

55. പിഎഫ് അക്കൗണ്ട് വിവരങ്ങൾ വരിക്കാരനിലേയ്ക്ക് നേരിട്ടെത്താൻ *യുഎഎൻ* സംവിധാനം

56. വിദ്യാർഥികൾക്ക് അപ്രന്റിസ് അവസരം വ്യാപകമാക്കാൻ *അപ്രന്റിസ് പ്രോത്സാഹൻ യോജന*

57. തൊഴിലവസരങ്ങൾ ഏകോപിപ്പിക്കാൻ ദേശീയ *കരിയർ സർവീസ് പോർട്ടൽ* തുടങ്ങി

58. ലോകത്തേറ്റവും വലിയ ഡയറക്ട് ബെനിഫിറ്റ് ട്രാൻസ്ഫർ സംവിധാനം പ്രാബല്യത്തിൽ

59. സ്റ്റാർട്ട് അപ്പുകളെ പ്രോത്സാഹനത്തിന് *അടൽ ഇന്നവേഷൻ മിഷൻ*

60. ജലക്ഷാമം പരിഹരിക്കാൻ അബ്ദുൾ കലാം വിഭാവനം ചെയ്ത *നദീബന്ധന പദ്ധതി*

61. ഗ്രാമങ്ങളിൽ നഗരസൗകര്യം സൃഷ്ടിക്കാൻ *ശ്യാമപ്രസാദ് മുഖർജി റൂർബൻ മിഷൻ*

62. ആദായനികുതി ഇളവുപരിധി വർദ്ധനയിലൂടെ കൂടുതൽ ആദായം

63. അഞ്ചു വർഷത്തിനകം എല്ലാ കുടുംബങ്ങളിലും *ശുചിമുറികൾ*

64. പെൺകുട്ടികളുടെ സുരക്ഷയ്ക്കായി *ബേട്ടീ ബചാവോ, ബേട്ടീ പഠാവോ യോജന*

65. കാർഷിക വാർത്തകൾക്കും വിവരങ്ങൾക്കുമായി *കിസാൻ ടിവി ചാനൽ*

66. വിളവ് വർധിപ്പിക്കാൻ എല്ലാ കർഷകർക്കും *സോയിൽ ഹെൽത്ത് കാർഡ്*

67. ചരിത്രത്തിലാദ്യമായി കേന്ദ്രത്തിൽ നിന്നു സംസ്ഥാനങ്ങൾക്ക് *42 %* പദ്ധതി വിഹിതം

68. രാജ്യത്തുടനീളം തപാൽ ഓഫിസുകളിലൂടെ ബാങ്കിങ് സേവനത്തിന് നടപടി

69. ആഭ്യന്തര വിനോദസഞ്ചാരത്തിനു പിൻബലമേകാൻ *സ്വദേശ് ദർശൻ പദ്ധതി*.

70. കുട്ടികൾക്കിടയിൽ ശുചിത്വബോധം വളർത്താൻ ബാൽ *സ്വച്ഛതാ അഭിയാൻ*

71. നിർമാണ പ്രവർത്തനങ്ങൾക്ക് കുറഞ്ഞ നിരക്കിൽ സിമന്റ് ലഭ്യമാക്കാൻ *ഇനാംപ്രോ*

72. റോഡ് അപകടങ്ങളിൽപ്പെടുന്നവർക്ക് *കാഷ്ലെസ് ചികിത്സാസൗകര്യം*

73. ദേശീയ പാതാ നിർമാണം ചരിത്രത്തിലാദ്യമായി പ്രതിവർഷം 6000 കി.മീ. കടന്നു.

74. വനിത, പട്ടികവിഭാഗ സ്റ്റാർട്ട് അപ് സംരംഭങ്ങൾക്ക് *സ്റ്റാൻഡ് അപ് ഇന്ത്യ പദ്ധതി*

75. ഭരണച്ചെലവ് കുറയ്ക്കാൻ *എക്സ്പെൻഡിചർ മാനേജ്മെന്റ് കമ്മിഷൻ*

76. ഏറെക്കാലത്തെ ആവശ്യമായ ഗംഗാ നദീസംരക്ഷണത്തിന് *നമാമി ഗംഗ പദ്ധതി*

77. ന്യൂനപക്ഷ വിഭാഗങ്ങളുടെ പഠനത്തിനും സ്കിൽ വൈദഗ്ധ്യത്തിനും *ഉസ്താദ് സ്കീം*

78. ടൂറിസം പ്രോൽസാഹിപ്പിക്കാൻ വിമാനത്താവളങ്ങളിൽ *ഇ–വിസ* സൗകര്യം

79. ദേശീയ തല സ്പോർട്സ് അക്കാദമി, കായിക സർവകലാശാലകൾക്ക് തീരുമാനം

80. തീർഥാടന നഗരങ്ങൾക്കായി *ഹൃദയ്, പ്രസാദ് പദ്ധതികൾക്ക്* തുടക്കം.

81. ഗുജറാത്ത് മുതൽ മിസോറം വരെ നീളുന്ന *ഭാരത് മാല പാതാ രൂപീകരണം*

82. വിനോദസഞ്ചാര കേന്ദ്രങ്ങളെ കോർത്തിണക്കി പ്രത്യേക പാതയ്ക്ക് തീരുമാനം

83. ഒളിംപിക് മെഡൽ ഉറപ്പാക്കാൻ കായികതാരങ്ങൾക്ക് പ്രത്യേക സഹായവും പരിശീലനവും

84. എല്ലാവർക്കും ചികിത്സാസഹായം ഉറപ്പാക്കാൻ *സാർവത്രിക ആരോഗ്യ പദ്ധതി* നിർദേശം

85. വിദേശത്തെ ഇന്ത്യൻ ഡോക്ടർമാരുടെ സേവനത്തിനു *സ്വാസ്ഥ് ഇന്ത്യ പോർട്ടൽ*

86. പ്രകൃതിദുരന്തം വഴിയുള്ള വിളനാശത്തിനു നഷ്ടപരിഹാരത്തുകയിൽ 50 % വർധന

87. മണ്ണിന്റെ ഉൽപാദനക്ഷമത ഉയർത്താൻ *നീം കോട്ടഡ് യൂറിയ പദ്ധതി*

88. ബിഎസ്എൻഎല്ലിൽ രാജ്യത്തുടനീളം സമ്പൂർണ റോമിങ് സൗജന്യം

89. കൃഷി സഹായങ്ങൾക്കായി ഫാം ക്രെഡിറ്റ് ലക്ഷ്യം 8.5 ലക്ഷം കോടിയായി ഉയർത്തി

90. കൂടുതൽ ജീവൻരക്ഷാ മരുന്നുകളെ വിലനിയന്ത്രണപട്ടികയിൽ ഉൾപ്പെടുത്തി.

91. കറൻസി നോട്ട് പേപ്പർ ഉൽപാദനം സ്വദേശത്താക്കിയതിലൂടെ കോടികളുടെ ലാഭം

92. 15 മാസത്തിനുള്ളിൽ അഞ്ച് ഐഐടികളും ആറ് ഐഐഎമ്മുകളും

93. അധ്യാപന വൈദഗ്ധ്യം മെച്ചപ്പെടുത്താൻ ദേശീയ *ഇ–ലൈബ്രറി* സംവിധാനം

94. പട്ടികവർഗക്കാരുടെ വികസനത്തിന് *വനബന്ധു കല്യാൺ യോജന*

95. രാജ്യത്തെ 100 ജില്ലകളെ ബന്ധിപ്പിച്ച് *അതിവേഗ ഹൈവേ പദ്ധതി"

96. ഭിന്നശേഷ ഉള്ളവരുടെ ക്ഷേമത്തിനായി *സുഗമ്യ ഭാരത് അഭിയാൻ*

97. വടക്കുകിഴക്കൻ സംസ്ഥാനങ്ങളുടെ വികസനത്തിന് 53000 കോടി പാക്കേജ്

98. പ്രതിവർഷ വൈദ്യുതി ഉൽപാദനത്തിൽ റെക്കോഡ് വർധന

99. ഭൂഗർഭ എണ്ണ ശേഖരണ പദ്ധതിയിലൂടെ വൻ കരുതൽ ശേഖരം

100. റോഡ് സുരക്ഷയ്ക്കായി കർശനവ്യവസ്ഥകളടങ്ങിയ നിയമനിർമാണം

101. നികുതി വെട്ടിപ്പുകാർക്കെതിരെ ഫാസ്റ്റ് ട്രാക്ക് നിയമനടപടികൾക്ക് തുടക്കമായി

102. പഞ്ചായത്തു കൾക്കുള്ള കേന്ദ്ര ഫണ്ട് വിഹിതത്തിൽ മൂന്നിരട്ടി വർധന

103. അക്കാദമിക് മേഖലയിൽ കുതിച്ചുചാട്ടമൊരുക്കാൻ *ഇ–ബസ്താ* സൗകര്യം

104. തട്ടിപ്പും കമ്മിഷനും തടയാൻ വിദേശറിക്രൂട്ട്മെന്റ് സർക്കാർ ഏജൻസി വഴിയാക്കി

105. കേന്ദ്ര സർക്കാരിലെ താഴ്ന്ന ജോലികൾക്ക് ഇന്റർവ്യൂ എന്ന കടമ്പ ഒഴിവാക്കി

106. കാർഷിക വിളകൾക്ക് മികച്ച വില ലഭ്യമാക്കാൻ *ഓൺലൈൻ ദേശീയ കൃഷിചന്ത*

107. രാജ്യമൊട്ടാകെ ഇന്റർനെറ്റ് ന്യൂട്രാലിറ്റിക്ക് (നെറ്റ് സമത്വം) അംഗീകാരം

108. സ്വർണസമ്പാദ്യം നിക്ഷേപം ആക്കാൻ *സ്വർണാധിഷ്ഠിത കടപ്പത്ര പദ്ധതി*

109. ദരിദ്രർക്ക് പാചകവാതകത്തിനായി സമ്പന്നർക്കുള്ള എൽപിജി സബ്സിഡി പിൻവലിച്ചു

110. സമഗ്ര മൽസ്യബന്ധന വികസനത്തിന് 3000 കോടിയുടെ പദ്ധതി

111. ഇഎസ്ഐയുള്ള വനിതാ ജീവനക്കാരുടെ പ്രസവാവധി കാലാവധി 26 ആഴ്ചയാക്കി

112. ധനഇടപാടുകൾക്ക് പാൻ കാർഡ് നിർബന്ധമാക്കി കള്ളപ്പണം തടയാൻ നടപടി

113. അഞ്ചുകോടി കുടുംബങ്ങൾക്ക് സൗജന്യ പാചകവാതകം ലഭ്യമാക്കാൻ *ഉജ്വൽ യോജന*

114. റബർ കർഷകർക്ക് താങ്ങായി റബർ വിലസ്ഥിരതാ ഫണ്ടിലേക്ക് കേന്ദ്രധനസഹായം

115. വിലവ്യതിയാന പ്രശ്നം തടയാൻ പയർ, പരിപ്പുവർഗങ്ങളുടെ വൻകരുതൽ ശേഖരം.

116. ട്രെയിനുകളിലെ ശുചിത്വം ഉറപ്പാക്കാൻ *ബയോടോയ്ലറ്റുകൾ*

117. പാത ഇരട്ടിക്കൽ ഉൾപ്പെടെ റയിൽ അടിസ്ഥാനവികസനത്തിന് റെക്കോർഡ് വേഗം

118. രാജ്യാന്തര സൗരോർജകൂട്ടായ്മയ്ക്ക് ഗുഡ്ഗാവിൽ പ്രവർത്തനകേന്ദ്രം തുടങ്ങി

119. ദേശീയ ഐക്യം ഊട്ടിയുറപ്പിക്കാൻ *ഏക് ഭാരത്, ശ്രേഷ്ഠ് ഭാരത് പദ്ധതി*

120. കയറ്റുമതിക്ക് പ്രോത്സാഹനമേകി *എക്സ്പോർട്ട് ഇന്ററെസ്റ്റ് സബ്സിഡി*

121. ദേശീയ പാതാ നിർമാണ പ്രദേശങ്ങളിൽ പൊതുജന സമ്പർക്ക ഓഫിസുകൾ.

122. ഗ്ലോബൽ ബാസ്കറ്റ് ഓഫ് ഗോൾഡ് കോയിൻസ് & ബുള്ള്യൻസിൽ ഇന്ത്യയും അംഗമായി.

123. മുടങ്ങിപ്പോയ ദേശീയ പാതാനിർമാണം പുനരുജ്ജീവിപ്പിക്കാൻ വായ്പാ സഹായം.

124. ലൈറ്റ് ഹൗസുകൾ വിനോദസഞ്ചാര കേന്ദ്രങ്ങളാക്കാൻ തീരുമാനം.

125. തൊഴിലുറപ്പ് പദ്ധതിക്കായി 10000 *ബെയർ ഫുട് ടെക്നീഷ്യൻമാരെ* നിയമിക്കുന്നു.

126. യൂറിയ ഉപയോഗം കുറച്ച് ജൈവകൃഷിക്ക് പ്രോത്സാഹനം നൽകുന്ന പദ്ധതി.

127. ഈടില്ലാതെ *7.5 ലക്ഷം* വരെ വിദ്യാഭ്യാസ വായ്പക്ക് പുതിയ പദ്ധതി.

128. യുഎഇയിലെ ഇന്ത്യക്കാരുടെ തൊഴിൽ സാഹചര്യം മെച്ചപ്പെടുത്താൻ ഉഭയകക്ഷിധാരണ.

129. ആറ് ദശാബ്ദമായുള്ള ഭീഷണിയും കലാപവും അവസാനിപ്പിച്ച് *നാഗാ സമാധാന ഉടമ്പടി*

130. ബംഗ്ലദേശുമായുള്ള പതിറ്റാണ്ടുകൾ നീണ്ട *അതിർത്തി തർക്കത്തിന്* ശാശ്വതപരിഹാരം.

131. കൈത്തറി ഉൽപന്നങ്ങൾക്ക് ആഗോളവിപണി കണ്ടെത്താൻ *ഇന്ത്യ ഹാൻഡ്ലൂം പദ്ധതി*

132. ഇപിഎഫ് തുക ഇടിഎഫിൽ നിക്ഷേപിച്ച് കൂടുതൽ ആദായത്തിന് പദ്ധതി.

133. കേന്ദ്ര പെൻഷൻ ഉപഭോക്താക്കൾക്ക് ആശ്വാസമായി *പെൻഷൻ പുതുക്കൽ.*

134. 40 കോടി പേർക്ക് തൊഴിൽ നൈപുണ്യം ഉറപ്പാക്കി *സ്കിൽഡ് ഡവലപ്മെന്റ് നയം.*

135. ദേശീയ തൊഴിലുറപ്പ് പദ്ധതിയിലേക്ക് *കൃഷിയും മൃഗസംരക്ഷണവും ഉൾപ്പെടുത്തി.*

136. പാഠപുസ്തകം സൗജന്യമായി മൊബൈലിൽ ലഭ്യമാക്കി.

*ഇ–പാഠശാല യോജന.*

137. *അങ്കണവാടി ജീവനക്കാർക്ക് പുതിയ കേന്ദ്ര പെൻഷൻ പദ്ധതി*

138. ട്രെയിൻ യാത്രക്കാർക്ക് തുണയാകാൻ *വികൽപ് ടിക്കറ്റ് പദ്ധതി*

139. പ്രോവിഡന്റ് ഫണ്ട് ഇൻഷുറൻസ് തുക 3.6 ലക്ഷത്തിൽ നിന്ന് 6 ലക്ഷമായി ഉയർത്തി.

140. മുതിർന്ന പൗരൻമാർക്കായി *വരിഷ്ഠ് പെൻഷൻ യോജന*

141. ആരോഗ്യത്തിന് ഹാനികരമായ ഒൗഷധചേരുവകൾ നിരോധിച്ചു.

142. പൊതുജന പ്രാധാന്യമുള്ള ഗവേഷണങ്ങൾക്ക് *ഇംപ്രിന്റ് ഇന്ത്യ പദ്ധതി*

143. എല്ലാ നിർധനകുടുംബങ്ങൾക്കും *ഒരു ലക്ഷം രൂപയുടെ ആരോഗ്യ ഇൻഷുറൻസ്*

144. ഭൂമിയില്ലാത്ത കർഷകരെ സഹായിക്കാൻ *ഭൂമിഹീൻ കിസാൻ പദ്ധതി*

145. ആറു കോടി കുടുംബങ്ങൾക്കായി *ഡിജിറ്റൽ ലിറ്ററസി സ്കീം*

146. രാജ്യത്തുടനീളം ജില്ലാ ആശുപത്രികൾ തോറും *ഡയാലിസിസ് സൗകര്യം.*

147. ഉന്നതപഠനരംഗത്ത് കൈത്താങ്ങായി *ഉപരിപഠന ധനസഹായ ഏജൻസി*

148. റയിൽവേ പദ്ധതികൾ വേഗത്തിലാക്കാൻ ഇപിസി മാതൃക പ്രാബല്യത്തിൽ.

149. പെൻഷൻ, പ്രോവിഡന്റ് ഫണ്ട് പദ്ധതികൾക്ക് സേവനനികുതി ഇളവ്.

150. *പ്രധാനമന്ത്രി ഗ്രാമസഡക് യോജനയ്ക്ക്* റെക്കോർഡ് വേഗം.

151. വ്യവസായരംഗം മാറ്റിമറിക്കാൻ *ഇൻഡസ്ട്രിയൽ കോറിഡോർ ഹൈവേ*

152. ഗ്രാമ പഞ്ചായത്തുകൾക്കും നഗരസഭകൾക്കും 80 ലക്ഷം, 21 കോടി ഗ്രാന്റ്.

153. കാർഷിക ഉൽപന്ന വിപണനത്തിന് *അംബേദ്കർ ഇ– വിപണി*

154. ക്ഷീരമേഖലയ്ക്ക് കരുത്തേകാൻ പുതിയ പദ്ധതികൾ തുടങ്ങി.

155. ചെലവ് കുറഞ്ഞ വീടുകൾക്ക് സേവനനികുതി ഇളവ്.

ഏർപ്പെടുത്തി

156. ജൈവകൃഷി വ്യാപനത്തിനും മണ്ണ് സംരക്ഷണത്തിനും നൂതനപദ്ധതി.

157. സംസ്ഥാനതലത്തിൽ ഊർജമേഖല കാര്യക്ഷമമാക്കാൻ *ഉദയ് യോജന*

158. ഒൗദ്യോഗിക രേഖാസമർപ്പണങ്ങൾക്ക് *സ്വയംസാക്ഷ്യപ്പെടുത്തൽ സൗകര്യം.*

159. എണ്ണകരുതൽ ശേഖരത്തിലും സമാഹരണത്തിലും കുതിച്ചുചാട്ടം.

160. പയർവർഗങ്ങളുടെ ക്ഷാമപരിഹാരത്തിന് വൻ കരുതൽ ശേഖരത്തിന് തുടക്കമിട്ടു.

161. അർധസൈനിക വിഭാഗത്തിൽ *വനിതകൾക്ക് സംവരണം* ഏർപ്പെടുത്തി.

162. *സർവശിക്ഷാ അഭിയാൻ* പുരോഗതി വിലയിരുത്താൻ ദൈനംദിന ഇ– അവലോകനം.

163. ഷിപ്പിങ് മേഖലയിൽ വൻകുതിപ്പ് ഉറപ്പാക്കി *മാരിടൈം ഉച്ചകോടി* ആദ്യമായി ഇന്ത്യയിൽ.

164. പദ്ധതികളുടെ പുരോഗതി *പ്രധാനമന്ത്രി നേരിട്ട് വിലയിരുത്തുന്ന പ്രഗതി പരിപാടി* തുടങ്ങി.

165. വിദേശ ഇന്ത്യക്കാരുടെ പ്രശ്നങ്ങളിൽ *സത്വര ഇടപെടലും നടപടിയും.*

166. ചരിത്രത്തിൽ ആദ്യമായി അതിർത്തി കടന്നു ഭീകരരെ വധിച്ച സൈനിക നടപടി.

167. നേപ്പാളിലും മാലിദ്വീപിലും സഹായമെത്തിച്ച് സ്തുത്യർഹ സേവനം.

168. യെമൻ, ഇറാഖ് പോർമുഖങ്ങളിൽ രാഷ്ട്രാഭിമാനമുയർത്തിയ രക്ഷാദൗത്യം.

169. ദീർഘവീക്ഷണവും വികസനലക്ഷ്യവും പ്രതിഫലിച്ച, അഭിനന്ദനമേറ്റുവാങ്ങിയ ബജറ്റുകൾ.

170. ഇന്ത്യൻ റയിൽവേയുടെ മുഖഛായ മാറ്റുന്നതിനായി സമഗ്ര നടപടികൾക്കു തുടക്കം.

171. 10 വർഷത്തെ കാത്തിരിപ്പിനൊടുവിൽ *സൈനികർക്ക് ബുള്ളറ്റ് പ്രൂഫ് ജാക്കറ്റിന്* അനുമതി.

172. കർഷക ക്ഷേമത്തിനായി കാലത്തിനു യോജിച്ച *സുവിധ ആപ്* സൗകര്യം.

173. കർഷകർക്ക് ആശ്വാസമായി *തോട്ടവിള വരുമാന ഇൻഷുറൻസ് പദ്ധതി*

174. ഓരോ പൗരന്റെയും സ്വകാര്യത ഉറപ്പാക്കുന്ന *ആധാർ ബിൽ* അവതരണം.

175. രാജ്യത്ത് ഇലക്ട്രിക് വാഹന വിപ്ലവത്തിന് വിഭാവനം ചെയ്യുന്ന പദ്ധതി നിർദേശം.

176. നഗരങ്ങളിലെ മലിനീകരണം തടയാൻ കർശന നിർമാണ മാലിന്യ ചട്ടം.

177. മൂന്ന് വർഷത്തിനകം ഒരു കോടി വീടുകൾ ലക്ഷ്യമിട്ട് പ്രധാനമന്ത്രി *ഗ്രാമീണ ഭവനപദ്ധതി*

178. പൊതുജനങ്ങളുടെ പരാതികളിൽ 60 ദിവസത്തിനകം തീരുമാനത്തിന് വ്യവസ്ഥ.

179. സാർക് രാജ്യങ്ങൾക്കായി ഇന്ത്യയുടെ സമ്മാനമായി *പൊതു ഉപഗ്രഹം.*

180. രാജ്യമാകെ വൻ വിലക്കിഴവിൽ എൽഇഡി ബൾബ് വിതരണത്തിന് *ഉജാല പദ്ധതി*

181. കാർഷിക വിപണിയുടെ കുതിപ്പിന് *അഗ്രി ടെക് ഇൻഫ്രാസ്ട്രക്ചർ ഫണ്ട്*

182. വിനോദസഞ്ചാര മേഖലയ്ക്ക് ഉണർവേകി *ടൂറിസ്റ്റ് വിസ ഓൺ അറൈവൽ സൗകര്യം.*

183. കേന്ദ്ര ഓഫിസുകളിൽ കൃത്യനിർവഹണം ഉറപ്പാക്കാൻ ബയോമെട്രിക് ഹാജർ സംവിധാനം.

184. തൊഴിൽ പരിശീലന കോഴ്സുകൾക്ക് അന്താരാഷ്ട്ര അംഗീകാരം നേടാൻ പദ്ധതി.

185. ചരിത്രം കുറിച്ച് രാജ്യത്തിന്റെ ആദ്യ *അർദ്ധാതിവേഗ ട്രെയിൻ സർവീസ് (ഗതിമാൻ).*

186. വിദ്യാർഥികൾക്ക് നേരിട്ട് അപേക്ഷാ സൗകര്യവുമായി *ദേശീയ സ്കോളർഷിപ്പ് പോർട്ടൽ*

187. *ദളിതർക്കും താഴ്ന്ന വരുമാനക്കാർക്കും ഐഐടികളിൽ ഫീസില്ലാതെ പഠനം.*

188. ഇന്ത്യൻ നിയമവ്യവസ്ഥയ്ക്ക് വിധേയമല്ലാതെ പ്രവർത്തിക്കുന്ന എൻജിഒകൾക്ക് നിരോധനം.

189. കേന്ദ്ര ജീവനക്കാർക്ക് സേവനകാലം നോക്കാതെ *പെൻഷൻ നൽകാൻ അനുമതി.*

190. മുൻഗണനാ പദ്ധതികളുടെ പുരോഗതി നിരീക്ഷണത്തിന് *ഇ– സമീക്ഷ സംവിധാനം*

191. നുഴഞ്ഞുകയറ്റവും കള്ളക്കടത്തും തടയാൻ അതിർത്തിയിൽ *പഞ്ചതലസുരക്ഷയ്ക്ക്* അനുമതി.

192. വടക്കുകിഴക്കൻ സംസ്ഥാനങ്ങളുടെ ഉന്നമനത്തിന് ഒട്ടേറെ പദ്ധതികൾ.

193. പൊതു– സ്വകാര്യ പങ്കാളിത്തത്തോടെ *ഡയാലിസിസ് കേന്ദ്രങ്ങളുടെ ശൃംഖല*

194. പൊതുജനാരോഗ്യ ബോധവൽക്കരണത്തിന് *സ്വസ്ഥ് ഭാരത് ആപ്*

195. രക്തബാങ്കുകളുടെ പ്രവർത്തനം ഏകോപിപ്പിക്കാൻ *ഇ– രക്തകോശ്* പരിപാടി.

196. പെട്രോളിയം ലഭ്യതയ്ക്ക് ഗൾഫ് രാജ്യങ്ങളുമായി സഹകരണ കരാറുകൾ.

197. പൊതുമേഖലാ പുനരുജ്ജീവനത്തിന് കേന്ദ്ര ഇടപെടൽ (ഫാക്ടിന് 1000 കോടി)

198. ജീവനക്കാർക്ക് ആദായനികുതി ആനുകൂല്യം നേടാൻ മൂന്ന് പുതിയ പദ്ധതികൾ.

199. എറണാകുളം ഉൾപ്പെടെ രാജ്യത്തെ 100 റയിൽവേ സ്റ്റേഷനുകളിൽ വൈഫൈ സൗകര്യം.

200. ചെറു നഗരങ്ങളിലേക്ക് പ്രാദേശിക വിമാന സർവീസുകളുമായി *പുത്തൻ വ്യോമനയം.*

201. ചെറുകിട വ്യവസായ സംരംഭകർക്ക് സഹായഹസ്തവുമായി *ഉദ്യോഗ് ആധാർ*

202. കേന്ദ്ര സർക്കാർ സർവീസുകളിലെ *തൊഴിലവസരങ്ങളുടെ എണ്ണത്തിൽ വൻവർധന*

203. വന വൽക്കരണത്തിനും ആദിവാസി –പിന്നാക്ക തൊഴിലവസര സൃഷ്ടിക്കും 40000 കോടി രൂപ.

205. മധ്യേഷ്യൻ– ഗൾഫ് രാജ്യങ്ങളുമായുള്ള നയതന്ത്ര ബന്ധത്തിൽ കൂടുതൽ ദൃഢത.

206. *കരാർ തൊഴിലാളികളുടെ കുറഞ്ഞ വേതനം 10000 രൂപയാക്കി ഉയർത്തി.*

207. രാജ്യത്തെ *സൗരോർജ* ഉൽപാദനത്തിൽ അഭൂതപൂർവമായ കുതിച്ചുചാട്ടം.

208. *അഞ്ചു വർഷം കൊണ്ട് കർഷകരുടെ വരുമാനം ഇരട്ടിയാക്കാൻ ലക്ഷ്യമിട്ട് സമഗ്ര പദ്ധതി.*

209. കർഷകർക്കായുള്ള യൂറിയ ഉല്പാദനത്തിൽ വൻ വർധനവ്.

210. ടോൾ ബൂത്തുകളിലൂടെയുള്ള ഇന്ധനനഷ്ടം പരിഹരിക്കാൻ സാങ്കേതിക സംവിധാനം.

211. സംസ്ഥാനങ്ങളിലെ തീർഥാടന കേന്ദ്ര വികസനത്തിന് *സ്വദേശി ദർശൻ പദ്ധതി*

212. ഗൂഗിൾ, ഫേസ്ബുക്ക്, മൈക്രോസോഫ്റ്റ് തുടങ്ങിയ ആഗോളകമ്പനികളുമായി സഹകരണം.

213. സംസ്ഥാനങ്ങളിലെ കൊടുംവരൾച്ച നേരിടാൻ *റയിൽവേ വഴി ജലവിതരണം.*

214. രാജ്യത്ത് ഹൈസ്പീഡ് റയിൽ നെറ്റ്വർക്ക് ഒരുക്കാൻ *ഡയമൺഡ് ക്വാഡ്രിലാറ്ററൽ പദ്ധതി.*

215. ഗ്രാമീണ ഭാരതത്തിന്റെ ഉന്നമനം ലക്ഷ്യമിട്ട് *ഉന്നത് ഭാരത് അഭിയാൻ*

215. മൂലധന വിപണിയിലെ തട്ടിപ്പുകൾ തടയാൻ സെക്യൂരിറ്റീസ് ലോ ആക്ട്.

216. 2020 ൽ രാജ്യത്ത് ക്ഷയരോഗ നിർമാർജനം ലക്ഷ്യമിട്ട് *ടിബി മിഷൻ* തുടങ്ങി നിരവധി ജനോപകാരപ്രദമായ പദ്ധതികൾ ബഹു.പ്രധാനമന്ത്രി ശ്രീ.നരേന്ദ്രമോദിയുടെ ശക്തമായ നേതൃത്വത്തി മുള്ള കേന്ദ്ര സർക്കാർ നടപ്പിൽ വരുത്തി കഴിഞ്ഞു.

ഇടുങ്ങിയ രാഷ്ട്രീയ ചിന്താഗതികളുടെ ഫലമായി കേന്ദ്ര സർക്കാർ നടപ്പിലാക്കിയ ജനോപകാരപ്രദമായ പദ്ധതികൾ നമ്മുടെ സംസ്ഥാനത്ത് നടപ്പിൽ വരുത്താതിരിക്കുവാനും, ചില പദ്ധതികൾ പേര് മാറ്റി അവതരിപ്പിക്കാനും, കേന്ദ്ര പദ്ധതികൾ എല്ലാം സ്വന്തം പദ്ധതികളാണെന്ന തരത്തിൽ പ്രചരണം നടത്തുന്നതിനുമാണ് സംസ്ഥാന സർക്കാർ ശ്രമിച്ചത്.

അഴിമതി മുഖ മുദ്രയാക്കി രാജ്യം ഭരിച്ച മറ്റൊരു കൂട്ടർ അഴിമതിയുടെ കറപുരളാത്ത നരേന്ദ്ര മോദി സർക്കാരിനെ ജനങ്ങൾക്കിടയിൽ അഴിമതിക്കാരാക്കി ചിത്രീകരിക്കാൻ ശ്രമിച്ച് സ്വയം അപഹാസ്യരാകുന്ന കാഴ്ചയും നിത്യേന കാണാം.

*ജന നന്മ...*

*രാജ്യ സുരക്ഷ...*

*രാജ്യ പുരോഗതി...* എന്നീ കാര്യങ്ങൾ ലക്ഷ്യമായി കണ്ട് അഹോരാത്രം പ്രവർത്തിക്കുന്ന

ശ്രീ.നരേന്ദ്ര മോദി നേതൃത്വം നൽകുന്ന അഴിമതിയുടെ കറപുരളാത്ത

കേന്ദ്ര സർക്കാരാണ് നമ്മുടെ രാജ്യം ഭരിക്കുന്നത് എന്നതിൽ ഒരോ ഭാരതീയനും അഭിമാനിക്കാം.

*ഭാരത് മാതാ കീ ജയ്*